କ୍ୱାରେଣ୍ଟାଇନ୍ ସେଣ୍ଟରରେ ଉତ୍ତେଜନା, ବାହାର ଗାଁ ଲୋକଙ୍କୁ ନରଖିବାକୁ ଦାବି
1 min read
ରାୟଗଡ଼ା: କ୍ୱାରେଣ୍ଟାଇନ୍ କେନ୍ଦ୍ରରେ ଉତ୍ତେଜନା । ବହାର ପଞ୍ଚାୟତର ଲୋକଙ୍କୁ ଗାଁରେ ପୁରେଇ ଦେବେନି କହିଲେ ଗ୍ରାମବାସୀ । ସଂଙ୍ଗରୋଧ କେନ୍ଦ୍ର ସମ୍ମୁଖରେ ଗ୍ରାମବାସୀଙ୍କ ହୋହଲ୍ଲା । ଏଭଳି ଏକ ଅଘଟଣ ଘଟିଛି ରାୟଗଡ଼ ଜିଲ୍ଲା ଗୁଣୁପୁର କୁଜୈନ୍ଦ୍ର ସଙ୍ଗରୋଧ କେନ୍ଦ୍ରରେ ।
ଜଣେ କରୋନା ସନ୍ଦିଗ୍ଧ ସଙ୍ଗରୋଧରୁ ବାହାରି, ୧୨ କିମି ଚାଲି ଚାଲି ଯାଇଥିଲେ । ଏହି ଘଟଣା ପରେ ଉତ୍ତେଜନା ଦେଖାଯାଇଛି । କ୍ୱାରେଣ୍ଟାଇନ ସେଣ୍ଟରକୁ ଘେରାଉ କରିଥିଲେ ଗ୍ରାମବାସୀ । ସଙ୍ଗରୋଧ କେନ୍ଦ୍ରରେ ଅନ୍ୟ କୌଣସି ପଞ୍ଚାୟତର ଲୋକଙ୍କୁ ରଖିବାକୁ ଗାଁ ଲୋକେ ବିରୋଧ କରିଛନ୍ତି । ଖୁବଶୀଘ୍ର ସେମାନଙ୍କୁ ଅନ୍ୟତ୍ର ସ୍ଥାନାନ୍ତର କରିବା ପାଇଁ ଦାବି କରିଛନ୍ତି ।
ତେବେ ଗାଁ ଲୋକଙ୍କ ହୋ-ହଲ୍ଲା ଖବର ପାଇ ଘଟଣାସ୍ଥଳରେ ଗୁଣୁପୁର ତହସିଲଦାର, ବିଡିଓ ଓ ପୋଲିସ ପହଁଚି ଲୋକଙ୍କୁ ବୁଝାସୁଝା କରିଛନ୍ତି ।
କ୍ୱାରେଣ୍ଟାଇନ ସେଣ୍ଟରରେ ରହୁଥିବା ବ୍ୟକ୍ତିଙ୍କୁ ଅଣଦେଖା କରାଯାଉଥିବା ଅଭିଯୋଗ କରି ଜଣେ କରୋନା ସନ୍ଦିଗ୍ଧ ସଙ୍ଗରୋଧ କେନ୍ଦ୍ର ଛାଡ଼ି ପଳାଇଥିଲେ ।
