ଆତ୍ମହତ୍ୟା ପରେ ଲେଖି ଦେଇ ଗଲେ ଏମିତି କଛି, ଯାହା ପଢ଼ିଲେ ଆପଣବି ହୋଇଯିବେ ଆଶ୍ଚର୍ଯ୍ୟ

ଆତ୍ମହତ୍ୟା ପରେ ଫଟୋ ନଛାପିବାକୁ ଅନୁରୋଧ । ମରିବା ପରେ ପାଖରେ ଛାଡ଼ିଦେଇ ଗଲେ ଶେଷ ହାତ ଲେଖା ଚିଠି । ୩ ଭାଇ ଭଉଣୀ ଏକାଥରକେ କରିଛନ୍ତି ଆତ୍ମହତ୍ୟା। ଉତ୍ତରପ୍ରଦେଶର ଲାକ୍ଷୀମପୁର ଖେରୀ ଜିଲ୍ଲାରୁ ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି । ଯେଉଁଠାରେ ଦୁଇ ଭାଇ ଓ ଭଉଣୀ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ପୋଲିସ ସେମାନଙ୍କଠାରୁ ଏକ ଆତ୍ମହତ୍ୟା ନୋଟ ମଧ୍ୟ ଜବତ କରିଛି । ଏଥିରେ ସେ ଲେଖିଛନ୍ତି ଯେ, ତିନି ଭାଇଭଉଣୀ ନିଜ ଇଚ୍ଛାରେ ଆତ୍ମହତ୍ୟା କରୁଛନ୍ତି । ସେ ନିଜ ମାଆଙ୍କ ମୃତ୍ୟୁକୁ ଭୁଲି ପାରିବେ ନାହିଁ । ଆମେ ମରିଗଲା ପରେ ଆମ ଫଟୋକୁ ଆପଣ ମାନେ ନ୍ୟୁଜରେ ଭାଇରାଲ କରିବେ ନାହଁ । ସୂଚନାନୁସାରେ, ତାଙ୍କ ମାଙ୍କର ୮ ମାସ ପୂର୍ବରୁ ମୃତ୍ୟୁ ହୋଇଥିଲା । ପୋଲିସ ପହଞ୍ଚି ଘରର କବାଟ ଭାଙ୍ଗିବା ପରେ ମିଳିଥିଲା ୩ ଭାଇ ଭଉଣୀଙ୍କର ଝୁଲନ୍ତା ମୃତ ଦେହ । ମୃତକ ମାନଙ୍କର ନାମ ହେଉଛି ୩୫ ବର୍ଷର ପୁଅ ନାଗେଶ୍ୱର, ୨୮ ବର୍ଷର ପୁଅ ବିବେକ ଏବଂ ୨୫ ବର୍ଷର ଝିଅ ।

ସୂଚନା ଅନୁଯାୟୀ, ଉତ୍ତରପ୍ରଦେଶର ଲକ୍ଷୀମପୁର ଖେରୀ ଜିଲ୍ଲାରେ ବାପା ଆଦିତ୍ୟଙ୍କ ସହ ଦୁଇ ଭାଇ ଏବଂ ଭଉଣୀ ରହୁଥିଲେ । ୮ ମାସ ପୂର୍ବରୁ ୩ ସନ୍ତାନଙ୍କୁ ଛାଡ଼ି ତାଙ୍କ ମାଆ ଆରପାରିକୁ ଚାଲିଯାଇଥିଲେ । ଯାହାଫଳରେ ଏମାନେ ତାଙ୍କ ମାଆଙ୍କ ଚିନ୍ତାରେ ଗଭିର ଦୁଃଖରେ ରହୁଥିଲେ । ଆଦିତ୍ୟ ମଧ୍ୟ ତାଙ୍କ ବଡ଼ ପୁଅକୁ ବିବାହ କରିବାକୁ ନିଷ୍ପତ୍ତି ନେଇଥିଲେ, କିନ୍ତୁ ମା’ଙ୍କ ମୃତ୍ୟୁ ପରେ ବିବାହ କରିବାକୁ ମନା କରିଦେଇଥିଲେ ତାଙ୍କ ବଡ଼ ପୁଅ ।

ତିନି ଜଣ ପ୍ରତିଦିନ ନିଜ ମା’ଙ୍କୁ ମନେ ପକାଇବା ସହ ଘଣ୍ଟା ଘଣ୍ଟା ଧରି କାନ୍ଦୁଥିଲେ । ସେମାନଙ୍କ ସ୍ମୃତିରେ ପିଲାମାନେ ଖାଇବା ପିଇବା ଛାଡି ଦେଇଥିଲେ ବୋଲି ତାଙ୍କ ବାପା କହିଛନ୍ତି । ତେବେ ସମସ୍ତେ ସକାଳେ ମିଶି ଜଳଖିଆ ଖାଇଥିଲେ । ଖାଇବା ପରେ ତାଙ୍କ ଆଦିତ୍ୟ ବାହାରକୁ କାମ ପାଇଁ ପଳାଇଥିଲେ । କିନ୍ତୁ କୌଣସି କାରଣ ପାଇଁ ପୁଣି ଘରକୁ ଲେଉଟ ଆସିଥିଲେ । ଘରେ ପହଞ୍ଚିବା ପରେ ଭିତରପଟୁ କବାଟ ବନ୍ଦ ରହିଥିଲା। ତେବେ କେହି କବାଟ ନଖୋଲିବା କାରଣରୁ ପୋଲିସକୁ ଖବର ଦିଆଯାଇଥିଲା ।

ତେବେ ପୋଲିସ୍‌ ଘଟଣା ସ୍ଥଳରେ ପହଞ୍ଚିବା ପରେ କବାଟ ଭାଙ୍ଗି ୩ ଜଣଙ୍କର ମୃତଦେହକୁ ଉଦ୍ଧାର କରିଛି । ସେମାନଙ୍କ ପାଖରେ ଏକ ନୋଟ ଜବତ ହୋଇଥିଲା  । ଏଥିରେ ସେ ଲେଖିଛନ୍ତି ଯେ, ତିନି ଭାଇଭଉଣୀ ନିଜ ଇଚ୍ଛାରେ ଆତ୍ମହତ୍ୟା କରୁଛନ୍ତି । ସେ ନିଜ ମାଆଙ୍କ ମୃତ୍ୟୁକୁ ଭୁଲି ପାରିବେ ନାହିଁ । ଆମେ ମରିଗଲା ପରେ ଆମ ଫଟୋକୁ ଆପଣ ମାନେ ନ୍ୟୁଜରେ ଭାଇରାଲ କରିବେ ନାହଁ । ତେବେ ଆତ୍ମ ହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଛି ।