ଆଜି ଅନ୍ତର୍ଜାତୀୟ ଗ୍ରହାଣୁ ଦିବସ

ଆଜି ଅନ୍ତର୍ଜାତୀୟ ଗ୍ରହାଣୁ ଦିବସ । ପ୍ରତିବର୍ଷ ଜୁନ୍ ମାସ ୩୦ ତାରିଖକୁ ଅର୍ନ୍ତଜାତୀୟ ଗ୍ରହାଣୁ ଦିବସ ଭାବେ ପାଳନ କରାଯାଏ । ୨୦୧୬ ମସିହା ଡିସେମ୍ବରେର ଜାତିସଂଘ ସାଧାରଣ ଅଧିବେଶନ ସବର୍ସମ୍ମତି ଦ୍ୱାରା  ଏହି ଦିବସ ପାଳନ ପାଇଁ ଅନୁମୋଦନ ମିଳିଥିଲା । ଗ୍ରହାଣୁ ମାଡ଼ରୁ ପୃଥିବୀକୁ କିପରି ରକ୍ଷା କରାଯାଇପାରିବ ସେନେଇ ବିଭିନ୍ନ ଦେଶର ବୈଜ୍ଞାନିକ ଜାତିସଂଘ ଦ୍ୱାରା ପରିଚାଳିତ ହୋଇ ପୃଥିବୀ ନିକଟରେ ଥିବା ଗ୍ରହ ଗୁଡିକର ତାଲିକା ପ୍ରସ୍ତୁତ କରିଛନ୍ତି ।

ତେବେ ଆଜକୁ ପ୍ରାୟ ୪୫୦ କୋଟି ବର୍ଷ ପୂର୍ବେ ସୃଷ୍ଟି ହୋଇଥିଲା ଚନ୍ଦ୍ର । ପୃଥିବୀ ସହ ବିରାଟ ଏକ ପିଣ୍ଡର ଧକ୍କା ଫଳରେ ଚନ୍ଦ୍ରର ସୃଷ୍ଟି । ପୃଥିବୀର ଏକ ଚତୁର୍ଥାଂଶ ଭାଙ୍ଗି ଚନ୍ଦ୍ର ସୃଷ୍ଟି ହୋଇଥିବା ବୈଜ୍ଞାନିକ ମତ ଦିଅନ୍ତି । ସେହିଭଳି ଅନେକ ବର୍ଷ ପୂର୍ବେ ଏକ ଗ୍ରହାଣୁ ପୃଥିବୀ ପୃଷ୍ଠରେ ପଡ଼ିବା ପରେ ପୃଥିବୀ ଅଗ୍ନି ପିଣ୍ଡରୁ ଶୀତଳ ଗ୍ରହରେ ପରିଣତ ହୋଇଥିଲା ।

ପୃଥିବୀରେ ଅନେକ ଥର ଗ୍ରହପିଣ୍ଡ ଧକ୍କା ହୋଇ ଗର୍ତ୍ତ ସୃଷ୍ଟି ହୋଇଥିବା ନଜିର ରହିଛି । ଭାରତର ମହାରାଷ୍ଟ୍ରରେ ଥିବା ଲୋନା ସରୋବର ଓ ଆଜିଜେନାଠାରେ ଏକ ବିରାଟ ଗର୍ତ୍ତ ଗ୍ରହାଣୁ ଧକ୍କା ଦ୍ୱାରା ସୃଷ୍ଟି ହୋଇଛି ।