୧୪୪ ଧାରା ଉଚ୍ଛେଦ ପାଇଁ ଲକ୍ଷେ ଟଙ୍କା ଲାଞ୍ଚ
Clerk of Malkangiri Sub-Collector Office in Vigilance Trap
ମାଲକାନଗିରି: ଭିଜିଲାନ୍ସ ଟ୍ରାପରେ ବରିଷ୍ଠ କିରାଣି । ମାଲକାନଗିରି ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣି ଭିଜିଲାନ୍ସରେ ଜାଲରେ ଫସିଛନ୍ତି । ବରିଷ୍ଠ କିରାଣି ଅକ୍ଷୟ ନାୟକଙ୍କୁ ଲାଞ୍ଚ ନେବାବେଳେ ଧରିଛି ଭିଜିଲାନ୍ସ । ଅକ୍ଷୟ ଏକ ଜମିଜମା ମାମଲାରେ ଜାରି ହୋଇଥିବା ୧୪୪ ଧାରା ଉଚ୍ଛେଦ କରିବାକୁ ଏକ ଲକ୍ଷ ଟଙ୍କା ଲାଞ୍ଚ ମାଗିଥିଲେ ।
ପ୍ରଥମେ ଗତକାଲି ୨୦ ହଜାର ଟଙ୍କା ଲାଞ୍ଚ ନେଇଥିଲେ । ଆଜି ଆଉ ୮୦ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି ଅକ୍ଷୟ ନାୟକ । ପୂର୍ବ ପ୍ରସ୍ତୁତି ମୁତାବକ ଉପଜିଲ୍ଲାପାଳ କାର୍ଯ୍ୟାଳୟର ବରିଷ୍ଠ କିରାଣି ଲାଞ୍ଚ ନେବାବେଳେ ଜୟପୁର ଓ ମାଲକାନଗିରି ଭିଜିଲାନ୍ସ ଟିମ୍ ମିଳିତ ଭାବେ ଚଢ଼ାଉ କରିଥିଲେ ।
