ଦିଗପହଣ୍ଡି ( କାଳୁ ଚରଣ ନାହକ ): ସାନ ଭଉଣୀ ଦେହରେ ସବାର ବଡ଼ ଭଉଣୀର ଆତ୍ମା । ଗୋଟି ଗୋଟି କରି କହିଯାଉଛି କେମିତି ହେଲା ବଡ଼ ଭଉଣୀର ମୃତ୍ୟୁ। ଖାତାରେ ଲେଖୁଛି ଦୋଷୀ କିଏ। ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ କରପଡ଼ା ପଞ୍ଚାୟତ ଦେଖାଳି ଗାଁର ଏ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେଉଛି।
ଗତ ମେ‘ ମାସ ୧୦ ତାରିଖରେ ଗାଁର ପ୍ରମୋଦିନୀ ମା’ଙ୍କ ସହ ଜମିରେ କାମ କରିବା ପରେ ନଦୀକୁ ଯାଇଥିଲେ। ମା‘ ଘରକୁ ଫେରୁଥିବା ବେଳେ ଶୁଣିଥିଲେ ଝିଅର ଚିତ୍କାର। ପରେ ମିଳିଥିଲା ଝିଅର ମୃତଦେହ । । ହତ୍ୟା ମାମଲା ରୁଜୁ କରି ତଦନ୍ତ କରୁଛି କେ. ନୂଆଗାଁ ପୋଲିସ। ଝିଅକୁ ବଳାତ୍କାର ସହ ହତ୍ୟା କରାଯାଇଥିବା ପରିବାର ଲୋକ ଅଭିଯୋଗ କରିଥିଲେ ।
ତେବେ ଘଟଣାରେ ପୋଲିସ ଏଯାଏଁ କାହାକୁ ଗିରଫ କରିନି । ସେପଟେ ସାନ ଭଉଣୀ ଦେହରେ ବଡ଼ ଭଉଣୀର ପ୍ରେତାତ୍ମା ସବାର ହେବା ସହ ହତ୍ୟାକାରୀର ନାଁ ଲେଖୁଥିବା ଭିଡିଓ ଭାଇରାଲ ହୋଇଛି। ତେବେ ପ୍ରଶ୍ନ ଉଠୁଛି, ଭୂତ କହୁଛି କି ସତ କାହାଣୀ? ଅତୃପ୍ତ ଆତ୍ମା ଖୋଲିବ କି ହତ୍ୟା ରହସ୍ୟ? ତାକୁ ନେଇ ଚର୍ଚ୍ଚା ଜୋରଧରିଛି ।
