ବୈଠକରେ ଅଧିକ ସଂକ୍ରମିତ ହୋଇଥିବା ୪ଜିଲ୍ଲା ଉପରେ ଫୋକସ୍ ଦିଆଯିବ
ଭୁବନେଶ୍ୱର: କରୋନାକୁ ମାତ ଦେବାକୁ ଅଣ୍ଟାଭିଡ଼ିଛନ୍ତି ରାଜ୍ୟ ସରକାର । ପିଲାଙ୍କ ଠାରୁ ଆରମ୍ଭ କରି ବୃଦ୍ଧଙ୍କ ପର୍ଯ୍ୟନ୍ତ ସମସ୍ତଙ୍କ ସୁରକ୍ଷା ପାଇଁ ବିଭିନ୍ନ ପ୍ରକାର ପଦକ୍ଷେପ ନିଆଯାଉଛି । ରାଜ୍ୟରେ କିଭଳି କରୋନାକୁ ନିୟନ୍ତ୍ରଣ କରାଯାଇ ପାରିବ ସେନେଇ ଆଲୋଚନା ମଧ୍ୟ କରାଯାଉଛି ।
ତେବେ ଆଜି କରୋନା ମୁକାବିଲା ପାଇଁ ସର୍ବଦଳୀୟ ବୈଠକ ଡାକିଛନ୍ତି ସ୍ୱାସ୍ଥ୍ୟ ବିଭାଗ । ଭିଡିଓ କନଫରେନ୍ସିଂ ଜରିଆରେ ହେବାକୁ ଥିବା ଏହି ବୈଠକରେ ବାଚସ୍ପତି, ମୁଖ୍ୟମନ୍ତ୍ରୀ, ମନ୍ତ୍ରୀ ଓ ସବୁ ବିଧାୟକ ଭାଗ ନେବାର ଯୋଜନା ରହିଛି । ଅପରାହ୍ନ ୫ଟାରେ ବୈଠକ ବସିବା ନେଇ ନିଷ୍ପତ୍ତି ନିଆଯାଇଛି ।
ଜୁଲାଇ ମାସରେ କରୋନା ଯେପରି ୪ଟି ଜିଲ୍ଲାରେ ବୃଦ୍ଧି ପାଇଛି ଓ ଏହାକୁ ନିୟନ୍ତ୍ରଣ କରିବା ସହ ପ୍ଲାଜ୍ମା ଥେରାପି ସଫଳ ହୋଇଛି । ଏବଂ ଏନେଇ ରାଜ୍ୟ ସରକାର ଯେଉଁ ପ୍ରୟାସ କରି ସଫଳ ହୋଇଛନ୍ତି, ତା’ ଉପରେ ଆଲୋଚନା ମଧ୍ୟ ହେବ । ବାଚସ୍ପତି, ମୁଖ୍ୟମନ୍ତ୍ରୀ, ବିରୋଧୀ ଦଳ ନେତା ଓ କଂଗ୍ରେସ ବିଧାୟକ ଦଳ ନେତା ବୈଠକରେ ମତ ରଖିବେ । ବିଧାୟକ ଓ ମନ୍ତ୍ରୀମାନେ ଜିଲ୍ଲାସ୍ତରରୁ ବୈଠକରେ ସାମିଲ ହେବେ । ସ୍ୱାସ୍ଥ୍ୟ ବିଭାଗର ଏପରି ପ୍ରୟାସକୁ ସବୁ ରାଜନୈତିକ ଦଳ ସ୍ୱାଗତ କରିଛନ୍ତି।
