ଅନଲକ୍ ୧: କରୋନା ସଂକ୍ରମଣ କାଳରେ ଅଫିସ କର୍ମଚାରୀଙ୍କ ପାଇଁ କେନ୍ଦ୍ର ସରକାରଙ୍କ ନୂଆ ଗାଇଡଲାଇନ୍
ନୂଆଦିଲ୍ଲୀ: ଦେଶରେ ଦିନକୁ ଦିନ କୋରନା ଆକ୍ରାନଙ୍କ ସଂଖ୍ୟା ବଢିବାରେ ଲାଗିଛି । ସଂକ୍ରମଣ ରୋକିବା ପାଇଁ ଦେଶବ୍ୟାପି ଜାରି କରାଯାଇଥିବା ଲକଡାଉନକୁ ସରକାର କୋହଳ କରିଛନ୍ତି । କିନ୍ତୁ ଭୟ ହେଉଛି ସଂକ୍ରମଣ । ତେଣୁ କେନ୍ଦ୍ର ସରକାର ଅଫିସ କର୍ମଚାରୀଙ୍କ ପାଇଁ ନୂଆ ଗାଇଡ୍ ଲାଇନ୍ ଜାରି କରିଛନ୍ତି । ଆସନ୍ତୁ ଜାଣିବା ନୂଆ ଗାଇଡଲାଇନ୍ କ’ଣ କହୁଛି ।
କେନ୍ଦ୍ର ସରକାରଙ୍କ ନୂଆ ଗାଇଡ୍ଲାଇନ ଅନୁଯାୟୀ ଅଫିସରେ
୧. ଗୋଟିଏ ସମୟରେ ୨୦ରୁ ଅଧିକ ଜଣ କର୍ମଚାରୀ କାମ କରିପାରିବେ ନାହିଁ ।
୨.ମୁହାଁମୁହିଁ ମିଟିଂକୁ ସଂପୂର୍ଣ୍ଣ ବାରଣ କରାଯାଇଛି ।
୩. ଯେଉଁ କର୍ମଚାରୀ ମାନଙ୍କର ଥଣ୍ଡା, କାଶ ଓ ଜ୍ୱର ହେଉଥିବ ସେମାନଙ୍କୁ ଅଫିସ ଆସିବାକୁ ବାରଣ କରାଯାଇଛି ।
୪. ଯେଉଁ କର୍ମଚାରୀ ମାନେ କଂଟେନମେଂଟ ଜୋନରେ ରହୁଛନ୍ତି ସେମାନେ ଅଫିସ ଆସିପାରିବେ ନାହିଁ ।
୫. ଅଫିସ୍ରେ ସମସ୍ତ ବ୍ୟବହାର କରାଯାଉଥିବା କମ୍ପ୍ୟୁଟର,ମାଉସ, କିବୋର୍ଡ ଓ ଅନ୍ୟାନ ଜିନିଷକୁ ପରିଷ୍କାର କରାଯିବା ଉପରେ ଅଧିକ ଧ୍ୟାନ ଦିଆଯିବ ।
୬.ଏହାସହ ୧ ମିଟର ଦୂରତା, ମାସ୍କ ଓ ହାତରେ ଗ୍ଲୋଭସ ଲାଗାଇ କାର୍ଯ୍ୟ କରିବାକୁ ପୂନଃର୍ବାର ନିର୍ଦ୍ଦେଶ ଦିଆଯାଇଛି ।
୭. କର୍ମଚାରୀଙ୍କୁ ପ୍ରତି ଅଧ ଘଣ୍ଟା ବ୍ୟବଧାନରେ ହାତ ଧୋଇବାକୁ ପରାମର୍ଶ ଦିଆଯାଇଛି ।
