ନେଟ୍ଫ୍ଲିକ୍ସରେ ରିଲିଜ୍ ହେଲା ସାହାରୁଖ୍ ଖାନ୍ଙ୍କ ବେତାଲ…
1 min read
ଶାହରୁଖ ଖାନ୍ ହୁଏତ କିଛି ସମୟ ପାଇଁ ଅଭିନେତା ଭାବେ ସକ୍ରିୟ ନାହାନ୍ତି । କିନ୍ତୁ ଜଣେ ପ୍ରଡ୍ୟୁସର ଭାବେ ସେ ଲୋକଙ୍କୁ ବେଶ୍ ମନରୋଞ୍ଜନର ଖୋରକ ଯୋଗାଉଛନ୍ତି । ଶାରୁଖ୍ଙ୍କ ରେଡ୍ ଚିଲିଜ୍ କମ୍ପାନୀ ଏବେ ଆଉ ଏକ ନୂଆ ଓ୍ୱେବ୍ ସିରିଜ୍ ‘ବେତାଲ’ ରିଲିଜ୍ କରିସାରିଛି । ଏହି ୱେବ୍ ସିରିଜ୍ ନେଟଫ୍ଲିକ୍ସରେ ଏବେ ଉପଲବ୍ଧ ରହିଛି । ୨୦୧୯ରେ, ଶାହାରୁଖ ଖାନ ବାର୍ଡ ଅଫ୍ ବ୍ଲଡ୍ ଓ୍ୱେବ୍ ସିରିଜ୍ ପ୍ରସ୍ତୁତ କରିଥିଲେ, ଯେଉଁଥିରେ ଇମ୍ରାନ୍ ହାସ୍ମି ମୁଖ୍ୟ ଭୂମିକାରେ ଅଭିନୟ କରିଥିଲେ । ତେବେ ଏଥର ସେ ଏକ ହରର ୱେବ୍ ସିରିଜ୍ ରିଲିଜ୍ କରିଛନ୍ତି । ଯାହାର ନାଁ ବେତାଳ ରଖାଯାଇଛି ।
ଶାହରୁଖ ଖାନଙ୍କ ରେଡ୍ ଚିଲିଜ୍, ଆମେରିକୀୟ ପ୍ରଯୋଜକ ଜେସନ୍ ବ୍ଲମ୍ଙ୍କ କମ୍ପାନୀ ବ୍ଲମ୍ହାଉସ୍ ପ୍ରଡକ୍ସନ୍ ହାଉସ ସହିତ ମିଶି ନେଟଫ୍ଲିକ୍ସ୍ ଅରିଜିନାଲ ୱେବ୍ ସିରିଜ୍ ବେତାଲ ପ୍ରସ୍ତୁତ କରିଛନ୍ତି । ଏହାର ପ୍ରସାରଣ ୨୪ ମେ’ରୁ ଷ୍ଟ୍ରିମିଂ ଆରମ୍ଭ ହୋଇସାରିଛି । ଏହି ୱେବ୍ ସିରିଜରେ ବିନୀତ୍ କୁମାର ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ସରିଜ୍ରେ ସେ ଜୁମ୍ବିଜ୍ ମାନଙ୍କ ସହ ଲଢ଼େଇ କରୁଥିବା ନଜର ଆସିବେ ।
https://www.instagram.com/p/CAj8YigJnjR/?utm_source=ig_embed
ଏହି ୱେବ୍ ସିରିଜରେ ଏକ ଗାଁର କାହାଣୀ ପ୍ରଦର୍ଶିତ କରାଯାଇଛି । ବ୍ରିଟିଶ୍ ଇଣ୍ଡିଆନ୍ ସେନା ଅଧିକାରୀ ବେତାଳ ଏବଂ ତାଙ୍କ ରେଡକୋଟ୍ ଜୁମ୍ବିଜ୍ ବାଟାଲିୟନ୍ ଗାଁରେ ଆତଙ୍କ ଖେଳାଇଛନ୍ତି । ଏହି ସମୟରେ ଭାରତୀୟ ପୋଲିସ ଫୋର୍ସ ଏବଂ ସେନା, ଗ୍ରାମବାସୀଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । ସେମାନେ ଜୁମ୍ବିଜ୍ ମାନଙ୍କ ସହ ଲଢ଼େଇ କରୁଥିବା ସିରିଜ୍ରେ ଦେଖିବାକୁ ମିଳିଛି ।
ଏହି ଚଳଚ୍ଚିତ୍ରରେ ବିନୀତ୍ କୁମାରଙ୍କ ସହ ଆହାନା କୁମାରା ମଧ୍ୟ ଅଭିନୟ କରିଛନ୍ତି । ଏନେଇ ଅହାନା ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ସେ ୱେବ୍ ସିରିଜର କିଛି ଫଟୋ ସେ ସେୟାର କରିଛନ୍ତି ।
