କରୋନା ସଂକ୍ରମିତଙ୍କ ପରିଚୟ ଗୋପନ ରଖିବାକୁ ଓଡ଼ିଶା ହାଇକୋର୍ଟଙ୍କ ନିର୍ଦ୍ଦେଶ

କଟକ: କରୋନା ସଂକ୍ରମିତଙ୍କ ପରିଚୟ ସାର୍ବଜନୀନ କରିବା ନେଇ କିଛି ଗୁରୁତ୍ୱପୂର୍ଣ୍ଣ ରାୟ ପ୍ରକାଶ କରିଛନ୍ତି ମାନ୍ୟବର ହାଇକୋର୍ଟ । ଏକ ଜନସ୍ୱାର୍ଥ ମାମଲା ଶୁଣାଣି କରି ରାୟ ଶୁଣାଇଛନ୍ତି  କୋର୍ଟ । ମାନ୍ୟବର କୋର୍ଟ ନିଜ ରାୟରେ ସଂକ୍ରମିତଙ୍କ ପରିଚୟ ପ୍ରଘଟ ହୋଇପାରିବନାହଁ ବୋଲି କହିଛନ୍ତି । ପରିଚୟ ସାର୍ବଜନୀନ ହେବା ପରେ ସାମାଜିକ ନିନ୍ଦାର ଭୟ ରହିଛି । ଏପରିକି ସରକାର ପ୍ରକାଶ କରୁଥିବା ଚିଠି କିମ୍ୱା ଅନ୍ୟାନ୍ୟ ନଥିରେ ସଂକ୍ରମିତଙ୍କ ନାଁ ଉଲ୍ଲେଖ ହେବନାହିଁ ବୋଲି କୋର୍ଟ କହିଛନ୍ତି । ତେବେ ପୂର୍ବରୁ ମଧ୍ୟ କରୋନା ସଂକ୍ରମିତଙ୍କ ପରିଚୟ ସାର୍ବଜନୀନ କରିବା ନେଇ ବାରଣ କରିଛନ୍ତି ରାଜ୍ୟ ସରକାର । କିଛି ଅତି ବିଶେଷ ପରିସ୍ଥିତିରେ ରାଜ୍ୟ ସରକାରଙ୍କ ପକ୍ଷରୁ ଆକ୍ରାନ୍ତ ନାମ ସାର୍ବଜନୀନ ହୋଇଛି ।

ପୁଣି ଚିହ୍ନଟ ହେଲେ ୯୬ କରୋନା ସଂକ୍ରମିତ: ସକ୍ରିୟ ମାମଲା ଠାରୁ ଅଧିକ ସୁସ୍ଥ