ଏଣିକି CBSE ପରୀକ୍ଷାରେ ଆସିବନି ସବୁ ବିଷୟର ପ୍ରଶ୍ନ, ସିଲାବସ୍ କମାଇଲା ବୋର୍ଡ
1 min read
ଏଥର ୨୦୨୦-୨୧ ଶିକ୍ଷାବର୍ଷ ପାଇଁ କମିବ ସିବିଏସ୍ଇ ସିଲାବସ୍ । ନବମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସିଲାବସ୍ କମାଇବାକୁ ନିଷ୍ପତ୍ତି ନିଆଯାଇଛି । ଏନେଇ ବୋର୍ଡ ପକ୍ଷରୁ ସୂଚନା ଦିଆଯାଇଛି । କରୋନା ମହାମାରୀ କାରଣରୁ ସାରା ଦେଶ ଏବେ ଳକ୍ଡାଉନ୍ ସ୍ଥିତି ଦେଇ ଗତି କରୁଛି । କରୋନା ଭୟରେ ଲୋକେ ଘରୁ ବାହାରିବାକୁ ବି ଡରିଲେଣି । କାରଣ କରୋନା ସଂକ୍ରମଣ ହୁହୁ ହୋଇ ବଢ଼ିବାରେ ଲାଗିଛି ।
ଏମିତିକି ଛାତ୍ରଛାତ୍ରୀଙ୍କ ପାଠ ପଢ଼ା ଉପରେ ମଧ୍ୟ କରୋନା ପ୍ରଭାବ ଦେଖିବାକୁ ମିଳିଛି । ପିଲାମାନେ ସ୍କୁଲ ଯାଇପାରୁ ନାହାନ୍ତି କି ଟ୍ୱିସନ୍ । ତେବେ ସବୁଠାରୁ ବଡ଼ କଥା ହେଲା ସିବିଏସ୍ ପକ୍ଷରୁ ସିଲାବସ୍ କମାଇବା ପାଇଁ ନିଷ୍ପତ୍ତି ନିଆଯାଇଥିବା ବେଳେ ସେଥିରେ କୁହାଯାଇଛି, ଯେଉଁ ବିଷୟ ଗୁଡ଼ିକୁ ବଦ୍ ଦିଆଯାଇଥିବ ସେହି ସବୁ ବିଷୟରୁ ପରୀକ୍ଷାରେ ପ୍ରଶ୍ନ ଆସିବ ନାହିଁ ।
ବିଭିନ୍ନ ସ୍କୁଲରେ ଟିଏମସି ଖୋଲାଯାଇଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ଉକ୍ତ ଶ୍ରେଣୀଗୃହରେ ଶିକ୍ଷାଦାନ କରାଯାଇପାରିବ ନାହିଁ । ପାଠ୍ୟକ୍ରମ କମିଟି ଏବଂ ବୋର୍ଡର ପରିଚାଳନା ପରିଷଦର ଅନୁମୋଦନ କ୍ରମେ ପାଠ୍ୟକ୍ରମରେ କରାଯାଇଥିବା ପରିବର୍ତ୍ତନ ସଂପୃକ୍ତ ପାଠ୍ୟକ୍ରମ କମିଟି ଦ୍ୱାରା ଚୂଡାନ୍ତ ହୋଇଛି ।
