ବିଜ୍ଞାନ ଯୁଗରେ ତାଳପତ୍ର ଜାତକର ସ୍ଥାନ ନେଇଛି କମ୍ପ୍ୟୁଟର ଜାତକ…

ଗଞ୍ଜାମ: ତାଳପତ୍ର କାହିଁ କେଉଁ ଯୁଗରୁ ଆମ ସାହିତ୍ୟ, ସଂସ୍କୃତି ଓ ପରମ୍ପରା ସହିତ ଜଡ଼ିତ ରହିଛି । ତାହା ଏବେ ବିଲୁପ୍ତ ହେବାକୁ ବସିଲାଣି  ଯୁଗ ଯୁଗର । ଯାହା ବିନା ମାଳଙ୍ଗିକ କାର୍ଯ୍ୟ ସମାପନ ହୋଇପାରୁନଥିଲା । ସମୟ ସ୍ରୋତରେ ସେ ଆଜି ଅବହେଳିତ । ବିଜ୍ଞାନ ଯୁଗରେ ତାଳପତ୍ର ଜାତକର ସ୍ଥାନ ନେଇଛି କମ୍ପ୍ୟୁଟର ଜାତକ  ।

ଦିନ ଥିଲା ଗାଁ ଗାଁ ରେ ଦେଖିବାକୁ ମିଳୁଥିଲା ତାଳଗଛ । ଆଉ ତାଳ ଗଛର ପତ୍ର ଲୋକଙ୍କ ଜୀବନ ଜୀବିକା ସହ  ଯୋଡ଼ି ହୋଇ ରହିଥିଲା । ସେ ଘରର କବାଟ ତିଆରି ପାଇଁ ହେଉ କି ମୁଣ୍ଡରେ ତଲାରି ପାଇଁ  ହେଉ । ବିଶେଷ କରି ଜାତକ ତିଆରିରେ ତାଳପତ୍ର ଆଗ ଖୋଜାପଡ଼େ । ଜାତକ ଆମ ସଂସ୍କୃତି ଓ ପରମ୍ପରା ସହ ବହୁ କାଳରୁ ଜଡ଼ିତ । ପିଲାଟିଏ ଜନ୍ମ ହେଲେ କୁଣ୍ଡଳୀ ତିଆରି ପାଇଁ ଜ୍ୟୋତିଷ ଖୋଜୁଥିଲେ ତାଳପତ୍ର  । ହେଲ ଏବେ ଯୁଗ ବଦଳିଛି , ବଦଳିଛି ସମୟ । ଲୋପ ପାଇଲାଣି ତାଳପତ୍ର ଜାତକ ଏହା ବଦଳରେ ତିଆରି ହେଉଛି କମ୍ପ୍ୟୁଟର  ଜାତକ  ।

ଦିନ ଥିଲା ଯେତେବେଳେ  କାଗଜ କଲମ କିମ୍ବା ଛପା କାଳି ନଥିଲା ସେ ସମୟରେ ତାଳପତ୍ର ପୋଥିରେ ହିଁ ରାମାୟଣ, ମହାଭାରତ ବଡ଼ବଡ଼ ଗ୍ରନ୍ଥ ସବୁ ଲେଖାଯାଉଥିଲା । କିନ୍ତୁ ବର୍ଷ ବର୍ଷର ପୁରୁଣା ପରମ୍ପରା ଓ ଗୌରବ ଆଜି ବହୁ ପଛରେ । କମ୍ପ୍ୟୁଟର ଜମାନାରେ ଲୋପ ପାଇଛି ଏହାର ଚାହିଦା । ଆଜି ଆମେ ହରେଇ ବସିଛେ ବର୍ଷ ବର୍ଷର ଆମ ପୁରାତନ ପରମ୍ପରାକୁ ।

ଆସିକାରୁ ନରେନ୍ଦ୍ର କୁମାର ସାହୁଙ୍କ ରିପୋର୍ଟ