ରାଜ୍ୟର ଆଉ ଜଣେ କରୋନା ରୋଗୀ ମୃତ, ଜାଣନ୍ତୁ କେଉଁଠି….

ନୟାଗଡରେ ଜଣେ କରୋନା ଆକ୍ରାନ୍ତ ବ୍ୟକ୍ତିଙ୍କର ରାଜଧାନୀ ଭୁବନେଶ୍ୱରରେ ମୃତ୍ୟୁ ଘଟିଛି । ସେ ଭୁବନେଶ୍ୱରର ଯଦୁମଣି ନଗରରେ ଏକ ଔଷଧ ଦୋକାନ ଚଳାଉଥିଲେ । ମୃତକଙ୍କ ପରିବାରକୁ ନୟାଗଡ ପୌର ନିର୍ବାହୀ ଅଧିକାରୀ ଏନେଇ ସୂଚନା ଦେଇଛନ୍ତି ।

ଉଲ୍ଲେଖଯୋଗ୍ୟ ଯେ ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି  । ଦିନକୁ ୨ଶହ ପରେ ରାଜ୍ୟରେ ବାହାରିବାରେ ଲାଗିଛି କରୋନା ସଂକ୍ରମଣ । ବୁଧାବର ପୁଣି ୨୫୧ ଜଣ ନୂଆ କରୋନା ସଂକ୍ରମଣ ଚିହ୍ନଟ ହୋଇଛନ୍ତି । ୧୫୧ ମଧ୍ୟରୁ ୨୦୮ ଜଣ କ୍ୱାରେଣ୍ଟାଇନ ସେଣ୍ଟରରୁ ବାହାରିଥିବା ବେଳେ ଅନ୍ୟ ୪୩ ଜଣ ସ୍ଥାନୀୟ ସଂକ୍ରମଣ ହୋଇଛନ୍ତି । ସବୁଠାରୁ ବଡ଼ କଥା ହେଉଛି କି ଦିନକୁ ଦିନ ସ୍ଥାନୀୟ ସଂକ୍ରମଣ ବଢ଼ିବାରେ ଲାଗିଛନ୍ତି । ସ୍ଥାନୀୟ ସଂକ୍ରମଣ କିଛି ଦିନ ହେବ ମନ୍ଥର ସ୍ଥିତିରେ ଥିବା ବେଳେ ବୁଧବାର ଏକାଥରକେ ୪୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।