ସୁଶାନ୍ତଙ୍କ ମୃତ୍ୟୁ ମାମଲାରେ ସମ୍ପୃକ୍ତ ଅଛନ୍ତି ଆଦିତ୍ୟ ଠାକରେ!
ସାରା ଦେଶରେ ସୁଶାନ୍ତ ସିଂ ରାଜପୂତଙ୍କ ମୃତ୍ୟୁକୁ ସର୍ବାଧିକ ଚର୍ଚ୍ଚା ଜାରି ରହିଛି । ରାଜପୁତଙ୍କ ଆତ୍ମହତ୍ୟା ମାମଲାକୁ ନେଇ ବିଭିନ୍ନ ମହଲରୁ ସିବିଆଇ ତଦନ୍ତ ଦାବି ହେଲାଣି । ଏହି ମାମଲାକୁ ନେଇ ରାଜନୈତିକ ବୟାନବାଜି ମଧ୍ୟ କିଛି କମ ହୋଇନାହିଁ । କେତେକ ଏହି ଘଟଣାରେ ମହାରାଷ୍ଟ୍ର ସରକାର ତଥା ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଉପରେ ପ୍ରଶ୍ନ ଉଠାଇଲେଣି । ଘଟଣାକ୍ରମରେ ଜୁନିୟର ଠାକରେ ତଥା ବାଲାସାହେବଙ୍କ ନାତି ଆଦିତ୍ୟ ଏହି ବିବାଦକୁ ଟାଣି ହୋଇ ଆସିଲେଣି ।ସୁଶାନ୍ତଙ୍କ ଜଣେ ପ୍ରଶଂସକ ରୋହିତ ସର୍ଦାନା ଫେସବୁକ୍ ପୋଷ୍ଟକୁ ଲକ୍ଷ୍ୟ କଲେ ଜଣାଯାଏ ଯେ, ସର୍ଦାନା ସିମି ଶର୍ମାଙ୍କ ପୋଷ୍ଟକୁ ନଜର ଅନ୍ଦାଜ କରୁଥିଲେ । ହେଲେ ଜଣାଶୁଣା ସାମ୍ବାଦିକ ଅର୍ନବ ସ୍ୱାମୀଙ୍କ ପ୍ରାଇମ୍ ଟାଇମ୍ ଡିବେଟ୍ ଶୋ ପରେ ବ୍ୟକ୍ତି ଜଣକ ସିମି ଶର୍ମାଙ୍କ ପୋଷ୍ଟ ଉପରେ ନଜର ପକାଇଲେ । କିଭଳି ଭାବରେ ସବୁ ଖବର ପରିପୂରକଭାବେ ଯୋଡ଼ି ହୋଇ ରହିଛି ତାହାକୁ ନେଇ ସନ୍ଦେହ ଘନୀଭୂତ ହେବାରେ ଲାଗିଲା । ତେବେ କ’ଣ ସେହି ପୋଷ୍ଟ? କାହିଁକି ଏହାକୁ ନେଇ ଏତେ ଆଲୋଚନା ? କିଏ ଏହି ଘଟଣାରେ ସଂପୃକ୍ତ ରହିଛି ?ନଜର ପକାନ୍ତୁ ଶିମି ଶର୍ମାଙ୍କ ସୋସିଆଲ ମିଡିଆ ପୋଷ୍ଟ ଉପରେ ।
ଏହି ପୋଷ୍ଟରେ କେତେ ସତ୍ୟତା ରହିଛି, ତାହା ତଦନ୍ତ ପରିସରଭୁକ୍ତ । ଯଦି ଏହି ମିଥ୍ୟା, ତେବେ ସାମାଜିକ ଗଣମାଧ୍ୟମରେ ଏହାକୁ ପୋଷ୍ଟ କରିଥିବା ବ୍ୟକ୍ତିଙ୍କୁ ଦଣ୍ଡ ଦିଆଯିବାର ଆବଶ୍ୟକତା ରହିଛି । ହେଲେ ଯଦି ସୁଶାନ୍ତଙ୍କ ମୃତ୍ୟୁ ସହ ଏହି ପୋଷ୍ଟର ପ୍ରକୃତରେ କିଛି ସମ୍ପର୍କ ରହିଛି, ତେବେ ତଦନ୍ତ କରୁଥିବା ସଂସ୍ଥା ଏହାକୁ ଗୁରୁତର ସହ ବିଚାର କରିବା ଆବଶ୍ୟକ ବୋଲି ସାଧାରଣରେ ଦାବି ଉଠିଛି । ତେଣୁ ଏହାର ତଦନ୍ତ ବିହାର ଏବଂ ମହାରାଷ୍ଟ୍ର ପୋଲିସ ମଧ୍ୟରେ ରହୁଛି, ନା ସିବିଆଇକୁ ଦିଆଯାଉଛି । ତାହା ଉପରେ ସମସ୍ତଙ୍କ ନଜର ରହିବ ।
