ଜାଣନ୍ତୁ, ଆଦିତ୍ୟ ଓ ବିଦ୍ୟାଶ୍ରୀଙ୍କ ବିବାହ ପଛର କାହାଣୀ…..

ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁ ପରେ ଏବେ ତାଙ୍କ ସହ ଜଡିତ ରହସ୍ୟ ଉପରୁ ପରଦା ହଟୁଛି । ତାଙ୍କ ପତ୍ନୀ ବିଦ୍ୟାଶ୍ରୀ ଆଦିତ୍ୟଙ୍କ ସହ ବିବାହ ପଛର କାରଣ କହିଛନ୍ତି । ଆଦିତ୍ୟଙ୍କ ମୃତ୍ୟୁ ପରେ ଏବେ ତାଙ୍କ ସ୍ତ୍ରୀ ବିଦ୍ୟାଶ୍ରୀ କହିଛନ୍ତି ଯେ, ଆଦିତ୍ୟଙ୍କୁ ବିବାହ କରିବା ପାଇଁ ଅନେକ ଝିଅ ପ୍ରେମ ନିବେଦନ କରୁଥିଲେ । ମାତ୍ର ସେ ମୋତେ ବାଛିଥିଲେ ।  ତେବେ ଆମ ପ୍ରେମ ସମ୍ପର୍କକୁ ବିବାହର ନାଁ ଦେବା ପାଇଁ ଉଭୟ ଆଗ୍ରହୀ ଥିଲୁ । ସେ ହିଁ ମୋତେ ପ୍ରଥମେ ବିବାହ କରିବା ପାଇଁ କହିଥିଲେ ।

ଆଦିତ୍ୟଙ୍କ ବୁଝିବା ଥିଲା ଯେ ଆମେ ଜୀବନରେ ଥିବା ଅଧୁରା ସ୍ୱପ୍ନକୁ ଉଭୟ ଏକାଠି ହୋଇ ପୂରା କରିପାରିବା ।  ଆମ ସମ୍ପର୍କ ମଧ୍ୟରେ ସାମାନ୍ୟତମ ତିକ୍ତତା ନଥିଲା ଏକଥା ସତ, କିନ୍ତୁ ସେ ଯେ ମାନସିକ ଚାପରେ ଥିଲେ ଏକଥାକୁ ମୁଁ ଅସ୍ୱୀକାର କରୁନି । ଉଲ୍ଲେଖଯୋଗ୍ୟ ଯେ ବିଦ୍ୟାଶ୍ରୀ ଏକ ରକ୍ଷଣଶୀଳ ପରିବାରରୁ ଆସିଥିଲେ । ବାପା-ମା ସବୁବେଳେ ତାଙ୍କୁ ଏକ ଉଦ୍ୟୋଗୀ ଛାତ୍ରୀ ଭାବେ ଦେଖିବାକୁ ଚାହୁଁଥିଲେ ।  ବିଦ୍ୟାଶ୍ରୀ ମଧ୍ୟ ଯଥେଷ୍ଟ ମେଧାବୀ ଥିଲେ । ହେଲେ ଅଭିନୟ ପ୍ରତି ରୁଚି ରହିଥିଲା । ଛୋଟ ପରଦାଠାରୁ ଆରମ୍ଭ କରି ବଡ ପରଦା ପର୍ଯ୍ୟନ୍ତ ସବୁଠି ବିଦ୍ୟାଶ୍ରୀ ଅଭିନୟ କରିବାର ସୁଯୋଗ ବି ପାଇଥିଲେ ।

https://www.youtube.com/watch?v=PJrN1AvCgqM

ଓଡିଆର କିଛି ଚର୍ଚ୍ଚିତ କାର୍ଯ୍ୟକ୍ରମ, ତୁମେ ମୋର ମୁଁ ତୁମର, ରଜ କୁଇନ୍, ଆମର ଢୋ ଓ କିଛି କହି ହେବନିରେ ଅଭିନୟ କରିଛନ୍ତି । ତେବେ ଦୁର୍ଗା ଚଳଚ୍ଚିତ୍ରରେ ଅଭିନୟକୁ ସେ ନିଜ ଜୀବନର ଶ୍ରେଷ୍ଠ ଚରିତ୍ର ବୋଲି କୁହନ୍ତି ।