ରାଜସ୍ଥାନ ମାମଲାରେ ସବୁଠୁ ଅଧିକ ଧକ୍କା କାହାକୁ ଲାଗିଛି ? ଗେହଲଟ ବିଜେପିର ଏହି ବଡ଼ ନେତାଙ୍କ ନାଁ ନେଲେ…

ଜୟପୁର: ଗୃହରେ ଅଶୋକ ଗେହଲଟ ସରକାର ବହୁମତ ସାବ୍ୟସ୍ତ କରିଛି । ଏଥିସହ ମୁଖ୍ୟମନ୍ତ୍ରୀ ଅଶୋକ ଗେହଲଟ ବିରୋଧୀଙ୍କୁ ଜବାବ ଦେଇ କହିଛନ୍ତି- ବିରୋଧୀ ଗୁଲାବ ଚନ୍ଦ କଟରିୟାଙ୍କ ନୂଆ ରୂପ ଆଜି ଦେଖିବାକୁ ମିଳିଛି । ଗେହଲଟ, କଟରିୟାଙ୍କ ସମସ୍ତ ଅଭିଯୋଗକୁ ଅସ୍ୱୀକାର କରିବା ସହ ବହୁମତ ପରୀକ୍ଷାରେ ବହୁତ କିଛି କହିବାକୁ ତାଙ୍କ ପାଖେ ବହୁତ କିଛି ଥିଲା ବୋଲି କହି କଟାକ୍ଷ କରିଛନ୍ତି । କିନ୍ତୁ, ଆପଣ କିଛି କହିଲେ ନାହିଁ । କରୋନାକୁ ନେଇ ଆପଣ ଯେଉଁଭଳି ଚର୍ଚ୍ଚା କରୁଥିଲେ ତାକୁ ନେଇ ଅବଶୋଷ ରହିଛି । କରୋନା କାଳରେ ଦୁନିଆ ରାଜସ୍ଥାନର ତାରିଫ୍ କରିଛି । ପ୍ରଧାନମନ୍ତ୍ରୀ ମୋଦି କହୁଛନ୍ତି କରୋନା ଉପରେ ରୋକ୍ ଲଗାଇବା ପାଇଁ ଅନ୍ୟରାଜ ରାଜସ୍ଥାନଠାରୁ ପ୍ରେରଣା ନେବା ଉଚିତ୍ । ମୁଁ ତ ତାଙ୍କୁ ଏପରି କହିବାକୁ ମନା କରୁଛି । ଭିଲୱାଡ଼ା ମଡେଲ୍ ସମ୍ପର୍କରେ ଆମେ ପ୍ରଧାନମନ୍ତ୍ରୀଙ୍କୁ କହିନାହୁଁ ।

ଗେହଲଟ କହିଛନ୍ତି- ଦେଶର ପ୍ରତି ରାଜନୈତିକ ଦଳର ନେତାଙ୍କ ମଧ୍ୟରେ ରାଜନୈତକ ଦୂରତା ସୃଷ୍ଟି ହୁଏ । ରାଜସ୍ଥାନରେ ହୋଇଥିବା ବିବାଦର ସୁଖଦ ସମାପ୍ତକୁ ନେଇ ଯଦି କାହାକୁ ଅଧିକ ଧକ୍କା ଲାଗିଛି ତେବେ ସେ ହେଉଛନ୍ତି ଅମିତ ଶାହ ଓ ଆପଣ । ସରକାର ଭାଙ୍ଗିବା ପାଇଁ କେନ୍ଦ୍ର ସରକାରଙ୍କ ବଡ଼ ବଡ଼ ନେତା ଲାଗି ପଡ଼ିଥିଲେ । ଲାଗୁଛି ସେଥିରେ ସେମାନେ ଆପଣଙ୍କୁ ସାମିଲ୍ କରିନଥିଲେ । ହୋଇପାରେ ଆପଣ ଏଥିରେ ଅନଭିଜ୍ଞ ଥିଲେ । ଆପଣ ବିରୋଧୀ ଦଳ ନେତା ଓ ଆପଣଙ୍କ କଥା ବୁଝି ହେଉଛି । ଫୋନ୍ ଟ୍ୟାପିଂରୁ ଜଣାପଡ଼ିଛି କେଉଁ କେନ୍ଦ୍ରୀୟ ମନ୍ତ୍ରୀ ଏହି ଷଡ଼ଯନ୍ତ୍ରରେ ସାମିଲ୍ ଥିଲେ । କେବଳ ଏତିକି କହିବ ଆପଣଙ୍କ ସ୍ୱପ୍ନ କେବେ ପୁରା ହେବ ନାହିଁ । ୪ ମାସ ଧରି କିଭଳି ଷଡ଼ଯନ୍ତ୍ର କରାଯାଇଥିଲା ତାର ସାକ୍ଷୀ ପୁରା ଦେଶ ଅଛି ।

କର୍ଣ୍ଣାଟକ, ମଣିପୁର, ଗୋଆ, ମଧ୍ୟପ୍ରଦେଶରେ ଆପଣ କଣ କରିଛନ୍ତି ? ସବୁଠୁ ଆପଣ କଂଗ୍ରେସ ବିଧାୟକଙ୍କୁ ଚୋରାଇ ନେଇଛନ୍ତି । ପ୍ରତି ସ୍ଥାନରେ ଆପଣ ଗଣତନ୍ତ୍ରକୁ ବିପନ୍ନ କରିଛନ୍ତି । ଷଡ଼ଯନ୍ତ୍ର କରି ଆପଣ କଣ କଣ କରିଛନ୍ତି ତାହା ବତାଇବା ଦରକାର ନାହିଁ । ଶହେ ମୂଷା ଖାଇ କରି ବିଲେଇ ହଜ୍ ଯାତ୍ରା ଯିବାବଳି ଆପଣଙ୍କ ଅବସ୍ଥା ବୋଲି ଗେହଲଟ୍ କହିଛନ୍ତି ।

କେନ୍ଦ୍ରୀୟ ମନ୍ତ୍ରୀଙ୍କ ଫୋନ୍ ଟ୍ୟାପିଂ କେମିତି ହେଲା ଆପଣ ମୋତେ ପଚାରୁଛନ୍ତି । ଆପଣ ତ ଗୃହମନ୍ତ୍ରୀ ଅଛନ୍ତି । ରାଜସ୍ଥାନରେ ବେଆଇନ୍ ଭାବେ ଫୋନ୍ ଟ୍ୟାପିଂର ପରମ୍ପରା ନାହିଁ । ଏଭଳି କେବେ ମଧ୍ୟ ହୋଇନାହିଁ ବୋଲି ଗେହଲଟ୍ କହିଛନ୍ତି ।

ବିରୋଧୀ ନେତାଙ୍କୁ ବରିଷ୍ଠ କହି ଗେହଲଟ କହିଛନ୍ତି- ଦେଶରେ ଗଣତନ୍ତ୍ରକୁ ସଂକଟରେ ପକାଇବାକୁ ନେଇ ଆପଣଙ୍କୁ ଚିନ୍ତା କରିବା ଉଚିତ୍ । ଆପଣମାନେ ଗୃହ ଯୁଦ୍ଧରେ ମାତିଛନ୍ତି । ୫୦ ବର୍ଷ ଧରି ମୁଁ ରାଜନୀତି କରୁଛି, ତୃତୀୟ ଥର ମୁଖ୍ୟମନ୍ତ୍ରୀ ହୋଇଛି । କିନ୍ତୁ, ମୁଁ ଚିନ୍ତିତ ଅଛି । ମୁଁ ପ୍ରଦେଶ ଅଧ୍ୟକ୍ଷ ଥିଲି, ଭୈରବ ସିଂହ ସେଖାୱତଙ୍କ ସରକାରଙ୍କୁ ଭାଙ୍ଗିବାକୁ ଷଡ଼ଯନ୍ତ୍ର କରାଯାଇଥିଲା । କିନ୍ତୁ, ବିରୋଧୀ ଭୂମିକାରେ ଥାଇ ବି ତାଙ୍କ ସହ ଛିଡ଼ା ହୋଇଥିଲି । ମୋତେ ଲାଗୁଛି ଆପଣଙ୍କ ଦଳ ଲୋକ ଆପଣଙ୍କୁ ସୂଚନା ଦେଉନାହାଁନ୍ତି । ତେଣୁ, ଆପଣଙ୍କୁ ଆଜି ନୂଆ ରୂପରେ ଦେଖିବାକୁ ମିଳିଲା । ଆପଣଙ୍କୁ ଲୁଚାଇ ଲୋକ ଏଠି ରାଜନୀତି କରୁଛନ୍ତି ।

ଇତିହାସ ପଢ଼, ଆଖି ଖୋଲିଯିବ

ନରେନ୍ଦ୍ର ମୋଦି ଓ ଅମିତ ଶାହ ଗଣତନ୍ତ୍ର ଯୋଗୁଁ ଦେଶରେ ରାଜ କରୁଛନ୍ତି । ଆପଣମାନେ କଂଗ୍ରେସର ଇତିହାସ ପଢ଼ନ୍ତୁ, ଆଖି ଖୋଲିଯିବ । ଆମର ନେତା କେତେ ତ୍ୟାଗ କରିଛନ୍ତି, ବଳିଦାନ ଦେଇଛନ୍ତି । ପଣ୍ଡିତ ନେହରୁ ୧୦-୧୦ ବର୍ଷ ଧରି ଜେଲରେ ବନ୍ଦୀ ଥିଲେ । ଆପଣଙ୍କ ଦଳର ଲୋକଙ୍କ ଏକ ଆଙ୍ଗୁଠି ମଧ୍ୟ କଟିନାହିଁ ଆପଣ କଣ କଥା କହିବେ । ଆପଣଙ୍କୁ କ୍ଷମତାର ନିଶା ରହିଛି । ଜନତା କେବେ ବଦଳିଯିବେ ଜଣାପଡ଼ିବ ନାହିଁ । ଇନ୍ଦିରା ଗାନ୍ଧି ଉଦାହରଣ ବୋଲି ଗେହଲଟ କହିଛନ୍ତି ।