ପାକିସ୍ତାନ ତିଆରି କରୁଛି ସିକ୍ରେଟ୍ ଭାଇରସ୍,ଡ୍ରାଗନ ସହ କରିଛି ଡିଲ୍ !

ଭାରତକୁ ଘେରିବାକୁ ପାକିସ୍ତାନ ଓ ଚୀନ ହାତ ମିଳାଇଛନ୍ତି । ଚୋରି ଜ୍ଞାନରେ ପରମାଣୁ ବୋମା ତିଆରି କରିବା ଭଳି ପାକିସ୍ତାନ ଏବେ ଜୈବିକ ଅସ୍ତ୍ର ତିଆରି କରୁଛି । ଡ୍ରାଗନ ପାକିସ୍ତାନକୁ ଦେଉଛି ଭାଇରସ ଦାନା । ଭିକାରୀ ପାକିସ୍ତାନ ଭାରତ ବିରୋଧରେ ହଜାର ବର୍ଷର ଜିହାଦ ପାଇଁ ଏବେ ଯୋଗାଡ କରୁଛି ଚାଇନା ଭାଇରସ । ପାକିସ୍ତାନୀ ଲାବ୍,ଚାଇନିଜ୍ ଭାଇରସ । କରୋନାଠୁ ବଡ ହେବ ଭାରତ ଉପରେ ଏହି ଭାଇରସ ଆଟାକ୍ । ସୁରକ୍ଷା ଏଜେନ୍ସୀ କଲେ ଆଲର୍ଟ । ଚୀନ୍ ଲାବରୁ କରୋନା ବାହାରିଥିଲା,ପାକିସ୍ତାନ ଲାବରୁ କ’ଣ ବାହାରିବ ? ଆଉ ପାକିସ୍ତାନ ଟାର୍ଗେଟରେ କିଏ ? ଉତ୍ତର ଦିନ ଭଳି ସଫା । ଭାରତ ଓ କେବଳ ଭାରତ

କରୋନା କାଳରେ ପାକିସ୍ତାନୀ ଭାଇରସ !

ଉହାନ ଲାବରୁ ଚୀନା ଭାଇରସ ବାହାରିଥିଲା । ଅନେକ ଦିନ ହେଲା ଟ୍ରମ୍ପ ଚିତ୍କାର କରି କହି ଆସୁଛନ୍ତି । ଆମେରିକା ଖୋଲାଖୋଲି କହୁଛି । କିଛି ଦେଶ ପରୋକ୍ଷରେ କହୁଛନ୍ତି ଡ୍ରାଗନ ହାତରେ ରକ୍ତ । ଲକଡାଉନ୍ ପାଇଁ ଚୀନ୍ ଦାୟୀ । କିନ୍ତୁ ଚୀନ୍ ଏହାକୁ ସଫା ସଫା ଏଡାଇ ଯାଉଛି । ଖାଲି ଏତିକି ନୁହେଁ,ଭାରତୀୟ ସୁରକ୍ଷା ଏଜେନ୍ସୀଙ୍କ ଦାବି ପଛରେ ଯଦି ସତ ଥାଏ,ତେବେ ଦୁନିଆ ଆଉ ଗୋଟିଏ ବଡ ବିପଦ ସହ ମୁହାଁମୁହିଁ ହେବାକୁ ଯାଉଛି ।

ମେଡ୍ ଇନ୍ ଚାଇନା ପରେ ଆସୁଛି ମେଡ୍ ଇନ୍ ପାକିସ୍ତାନ୍ !

ଦୁନିଆ ତିନି ମାସ ହେଲା ଲକଡାଉନରେ ଅଛି । ଭେନେଜୁଏଲାରୁ ଭାରତ । ଇଟାଲିରୁ ଇଥିଓପିଆ । ସବୁଠି କରୋନା ମାଡରେ ଜୀବନ ଅଟକି ଯାଇଛି । ଜୀବିକା ଉପରେ ଲାଗି ଯାଇଛି ତାଲା । ମେଡ୍ ଇନ୍ ଚାଇନ୍ ଭାଇରସର ପାଇଁ ଲକଡାଉନ୍ ଓ ସଟ୍ ଡାଉନ୍ ଭଳି ଶବ୍ଦ ଏବେ ଆମ ଜୀବନର ଅଙ୍ଗ । କିନ୍ତୁ ଯଦି ଗୁଇନ୍ଦା ରିପୋର୍ଟକୁ ବିଶ୍ୱାସ କରାଯାଏ ତେବେ ଆଗକୁ ଆସୁଛି ମେଡ୍ ଇନ୍ ପାକିସ୍ତାନ ଭାଇରସ ! ବିଶ୍ୱାସ ହେଉନି କି ? କରୋନା କାଳରେ ସବୁକିଛି ସମ୍ଭବ । ମହାମାରୀ ପାଇଁ ମାନବ ସଭ୍ୟତା ଧ୍ୱଂସ ପାଇବାର ଦୃଷ୍ୟ ଆଗରୁ ହଲିଉଡ୍ ଫିଲ୍ମ ସୌଜନ୍ୟରୁ ଦେଖୁଥିଲେ । ଏବେ ଖୋଦ୍ ଆପଣଙ୍କ ଘର ଆଗ ରାସ୍ତା ବି ଫାଙ୍କା । ଯଦି ହଲିଉଡ୍ ମାର୍କା ଫିଲ୍ମର ଦୃଷ୍ୟ ୨୦୨୦ରେ ସତ ହୋଇପାରେ ତେବେ ଆଗକୁ ମେଡ୍ ଇନ୍ ପାକିସ୍ତାନ୍ ଭାଇରସ ବି ସତ ହୋଇପାରେ । ଏଥିରେ ଆଶ୍ଚର୍ଯ୍ୟ ହେବାର କିଛି ନାହିଁ । କାରଣ ଚୀନ୍,ଉତ୍ତର କୋରିଆରୁ ଧାର,ଦାନରେ ଆଣୁଥିବା ମିଶାଇଲ ଉପରେ ରଙ୍ଗ ବୋଳି ଔରଙ୍ଗଜେବ,ଘୋରିର ନାଁ ଦେଇ ଡୁପ୍ଲିକେଟ୍ ମିଶାଇଲ ତିଆରି କରୁଥିବା ପାକିସ୍ତାନ ଗଡ୍ ଫାଦର ଚୀନଠାରୁ ଭାରତ ପାଇଁ ଭାଇରସ ଧାର ଆଣିବା କିଛି ଅସମ୍ଭବ ନୁହେଁ । କାରଣ ପାକିସ୍ତାନ ସେଇ ନୀତିରେ ବିଶ୍ୱାସ କରେ ଯାହା କୁହେ ଘାଷ ଖାଇବୁ ପରମାଣୁ ବୋମା ତିଆରି କରିବୁ । ଭାରତ ସହ ହଜାର ବର୍ଷର ଜିହାଦ ଲଢିବୁ

ମେଡ୍ ଇନ୍ ପାକିସ୍ତାନ ଭାଇରସ କ’ଣ ?

ଗୁଇନ୍ଦା ରିପୋର୍ଟ ଅନୁସାରେ ଚୀନ ସେନା ନିୟନ୍ତ୍ରିତ ଏକ ଲାବ୍ ପାକିସ୍ତାନୀ ସେନାର ଡିଫେନ୍ସ ସାଇନ୍ସ ଆଣ୍ଡ୍ ଟେକ୍ନୋଲୋଜି ଅର୍ଗାନାଇଜେସନ୍ (ଡିଇଏସିଓ) ସହ ଗୁପ୍ତ ବୁଝାମଣା କରିଛି । ଏହି ଡିଲ୍ ଅନୁସାରେ ଦୁଇ ଦେଶ ସଂକ୍ରାମକ ରୋଗ  ଓ ନିୟନ୍ତ୍ରଣ ଉପରେ ମିଳିତ ଭାବେ କାର୍ଯ୍ୟ କରିବେ । ଏବେ ଜାଣନ୍ତୁ ଡିଲ୍ କାହା ସହିତ ହୋଇଛି । ଡିଲ୍ ସେହି ଲାବ୍ ସହ ହୋଇଛି ଯାହା ବିରୋଧରେ କରୋନା ଭାଇରସ ଲିକ୍ କରିବାର ଅଭିଯୋଗ ଅଛି । ଅର୍ଥାତ ପାକିସ୍ତାନୀ ସେନା ଉହାନ ଲାବ୍ ସହିତ ଡିଲ୍ କରିଛି । ଶୁଣିବାକୁ ଡିଲ୍ ସଫସୁତୁରା ଲାଗୁଥାଇ ପାରେ କିନ୍ତୁ ଏହା ଭାରତୀୟ ସୁରକ୍ଷା ଏଜେନ୍ସିଙ୍କ ନିଦ ହଜାଇ ଦେଇଛି । ସୁରକ୍ଷା ବିଶେଷଜ୍ଞଙ୍କ କହିବା ହେଉଛି ଚୀନ୍ ପାକିସ୍ତାନକୁ ବ୍ୟବହାର କରୁଛି । କରୋନା ପରେ ବିଶ୍ୱର ଅନେକ ଦେଶ ଚୀନ୍ ଉପରେ କ୍ଷୁବ୍ଧ ଅଛନ୍ତି । ତେଣୁ ଚୀନ୍ ନିଜ ଦେଶ ଭିତରେ ଜୈବିକ ଅସ୍ତ୍ର ଉପରେ ଗବେଷଣା ନକରି ପାକିସ୍ତାନ ମାଟିରେ ଜୈବିକ ଅସ୍ତ୍ର ଉତ୍ପାଦନ କରିବାକୁ ଚାହୁଁଛି । ଚୀନ୍ ଏମିତି କରିବାର କାରଣ ହେଲା ଯଦି ବି କିଛି ଦୁର୍ଘଟଣା ଘଟେ ତେବେ ବେଜିଂ କହିପାରିବ ଯେ, ଆମେ କିଛି ଜାଣିନୁ ।

ଚୁକ୍ତିରେ କ’ଣ ଅଛି ?

ଟାଇମ୍ସ ଅଫ୍ ଇଣ୍ଡିଆ ଦି କ୍ଲାକ୍ସନ ସୂତ୍ର ଉଦ୍ଧାର କରି କହିଛି ଯେ, ଭାରତୀୟ ଗୁଇନ୍ଦା ଏଜେନ୍ସି ଏହି ଡିଲକୁ ନେଇ ଚିନ୍ତିତ ଅଛନ୍ତି । ସୁରକ୍ଷା ଏଜେନ୍ସୀଙ୍କ ସନ୍ଦେହ ଯେ, ଚୀନ ଏହି ଡିଲ୍ ଦ୍ୱାରା ଭାରତ ଓ ଅନ୍ୟ ପାଶ୍ଚାତ୍ୟ ଦେଶଙ୍କୁ କ୍ଷତି ପହଂଚାଇବାକୁ ଚାହୁଁଛି । ଏହା ସହ ଏହି ଚୁକ୍ତିର ଥିବା ଗଳା ବାଟ ଚୀନକୁ ସୁହାଇବ । ଯଦି ଭବିଷ୍ୟତରେ କିଛି ବି ହେବ ତେବେ ଚୀନ ସହଜରେ ନିଜକୁ ଅଲଗା କରିନେବ । ଏହି ଡିଲର ନାମ ହେଉଛି – “Collaboration for Emerging Infectious Diseases and Studies on Biological Control of Vector Transmitting Diseases”.

ଚୀନ-ପାକିସ୍ତାନ ମଧ୍ୟରେ ସ୍ୱାକ୍ଷରିତ ଏହି ଡିଲ ଅନୁସାରେ ଉଭୟ ଦେଶ ଭୟଙ୍କର ବ୍ୟାକ୍ଟେରିଆ ଓ ଭାଇରସ ଉପରେ ଗବେଷଣା କରିବେ । ଏଥିପାଇଁ ଉହାନ ଲାବ ପାକିସ୍ତାନୀ ବୈଜ୍ଞାନିକଙ୍କୁ ଟ୍ରେନିଂ ଦେବ ଓ ଆର୍ଥିକ ସାହାଯ୍ୟ କରିବ । ଚୀନ,ପାକିସ୍ତାନକୁ ନିଜର ଭାଇରସ ଓ ବ୍ୟାକ୍ଟେରିଆ ସଂଗ୍ରହ କରିବାରେ ସାହାଯ୍ୟ କରିବ । ଯେମିତି ପାକିସ୍ତାନ ମଧ୍ୟ ଜୈବିକ ଯୁଦ୍ଧ ନେଇ ରିସର୍ଚ୍ଚ କରିବ

କ’ଣ ପାଇଁ ଡରୁଛନ୍ତି ଗୁଇନ୍ଦା ଏଜେନ୍ସୀ?

ସବୁଠାରୁ ବଡ ଭୟ ହେଉଛି ଭାଇରସ ଓ ବ୍ୟାକ୍ଟେରିଆ ଉପରେ ଗବେଷଣା ପାଇଁ ଯେଉଁଭଳି ଲାବ ଆବଶ୍ୟକ ପାକିସ୍ତାନ ପାଖରେ ସେଭଳି ଅତ୍ୟାଧୁନିକ ଲାବ୍ ନାହିଁ । ବାୟୋସେଫ୍ଟି ଲେଭଲ ୪ ଲାବରେ ହିଁ ଏଭଳି ଭୟଙ୍କର ଭାଇରସଙ୍କ ଗବେଷଣା ହୋଇପାରିବ ଯାହା ମହାମାରୀ ସୃଷ୍ଟି କରିପାରିବେ । ଚୀନର ଉହାନ୍ ଲାବ୍ ମଧ୍ୟ ସେହିଭଳି ଗୋଟିଏ ଲାବ୍ ।  ଉହାନ ଲାବ୍ ବିରୋଧରେ ଦାୟିତ୍ୱହିନତାର ଅଭିଯୋଗ ଲାଗୁଛି । ପାକିସ୍ତାନର ଜୈବିକ ଗବେଷଣା ଲାବ ଗୁଡିକଙ୍କ ସ୍ଥିତି ବେସ ଖରାପ । ବାୟୋସେଫ୍ଟି ପ୍ରୋଟୋକଲକୁ ନଜର ଅନ୍ଦାଜ କରି ଯଦି ଗବେଷଣା ହୁଏ ତେବେ କିଛି ମଧ୍ୟ ହେବ । ପାକିସ୍ତାନ ଭାରତର ପଡୋଷୀ ଦେଶ  । ଏମିତିରେ ଯଦି ପାକିସ୍ତାନରେ ଭାଇରସ ଲିକ୍ ହୁଏ ତେବେ ଭାରତ ଉପରେ ପ୍ରଭାବ ପଡିବ ।

ଜୈବିକ ଯୁଦ୍ଧ କ’ଣ ?

ଜୀବାଣୁ,ବିଶ,କିଟ କିମ୍ବା ଫଙ୍ଗସ ଭଳି ଏଜେଣ୍ଟଙ୍କ ଜରିଆରେ ଯେତେବେଳେ ଭୟଙ୍କର ସଂକ୍ରମଣକୁ ଆକ୍ରମଣ ପାଇଁ ବ୍ୟବହାର କରାଯାଏ ସତେବେଳେ ତାକୁ ଜୈବିକ ଯୁଦ୍ଧ ବୋଲି କୁହାଯାଏ । କେନ୍ ଏଲିବେକଙ୍କ ପୁସ୍ତକ ବାୟୋ ହାଜାର୍ଡ ଅନୁସାରେ ରିଫ୍ଟ ଭ୍ୟାଲି ଫେବର ଭାଇରସ,ଏବୋଲା ଭାଇରସ,ଜାପନୀ ଏନସେଫାଲାଇଟିସ ଭାଇରସକୁ ଜୈବିକ ଅସ୍ତ୍ର ଭାବେ ବ୍ୟବହାର କରାଯାଇଛି ।

ଜୈବିକ ଯୁଦ୍ଧର ଇତିହାସ

ଏନସିବିଆଇ ପୋର୍ଟାଲର ଏକ ରିପୋର୍ଟ ‘ଦି ହିଷ୍ଟ୍ରି ଅଫ୍ ବାୟୋଲଜିକଲ ୱାରଫେୟାର’ ଅନୁସାରେ ବିଂଶ ଶତାବ୍ଦୀରେ  ସଂକ୍ରମକ ରୋଗ କାରଣରୁ ୫୦ କୋଟିରୁ ଅଧିକ ଲୋକ ପ୍ରାଣ ହରାଇଛନ୍ତି ।  ଏହାମଧ୍ୟରୁ ଲକ୍ଷାଧିକ ମୃତ୍ୟୁ ଜୈବିକ ଅସ୍ତ୍ର ପ୍ରୟୋଗ କାରଣରୁ ହୋଇଥିଲା । ଉଦାହରଣ ସ୍ୱରୁପ ଦ୍ୱିତୀୟ ବିଶ୍ୱଯୁଦ୍ଧ କାଳରେ ଜାପାନ ଚୀନ୍ ଉପରେ ଜୈବିକ ଅସ୍ତ୍ର ଦ୍ୱାରା ଆକ୍ରମଣ କରିଥଲା ।  କେବଳ ଜାପାନ ନୁହେଁ ଆମେରିକା ଓ ଅନ୍ୟ ୟୁରୋପୀୟ ଦେଶ ମଧ୍ୟ ବିଶ୍ୱଯୁଦ୍ଧରୁ ଶିତଳ ଯୁଦ୍ଧ କାଳରେ ଅନେକ ସମୟରେ ନିଜ ଶତ୍ରୁ ବିରୋଧରେ ଜୈବିକ ଅସ୍ତ୍ର ବ୍ୟବହାର କରିଛନ୍ତି ।

ସନ୍ଧି ଜରିଆରେ ପ୍ରତିବନ୍ଧକ

୧୯୨୫ ଓ ୧୯୭୨ ମସିହାରେ ଦୁଇଟି ମହତ୍ୱପୂର୍ଣ୍ଣ ସନ୍ଧି ହୋଇଥିଲା । ଏହି ଦୁଇ ସନ୍ଧିର ଲକ୍ଷ୍ୟ ଥିଲା ଜୈବିକ ଅସ୍ତ୍ର ବ୍ୟବହାର ଓ ନିର୍ମାଣକୁ ରୋକିବା । ଏହି ଦୁଇ ସନ୍ଧିରେ ଯୁଦ୍ଧରେ ଜୈବିକ ଅସ୍ତ୍ର ବ୍ୟବହାରକୁ ବେଆଇନ୍ କରାଯାଇଥିଲା । କିନ୍ତୁ ଏହସତ୍ୱେ ଅନେକ ଦେଶ ଏଭଳି ଗବେଷଣା ଜାରି ରଖିଥିଲେ ଓ ଏବେ ମଧ୍ୟ ଗବେଷଣା କରୁଛନ୍ତି । ଏନଟିଆଇ ରିପୋର୍ଟ ଅନୁସାରେ କାନାଡା,ଚୀନ୍,ଫ୍ରାନ୍ସ,ଜର୍ମାନୀ,ଇରାନ,ଇରାକ,ଇସ୍ରାଏଲ,ଜାପାନ,ଲିବିଆ,ଉତ୍ତର ପ୍ରଦେଶ,ଋଷ,ଦ.ଅଫ୍ରିକା,ସିରିଆ,ଇଂଲଣ୍ଡ ଓ ଆମେରିକା ଭଳି ଦେଶ ଏବେ ମଧ୍ୟ ଜୈବିକ ଅସ୍ତ୍ର ଉପରେ କାମ କରୁଥିବା ସନ୍ଦେହ କରାଯାଉଛି । ଚୀନର ଉହାନ ଲାବ୍ ଏହାର ଉଦାହରଣ ।

ଭାରତ ପାଇଁ କାହିଁକି ବିପଦ ଅଧିକ ?

ଚୀନ୍ ଓ ପାକିସ୍ତାନ  । ଏହି ଦୁଇ ଦେଶ ହେଉଛନ୍ତି ଭାରତର ପାରମ୍ପାରିକ ଶତ୍ରୁ । ଲଦାଖରୁ ପଛରୁ ହଟିଥିବାରୁ ଡ୍ରାଗନ ଅସନ୍ତୁଷ୍ଟ ଅଛି । ସର୍ଜିକାଲ ଷ୍ଟ୍ରାଇକ୍ କାରଣରୁ ପାକିସ୍ତାନ ମଧ୍ୟ ଭାରତ ଉପରେ ଉତକ୍ଷିପ୍ତ ଅଛି ।ଏମିତିରେ ଦୁଇ ଦେଶ ଆଗରୁ ଯେତିକି ନିକଟତର ଥିଲେ ଏବେ ଦୋସ୍ତି ତାଠାରୁ ଅଧିକ ହୋଇଛି । ଆଉ ଯଦି ଏହି ଜୈବିକ ଅସ୍ତ୍ର ଜିହାଦୀଙ୍କ ହାତରେ ଲାଗେ ତେବେ କ’ଣ ହେବ ତାହା ସମସ୍ତଙ୍କୁ ଜଣା । ଜିହାଦୀ ଆତଙ୍କବାଦୀ ଭାରତରେ ଭାଇରସ ଆତଙ୍କ ସୃଷ୍ଟି କରିବେ । ଆତଙ୍କବାଦୀ ଭାରତ ବିରୋଧରେ ଆନ୍ଥ୍ରାକ୍ସ,ପ୍ଲେଗ୍,ଇବୋଲା,ସାର୍ସ ଭଳି ଜୈବିକ ଅସ୍ତ୍ର ଭାରତ ବିରୋଧରେ ପ୍ରୟୋଗ କରିବା କିଛି ଅସମ୍ଭବ ନୁହେଁ ।

ଭାରତର ପ୍ରସ୍ତୁତୀ କ’ଣ ?

ଭାରତ ୧୯୭୨ ସନ୍ଧି ଅନୁସାରେ ଜୈବିକ ଅସ୍ତ୍ର ତିଆରି କରି ପାରିବ ନାହିଁ । କିନ୍ତୁ ଜୈବିକ ଅସ୍ତ୍ର ପଟୁ ଥିବା ବିପଦ ବାବଦରେ ଭାରତୀୟ ନେତୃତ୍ୱ ଅବଗତ ଅଛି । ଏଥିଲାଗି ଭାରତ ପ୍ରସ୍ତୁତ ମଧ୍ୟ ଅଛି । ଦେଶର ଅନେକ ଲାବ୍ ଏନେଇ କାମ ମଧ୍ୟ କରୁଛନ୍ତି । ଜୈବିକ ଅସ୍ତ୍ର ଆକ୍ରମଣରୁ କେମିତି ଦେଶକୁ ରକ୍ଷା କରାଯିବ ସେନେଇ ଗବେଷଣା ହେଉଛି । ମଧ୍ୟପ୍ରଦେଶ ସ୍ଥିତ ଗୋଆଲିଅରର ଡିଆରଡିଓ ଲାବ ଜୈବିକ ଅସ୍ତ୍ର ଆକ୍ରମଣ ମୁକାବିଲା ପାଇଁ ଗବେଷଣା ଚାଲୁଛି ।  ଏହାସହ  କେନ୍ଦ୍ର ସରକାର ନ୍ୟୁକ୍ଲିୟର,ବାୟୋଲଜିକାଲ ଆଣ୍ଡ୍ କେମିକାଲ (ଏନବିସି) ନିର୍ଦ୍ଦେଶାଳୟ ତିଆରି କରିଛନ୍ତି । ଯାହା ଏଭଳି ବିପଦ ଉପରେ ନଜର ରଖେ ।