ସଟଡାଉନ୍ ସମୟରେ ଏହି ସବୁ କାର୍ଯ୍ୟକୁ ଅନୁମତି

ଭୁବନେଶ୍ୱର: କରୋନା ସଂକ୍ରମିତ ୧୧ ଜିଲ୍ଲାରେ ୨ ଦିନିଆ ସଟଡାଉନ୍ । ଶନିବାର ଓ ରବିବାର ସଟଡାଉନ୍ ନେଇ ରାଜ୍ୟ ସରକାର ନିଷ୍ପତ୍ତି ନେଇଥିବା ବେଳେ କେତକ କାର୍ଯ୍ୟକୁ ଅନୁମତି ଦିଆଯାଇଛି । ଏହି ସମୟରେ ମେଡିକାଲ ସମ୍ବନ୍ଧୀୟ ଜରୁରୀ କାର୍ଯ୍ୟ କରାଯାଇପାରିବ । ଏଟିଏମ୍ ଏବଂ ଆର୍ଥିକ ସଂସ୍ଥା ଯଥା ଆରବିଆଇ, କ୍ଲିଅରିଂ ହାଉସେସ୍ କାର୍ଯ୍ୟ କରାଯାଇ ପାରିବ ।

ବିମାନବନ୍ଦର, ରେଲୱେ ଷ୍ଟେସନ୍ ଓ ବସ୍ ଟର୍ମିନାଲର କାର୍ଯ୍ୟାଳୟ ଚାଲିବ । ଏଥିରେ ଜଡ଼ିତ କର୍ମଚାରୀଙ୍କ ଯାତାୟାତରେ ବାଧା ରହିବ ନାହିଁ । ଜୋମାଟୋ, ସ୍ୱିଗି ଭଳି ଅନଲାଇନ୍ ଖାଦ୍ୟ ଡେଲିଭରୀ ସଂସ୍ଥା କାର୍ଯ୍ୟ କରିପାରିବେ । ସମ୍ବାଦପତ୍ର ବିକ୍ରି କରୁଥିବା ସକାଳ ୫ଟାରୁ ୮ଟା ଯାଏଁ କାମ କରିବେ । ରୋଷେଇ ଗ୍ୟାସ ଡେଲିଭରୀ ଓ ତା ସହ ଜଡ଼ିତ କାର୍ଯ୍ୟ କରାଯାଇ ପାରିବ ।

କୌଣସି ସଂସ୍ଥାରେ ନିୟୋଜିତ ଥିବା କର୍ମଚାରୀ ପରିଚୟ ପତ୍ର ଦେଖାଇ ଯାତାୟାତ କରିପାରିବେ । ରେଲୱେ ଷ୍ଟେସନ୍, ବସ୍ ଷ୍ଟାଣ୍ଡ, ବିମାନବନ୍ଦରରୁ ଯାତ୍ରୀ ନେବାଆଣିବା ପାଇଁ ଟ୍ୟାକ୍ସି ଓ ଅଟୋକୁ ପୋଲିସ ଠାରୁ ଅନୁମତି ନେବାକୁ ପଡ଼ିବ । ବିବାହ ଓ ଶେଷ କ୍ରିୟା କାର୍ଯ୍ୟ ପାଇଁ ପୋଲିସ ଅନୁମତି ଦେବ । କଟକ-ଭୁବନେଶ୍ୱର ଜିଲ୍ଲା ବାହାରକୁ ଯିବା ପାଇଁ ପୋଲିସ ଠାରୁ ଅନୁମତି ନେବେ ।

ଦେଶରେ ୨୪ ଘଣ୍ଟା ମଧ୍ୟରେ ସର୍ବାଧିକ କରୋନା ପଜିଟିଭ୍ ଚିହ୍ନଟ