ଧୀରେ ଧୀରେ ନିୟନ୍ତ୍ରଣ ବାହାରକୁ ଯାଉଛି କରୋନା: ଚୀନ୍ ଯିବ WHO ଟିମ୍
1 min read
ନୂଆଦିଲ୍ଲୀ: ଚିନ୍ତାରେ ସାରା ବିଶ୍ୱ, ଧୀରେ ଧୀରେ ନିୟନ୍ତ୍ରଣ ବାହାରକୁ ଯାଉଛି କରୋନା । କୋଟିଏରୁ ଊର୍ଦ୍ଧ୍ୱ ଲୋକ ଏ ମହାମାରୀ କବଳରେ କଲବଲ ହେଉଥିବା ବେଳେ, ୫ଲକ୍ଷରୁ ଊର୍ଦ୍ଧ୍ୱ ପ୍ରାଣ ହରାଇଲେଣି । ଏତିକିରେ ଥମୁନି ବିପଦ, ବଢ଼ିଚାଲିଛି ସଂଖ୍ୟା,ଦିଶୁନି ବୁଦ୍ଧିବାଟ, ଭ୍ୟାକ୍ସିନ୍କୁ ଅପେକ୍ଷା । ତା’ ସହ ମାଡ଼ି ଆସୁଛି ଆର୍ଥିକ ସଂକଟ ।
ତେବେ ଏନେଇ ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ଟିମ୍ ଆସନ୍ତା ସପ୍ତାହରେ ଚୀନ ଯିବା ପାଇଁ ନିଷ୍ପତ୍ତି ନେଇଛି । ବାସ୍ତବରେ କରୋନା ଭାଇରସ୍ର ଉତ୍ପତ୍ତି ବାବଦରେ ତଦନ୍ତ କରିବ ଟିମ୍ । ପ୍ରସ୍ତୁତ ହେବ ରିପୋର୍ଟ ।
ଚାଇନା ତଥ୍ୟ ଦେବାରେ ଅହେତୁକ ବିଳମ୍ବ କରିବା କଥାକୁ ଆଉ ବରଦାସ୍ତ କରିପାରୁନାହିଁ ବିଶ୍ୱସ୍ୱାସ୍ଥ୍ୟ ସଂଗଠନ । ଚାଇନାର ଲ୍ୟାବରେ କରୋନା ଭାଇରସର ସୃଷ୍ଟି ଚର୍ଚ୍ଚା ଉପରେ ମଧ୍ୟ ଏପର୍ଯ୍ୟନ୍ତ ସ୍ପଷ୍ଟ ଟିପ୍ପଣୀ ରଖୁନି ଚୀନ । ଯାହା ସନ୍ଦେହକୁ ଅଧିକ ଦୃଢୀଭୁତ କରୁଛି । ସେପଟେ କରୋନା ଉତ୍ପତ୍ତି ଏବଂ ବ୍ୟାପିବା ପଛରେ ଚାଇନାର ହାତ ଥିବା ବାରମ୍ବାର ଅଭିଯୋଗ ଉଠାଇଚାଲିଛି ଆମେରିକା ।
ଏଣୁ ଏବେ ତଦନ୍ତର ଆବଶ୍ୟକତା ଥିବା ସଂଗଠନର ଚିଫ ସାଇଣ୍ଟିଷ୍ଟ ଡ଼କ୍ଟର ସୌମ୍ୟା ସ୍ୱାମୀନାଥନ୍ କହିଛନ୍ତି । ଗତ ଡ଼ିସେମ୍ବରରେ କିଭଳି, କେଉଁ ପରିସ୍ଥିତିରେ ଏହା ପଶୁଙ୍କଠାରୁ ମଣିଷ ଶରୀରକୁ ଆସିଲା ତାହାହିଁ ତଦନ୍ତ ସାପେକ୍ଷ । ୨୦୧୯, ଡିସେମ୍ବର ୩୧ରେ ଚାଇନା ସରକାର ପ୍ରଥମେ କରୋନା ଭାଇରସ ସମ୍ପର୍କରେ ବିଶ୍ୱକୁ ଜଣାଇଥିଲେ ଯେଉଁଠି ଉହାନ ରହିଥିଲା
ଭାଇରସର ପ୍ରଥମ ଠିକଣା । ଚୀନ ଉପରେ ଏ ଅଭିଯୋଗ ମଧ୍ୟ ରହିଛିଯେ, ଚୀନ ସମୟ ପୂର୍ବରୁ ଭାଇରସ ସମ୍ପର୍କରେ ଦେଇନଥିଲା ଚେତାବନୀ । ଯାହାର ପରିଣାମ ଆଜି ସମସ୍ତେ ଭୋଗୁଛନ୍ତି । ଅନ୍ତତଃ ଏ ଚେତାବନୀ ପ୍ରାରମ୍ଭିକ ଦିନ ମାନଙ୍କରେ ସଂକ୍ରମଣର ସେଚତନତାକୁ ବଢାଇପାରିଥାନ୍ତା ।
ତେବେ କଥା କଥାରେ ପ୍ରତିକ୍ରିୟାଶୀଳ ହେଉଥିବା ଚୀନ ଏକଥାରେ ନୀରବ ରହିବାର କାରଣ ସହଜରେ ଗ୍ରହଣ କରିହେଉନି । ପ୍ରଥମେ କରୋନା ଭାଇରସର ପ୍ରଥମ ବାହକ ବାଦୁଡ଼ି ବୋଲି ଚର୍ଚ୍ଚା ହେବା ପରେ ଦକ୍ଷିଣପୂର୍ବ ଏସିଆ ଏନେଇ ଅନେକ ପରୀକ୍ଷଣ ଆରମ୍ଭ କରିଥିଲା ।
ତା’ପରେ ଜଣାପଡ଼ିଲାଯେ ୫୫ରୁ ଉର୍ଦ୍ଧପ୍ରକାରର କରୋନା ଭାଇରସ ଅଛି ଯାହା ସ୍ଥିତିକୁ ବୁଝିବାକୁ ଅଧିକ ଜଟିଳ କରିଦେଲା । ସେବେଠାରୁ ଏବେ ପର୍ଯ୍ୟନ୍ତ ପ୍ରୟାସ ଚାଲିଥିଲେବି ବାହାରି ପାରୁନି ଭାକ୍ସିନ, ସୁଧୁରିପାରୁନି ସ୍ଥିତି । ଏଣୁ ଭାକ୍ସିନ ସହ ସମସ୍ତଦେଶର ଅପେକ୍ଷା କରୋନାର ଉତ୍ପତ୍ତି ସମ୍ପର୍କରେ ସବିଶେଷ ଜାଣିବାକୁ । ଅପେକ୍ଷା ତଦନ୍ତକୁ ।
https://www.facebook.com/NandighoshaTV/videos/707898620034033/
