କିସ୍ର କିସା: କେବେ ହଲିଉଡ୍ ଅଭିନେତା ତ କେବେ ପୂଜାରୀ ଶିଳ୍ପାଙ୍କୁ କରିଥିଲେ କିସ୍, ଯାହାକୁ ନେଇ ହୋଇଥିଲା ହଙ୍ଗାମା
1 min read
ମୁମ୍ବାଇ: ବଲିଉଡ ଡିଭା ଶିଲ୍ପା ସେଟ୍ଟୀ ଆଜି ନିଜର ୪୫ ତମ ଜନ୍ମଦିନ ପାଳନ କରୁଛନ୍ତି । ଆଜିକାଲି ଶିଲ୍ପା ଫିଲ୍ମରେ ଅଧିକ ନଜର ଆସୁନାହାନ୍ତି । ହେଲେ ସେ ନିଜ ଫିଟନେସ ପାଇଁ ବେଶ ଚର୍ଚ୍ଚିତ । ଶିଲ୍ପା ନିଜ ପର୍ସନାଲ ଲାଇଫରେ ବହୁତ ଏନଜଏ କରନ୍ତି । ଫିଲ୍ମ ଜଗତର କ୍ରେଜି ଅଭିନେତ୍ରୀଙ୍କ ମଧ୍ୟରୁ ଜଣେ ହେଉଛନ୍ତି ଶିଲ୍ପା । ବଲିଉଡରେ ସେ ନିଜ କ୍ୟାରିଅରରେ ଖୁବ ସଫଳତା ହାସଲ କରିଛନ୍ତି । ନିଜ ଅଭିନୟ ଯୋଗୁଁ ଶିଲ୍ପା ଅନେକ ଲୋକପ୍ରିୟତା ମଧ୍ୟ ଲାଭ କରିଛନ୍ତି । ଅଧିକାଂଶ ସମୟରେ ଶିଲ୍ପାଙ୍କ ଫିଟନେସ ଭିଡିଓ ଦର୍ଶକଙ୍କ ମଧ୍ୟରେ ଭାଇରାଲ ହେଉଥାଏ । ତେବେ ଆଜି ଶିଲ୍ପାଙ୍କ ଜନ୍ମଦିନ ଅବସରରେ ତାଙ୍କ ଜୀବନର କିଛି ଏମିତି ମୂହୁର୍ତ୍ତ ବିଷୟରେ ଜାଣିବା ଯାହା ଅଧିକାଂଶ ଲୋକେ ଜାଣିନଥିବେ ।
ଶିଲ୍ପା ଓ ହଲିଉଡ ଅଭିନେତା ରିଚାର୍ଡ ଗେରେଙ୍କ କିସ୍ ଗୋଟିଏ ସମୟରେ ଦେଶର ହଟ୍ ନ୍ୟୁଜ୍ ହୋଇଥିଲା । ଏହି ଘଟଣା ୨୦୦୭ ମସିହା ଏପ୍ରିଲ ମାସ ୧୫ ତାରିଖରେ ଘଟିଥିଲା । ଅଭିନେତା ରିଚାର୍ଡ ଜୟପୁରର ଏକ ଇଭେଣ୍ଟରେ ଶିଳ୍ପା ସେଟ୍ଟୀଙ୍କୁ ଧରି କିସ୍ କରିଥିଲେ । ଅଚାନକ ଘଟିଥିବା ଏହି କାଣ୍ଡ ଶିଳ୍ପାଙ୍କୁ ମଧ୍ୟ ଚକିତ କରିଥିଲା । ଯାହା ତାଙ୍କ ଫଟୋ ଦେଖି ଲାଗୁଥିଲା । କିନ୍ତୁ କିଛି ଏହାକୁ ମାନିବାକୁ ପ୍ରସ୍ତୁତ ନଥିଲେ । ସେମାନଙ୍କ କହିବା ଥିଲା ଏହା ପ୍ରିପ୍ଲାନେଡ୍ ଥିଲା । ଏଡସ୍ ସଚେତନତା ପାଇଁ ଆୟୋଜିତ ଏହି ଇଭେଣ୍ଟ୍ କିନ୍ତୁ କିସ୍ କାଣ୍ଡକୁ ନେଇ ବିବାଦୀୟ ହୋଇ ପଡିଥିଲା । ମଞ୍ଚରେ ଲୋକଙ୍କ ସାମ୍ନାରେ ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ରିଚାର୍ଡଙ୍କର ଏହି କାଣ୍ଡ ପାଇଁ ମଧ୍ୟ ତାଙ୍କୁ କଡ଼ା ସମାଲୋଚନା କରାଯାଇଥିଲା । ଏହି ଘଟଣାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିଲା। ଏହି ଘଟଣା ଏତେ ଜୋର ଧରିଥିଲା ଯେ, ରିଚାର୍ଡ-ଶିଳ୍ପା ଆଇନଗତ ଅସୁବିଧାରେ ଫିସିଥିଲେ। ରାଜସ୍ଥାନ କୋର୍ଟ ଶିଳ୍ପା ଶେଟ୍ଟୀ ଏବଂ ରିଚାର୍ଡଙ୍କୁ ୱାରେଣ୍ଟ ଜାରି କରିଥିଲା। ତାଙ୍କ ବିରୋଧରେ ଏକ ମାମଲା ମଧ୍ୟ ରୁଜୁ କରାଯାଇଥିଲା। ପରେ ରିଚାର୍ଡ ଏହି ପ୍ରସଙ୍ଗ ନେଇ କ୍ଷମା ମାଗିଥିଲେ।
ଏହା ବ୍ୟତୀତ ଶିଳ୍ପା ଶେଟ୍ଟୀଙ୍କ ଆଉ ଏକ ଚିତ୍ର ହଇଚଇ ସୃଷ୍ଟି କରିଥିଲା । ଥରେ ମନ୍ଦିରରେ ପହଞ୍ଚିଥିବା ପରେ ଶିଳ୍ପା ଶେଟ୍ଟୀଙ୍କୁ ଜଣେ ପୂଜାରୀ କିସ୍ କରିଥିଲେ। ଉଭୟଙ୍କ ଏହି ଫଟୋ ମଧ୍ୟ ଭାଇରାଲ ହୋଇଥିଲା। ଏହି ଭାଇରାଲ ଫଟୋ ପାଇଁ ଶିଳ୍ପା ଶେଟ୍ଟୀଙ୍କୁ ଅନେକ ଟ୍ରୋଲ କରାଯାଇଥିଲା। ଏନେଇ ଶିଳ୍ପା ଶେଟ୍ଟୀ ପରେ ଏକ ପ୍ରଶ୍ନ କରିଥିଲେ । ଜଣେ ପିତା ତାଙ୍କ ଝିଅକୁ ଚୁମ୍ବନ ଦେବା କଣ ଭୁଲ ବୋଲି ପଚାରିଥିଲେ ଶିଲ୍ପା ।
ଆଜି ଶିଳ୍ପାଙ୍କ ଜନ୍ମଦିନରେ ଏକ ସ୍ୱତନ୍ତ୍ର ନୋଟ୍ ଲେଖି ତାଙ୍କ ସ୍ୱାମୀ ରାଜ କୁନ୍ଦ୍ରା ତାଙ୍କୁ ଶୁଭେଚ୍ଛା ଜଣାଇଛନ୍ତି। ରାଜ ଲେଖିଛନ୍ତି ଯେ, ଶିଲ୍ପା ଏମିତି ଜଣେ ମହିଳା ଯିଏ ପ୍ରେମ ସହିତ ତାଙ୍କୁ ସୁଧାରିଛନ୍ତି । ଶିଲ୍ପାଙ୍କୁ ହସିବା ଦେଖି କୁଦ୍ରା ନିଜ ଦିନ କାଟନ୍ତି । ଶିଲ୍ପା ନିଜ ସ୍ୱାମୀଙ୍କ ପାଇଁ କୌଣସି ଛୁଆଠୁ କମ ନୁହଁନ୍ତି । ଏହା ସହ ଶିଲ୍ପା ତାଙ୍କ ମାଆଙ୍କ ଭୂମିକା ମଧ୍ୟ ତୁଲାଇ ଥାଆନ୍ତି। ଶିଲ୍ପା ତାଙ୍କ ଜୀବନର ରାଣୀ ମଧ୍ୟ । ଶିଲ୍ପାଙ୍କ ପାଇଁ ତାଙ୍କ ଭଲ ପାଇବା ଅତୁଳନୀୟ । ଏହା ଲେଖି ନିଜ ସ୍ତ୍ରୀକୁ ଜନ୍ମଦିନର ଶୁବେଚ୍ଛା ଜଣାଛନ୍ତି ।
