ଖୁଦୁରୁକୁଣି ଓଷାରେ ସାମାଜିକ ଦୂରତ୍ୱ କଥା ଉଠାଇବା ମହିଳାଙ୍କୁ ପଡିଲା ମହଙ୍ଗା

ଭୁବନେଶ୍ୱର: ରାଜଧାନୀ ଉପକଣ୍ଠ ତମାଣ୍ଡୋ ଥାନା ସୁବୁଦ୍ଧିପୁରରେ ଅଭାବନୀୟ ଘଟଣା । ମାନବିକତାକୁ ପଛରେ ପକାଇ ମହିଳାଙ୍କୁ ଉଲଗ୍ନ କରିଛନ୍ତି ମହିଳାମାନେ । ଏଥିରେ ଯଦିଓ ପୁରୁଷମାନଙ୍କର କିଛି ଭୂମିକା ନାହିଁ କିନ୍ତୁ ଜଣେ ମହିଳାଙ୍କ ପ୍ରତି ମହିଳାମାନଙ୍କର ଏଭଳି କାର୍ଯ୍ୟକଳାପ ବହୁ ନିନ୍ଦନୀୟ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସ୍ପଷ୍ଟ ଦେଖାଯାଇଛି ଯେ, ଗାଁ ଦାଣ୍ଡରେ ମହିଳାଙ୍କୁ ଉଲଗ୍ନ କରି ମାଡ଼ ମାରାଯାଇଛି ।

ସୂଚନା ଅନୁସାରେ, କରୋନାର କାରଣରୁ ସାମାଜିକ ଦୂରତା ରକ୍ଷା ଉପରେ ମହିଳା ଜଣକ ଗୁରୁତ୍ୱ ଦେଉଥିଲେ ।  ସେହି ଅଞ୍ଚଳରୁ ଜଣେ କରୋନା ଆକ୍ରନ୍ତ ମଧ୍ୟ ଚିହ୍ନଟ ହୋଇଥିଲେ । ତେଣୁ ମହିଳା ଜଣଙ୍କ ଏସବୁ ଦୃଷ୍ଟିରେ ରଖି ସେ ତାଙ୍କ ପିଲାମାନଙ୍କୁ ଖୁଦୁରୁକୁଣି ଓଷା ଯିବାକୁ ବାରଣ କରିଥିଲେ । କିନ୍ତୁ ଏହାକୁ ଗ୍ରହଣ କରିପାରି ନଥିଲେ କିଛି ମହିଳା । ମହିଳାଙ୍କ ସ୍ୱାମୀ ଘରେ ନଥିବା ବେଳେ, ପ୍ରଥମେ ସାହିଲୋକେ ବଚସା କରିଥିଲେ ତାପରେ ମହିଳାଙ୍କୁ ଘରୁ ଟାଣି ଆଣି ଉଲ୍ଲଗ୍ନ କରି ମାଡ଼ ମାରିଥିବା ଅଭିଯୋଗ ହୋଇଛି । ତେବେ ଏନେଇ ତମାଣ୍ଡୋ ଥାନାରେ ଅଭିଯୋଗ କରିଛନ୍ତି ପୀଡ଼ିତା । ଘଟଣା ସମ୍ପର୍କରେ ଖୋଳତାଡ଼ ଆରମ୍ଭ କରିଛି  ପୋଲିସ ।