କେରଳ: ସୁନା ସ୍ମଗଲିଂ ମାମଲାର ମୁଖ୍ୟ ଅଭିଯୁକ୍ତ ସ୍ୱପ୍ନା ସୁରେଶ ବନ୍ଧା ହେବ ପରେ ପିନାରାୟୀ ବିଜୟନ୍ ସରକାର ଏବେ କାଠଗଡ଼ାରେ । ସ୍ୱପ୍ନାଙ୍କ ସହ ସମାନ ମାମଲାରେ ସନ୍ଦୀପ ନାୟରଙ୍କୁ ମଧ୍ୟ ଅଟକ ରଖିଛି ଏନ୍ଆଇଏ । ସେମାନେ ମାମଲା ପ୍ରକଟ ହେବା ପରଠାରୁ ପେରାର ଥିବା ବେଳେ ବେଙ୍ଗାଲୁରୁରୁ ଠାବ କରିଛି ଏନ୍ଆଇଏ ।
ତେବେ ରାଜ୍ୟରେ ଲକ୍ଡାଉନ୍ ଜାରି ରହିଥିବା ବେଳେ ସେମାନେ କିଭଳି ବର୍ଡର ଅତିକ୍ରମ କରି କର୍ଣ୍ଟାଟକରେ ପହଞ୍ଚିଲେ ଏ ନେଇ ପ୍ରଶ୍ନ ଉଠାଇଛନ୍ତି ଉଭୟ ବିଜେପି ଓ କଂଗ୍ରେସ । ସେମାନଙ୍କୁ ଫେରାର କରାଇବାରେ କିଛି ବରିଷ୍ଠ ପୋଲିସ ଅଧିକାରଙ୍କ ହାତ ଥିବା ଅଭିଯୋଗ ଆଣିଛନ୍ତି ଏହି ୨ ରାଜନୈତିକ ଦଳ । ଏଥିସହିତ ରାଜ୍ୟରେ ଲକ୍ଡାଉନ୍ କଟକଣାକୁ ପାଳନ କରାଯିବାକୁ ନେଇ ମଧ୍ୟ ଉଠିଛି ପ୍ରଶ୍ନ । ତେବେ ସ୍ୱପ୍ନା କେରଳ ସରକାର ଆଇଟି ମନ୍ତ୍ରାଳୟର ବୈଷୟକ ପରାମର୍ଶଦାତା ।
ଜୁଲାଇ ୫ରେ କେରଳର ଥିରୁଭନନ୍ତପୁରମ ଏୟାରପୋର୍ଟରୁ ଡିପ୍ଲୋମାଟିକ କନସାଇମେଣ୍ଟରେ ୩୦ କେଜିର ସୁନା ଆସିଥିଲା। କଷ୍ଟମ ବିଭାଗ ରେଡ୍ କରି ଏହି ସୁନା ଜବତ କରିଥିଲା। ଯାହାକି ବେଆଇନ୍। ଏହା ପରେ ସୁନା ସ୍ମଗଲିଂକୁ ନେଇ ହଇଚଇ ସୃଷ୍ଟି ହୋଇଥିଲା।
ଜବତ ହୋଇଥିବା ସୁନା ୟୁଏଇ ଦୂତାବାସ ନାଁରେ ପଞ୍ଜୀକରଣ ହୋଇଥିଲା। ଏହାପରେ କଷ୍ଟମ ଡିର୍ପାଟମେଣ୍ଟ ଦୂତାବାସର ଜଣେ ପୂର୍ବତନ କର୍ମଚାରୀ ସରିତା ନାୟରଙ୍କୁ ନିଜ ହେପାଜତକୁ ନେଇଛି। ସରିତାଙ୍କୁ ପଚରା ଉଚରା କରିବା ପରେ ସୁନା ସ୍ମଗଲିଂ ମାମଲାର ମାଷ୍ଟର ମାଇଣ୍ଡ ସ୍ୱପ୍ନା ସୁରେଶ ଜାଣିବାକୁ ପାଇଥିଲା । ଅଭିଯୋଗ ଆସିବା ପରେ ମୁଖ୍ୟମନ୍ତ୍ରୀ ପିନରାୟ ବିଜୟନ ତାଙ୍କୁ ପଦବୀରୁ ବିଦା କରିଛନ୍ତି। ସେହିପରି ରାଜ୍ୟ ସରକାରଙ୍କ ଆଉ ଜଣେ ଆଇଏଏସ ଅଧିକାରୀ ତଥା ମୁଖ୍ୟମନ୍ତ୍ରୀ ପିନରାୟ ବିଜୟନଙ୍କ ମୁଖ୍ୟ ସଚିବ ଏମ ଶିବଶଙ୍କରଙ୍କର ସଂପୃକ୍ତି ଥିବା ନେଇ ଅଭିଯୋଗ ଆସିବା ପରେ ଶିବଶଙ୍କରଙ୍କୁ ମୁଖ୍ୟମନ୍ତ୍ରୀ ନିଲମ୍ୱନ କରିଛନ୍ତି।
