ମାଲ୍ୟାଙ୍କ ଟ୍ୱିଟ୍: ‘ ବିନା ସର୍ତ୍ତରେ ସବୁ ଟଙ୍କା ନେଇ ମାମଲା ବନ୍ଦ କର’

ଲଣ୍ଡନ: ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କୁ ବଡ଼ ଝଟକା ଲାଗିଛି । ସୁପ୍ରିମକୋର୍ଟରେ ଆବେଦନ କରିବା ନେଇ ହାଇକୋର୍ଟରେ କରିଥିବା ଆବେଦନ ଖାରଜ । ଏହି ନିଷ୍ପତ୍ତି ପରେ ମାଲ୍ୟାଙ୍କର ସମସ୍ତ ଆଇନଗତ ରାସ୍ତା ବନ୍ଦ ହୋଇଯାଇଛି ଏବଂ ବର୍ତ୍ତମାନ ତାଙ୍କୁ ୨୮ ଦିନ ମଧ୍ୟରେ ଭାରତକୁ ପଠାଯାଇପାରିବ।

ମାନ୍ୟବର ହାଇକୋର୍ଟ ଏହି ଆବେଦନକୁ ପ୍ରତ୍ୟାଖ୍ୟାନ କରିବା ପରେ ଲଣ୍ଡନର ଗୃହ ବିଭାଗ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ କରିବ। ବର୍ତ୍ତମାନ ଇଂଲଣ୍ଡରେ ମାଲ୍ୟାଙ୍କର କୌଣସି ଆଇନଗତ ଉପାୟ ବାକି ନାହିଁ। ପ୍ରତ୍ୟାର୍ପଣ ବିରୋଧରେ ମାଲ୍ୟାଙ୍କ ଆବେଦନକୁ ହାଇକୋର୍ଟ ଖାରଜ କରିସାରିଛନ୍ତି।

ମୋଦୀଙ୍କୁ ମାଲ୍ୟାଙ୍କ ପ୍ରଶଂସା 

ହାଇକୋର୍ଟଙ୍କ ପକ୍ଷରୁ ରାୟ ପ୍ରଦାନ ପୂର୍ବରୁ ନିଷ୍ପତ୍ତି ପୂର୍ବରୁ ମଦ ବ୍ୟବସାୟୀ ବିଜୟ ମାଲ୍ୟା କରୋନା ସଙ୍କଟ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅର୍ଥନୈତିକ ରିଲିଫ ପ୍ୟାକେଜ ନେଇ କେନ୍ଦ୍ର ସରକାରଙ୍କୁ ଅଭିନନ୍ଦନ ଜଣାଇଛନ୍ତି ଏବଂ ବର୍ତ୍ତମାନ ସରକାର ଏଥିରୁ ସମସ୍ତ ଟଙ୍କା ପ୍ରତ୍ୟାହାର କରିବା ଉଚିତ ବୋଲି କହିଛନ୍ତି ।

Congratulations to the Government for a Covid 19 relief package. They can print as much currency as they want BUT should a small contributor like me who offers 100% payback of State owned Bank loans be constantly ignored ? Please take my money unconditionally and close.

— Vijay Mallya (@TheVijayMallya) May 14, 2020

ବିଜୟ ମାଲ୍ୟାଙ୍କ ତରଫରୁ ଟ୍ୱିଟ୍ କରି କହିଛନ୍ତି ଯେ, କରୋନା ଭୂତାଣୁ ସଙ୍କଟ ମଧ୍ୟରେ ମୁଁ ରିଲିଫ୍ ପ୍ୟାକେଜ୍ ପାଇଁ ସରକାରଙ୍କୁ ଅଭିନନ୍ଦନ ଜଣାଉଛି। ସେମାନେ ଯେତିକି ଟଙ୍କା ଚାହିଁବେ ମୁଦ୍ରଣ କରିପାରିବେ । କିନ୍ତୁ ସେମାନେ ମୋ ଭଳି ଛୋଟ ସହଯୋଗୀଙ୍କୁ ଲଗାତାର ଭାବେ ଅଣଦେଖା କରିବା ଉଚିତ୍? ଯିଏ ଷ୍ଟେଟ୍ ବ୍ୟାଙ୍କର ସମସ୍ତ ଟଙ୍କା ଫେରସ୍ତ କରିବାକୁ ଚାହୁଁଛନ୍ତି | ମୋ ଠାରୁ ସମସ୍ତ ଟଙ୍କା ବିନା ସର୍ତ୍ତରେ ନେଇ ମାମଲା ଶେଷ କରିବାକୁ ଟ୍ୱିଟ୍‌ରେ ଲେଖିଛନ୍ତି ମାଲ୍ୟା ।