ଶ୍ୱଶୁର-ବୋହୂ ଅନୈତିକ ସମ୍ପର୍କ, ବାପାକୁ ହତ୍ୟା କଲା ଡାକ୍ତର ପୁଅ !

ଭୁବନେଶ୍ୱର: ବାପାକୁ ହତ୍ୟା କଲା ପୁଅ । ଶ୍ୱଶୁର-ବୋହୂ ମଧ୍ୟରେ ଅନୈତିକ ସମ୍ପର୍କ ଥିବା ଅଭିଯୋଗରେ ବାପାକୁ ହତ୍ୟା କରିଛି ପୁଅ । ଏଭଳି ଏକ ସାଂଘାତିକ ଘଟଣା ସାମ୍ନାକୁ ଆସିଛି ଭୁବନେଶ୍ୱର ଖଣ୍ଡଗିରି ଅଞ୍ଚଳରୁ । ହତ୍ୟା ଘଟଣା ପରେ ପୁଅକୁ ଗିରଫ କରି କୋର୍ଟ ଚାଲାଣ କରିଛି ଖଣ୍ଡଗିରି ପୋଲିସ ।

ତେବେ ବାପାକୁ ହତ୍ୟା କରିଥିବା ଅଭିଯୁକ୍ତ ଡାକ୍ତର ଜଣକ ହେଉଛନ୍ତି ରଂଜନ ମିଶ୍ର । ତାଙ୍କୁ ଖଣ୍ଡଗିରି ଥାନା ପୋଲିସ ଗିରଫ କରିଛି । ରଂଜନ ବାଣପୁରରେ ଆୟୁଷ ଡାକ୍ତର ଭାବେ କାମ କରୁଥିଲେ । ରଞ୍ଜନଙ୍କ ପତ୍ନୀ ଓ ତାଙ୍କ ବାପାଙ୍କ ମଧ୍ୟରେ ଅନୈତିକ ସମ୍ପର୍କ ଥିବା ରଞ୍ଜନ ସନ୍ଦେହ କରିଥିଲେ । ଏହି ସନ୍ଦେହ ଧିରେ ଧିରେ ଘନିଭୂତ ହୋଇଥିଲା । ଶେଷରେ ସନ୍ଦେହ ଅତି ନିର୍ମମ ରୂପ ନେଇଥିଲା । ରାଗରେ ଜର୍ଜରିତ ପୁଅ ବାପାକୁ ଆକ୍ରମଣ କରିଥିଲା । ଆଉ ଏହି ଆକ୍ରମଣ ଫଳରେ ବାପାର ଜୀବନ ଚାଲିଯାଇଛି । ପ୍ରଥମେ ପୁଅର ଆକ୍ରମଣରେ ବାପା ଗୁରୁତର ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ ମେଡିକାଲ ନିଆଯାଉଥିଲା । ଏହି ସମୟରେ ଅଧା ରାସ୍ତରେ ତାଙ୍କର ମୃତ୍ୟୁ ହୋଇଛି ।

ପ୍ରଥମେ ବୋହୂ ସହ ସମ୍ପର୍କକୁ ନେଇ ବାପ ପୁଅଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଯୁକ୍ତି ତର୍କ ଧିରେ ଧିରେ ଉଗ୍ର ରୂପ ନେଇଥିଲା । ଏଥିରେ ଉତକ୍ଷିପ୍ତ ହୋଇ ପୁଅ ବାପାଙ୍କୁ ଆକ୍ରମଣ କରି ରକ୍ତାକ୍ତ ମଧ୍ୟ କରିଥିଲା ।