କରୋନା ସଙ୍କଟ: ପିଲାମାନଙ୍କଠାରେ ଯଦି ଏଭଳି ଲକ୍ଷଣ ଦେଖା ଦେଉଛି ତେବେ ବିଲକୁଲ୍ ଅଣଦେଖା କରନ୍ତୁ ନାହିଁ

ନୂଆଦିଲ୍ଲୀ: କରୋନା କୋପରେ ବିଶ୍ୱ । କେବଳ ଭାରତ ନୁହେଁ ପୂରା ବିଶ୍ୱରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଯଦିଓ ସଂକ୍ରମିତଙ୍କ ସଂଖ୍ୟା ଦେଶରେ ଅଧିକ ରହିଛି କିନ୍ତୁ ଏହି ସଂକ୍ରମଣରେ ପିଲାମାନଙ୍କ ସଂଖ୍ୟା ବହୁତ କମ ରହିଛି । ଏନେଇ ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ପିଲାମାନଙ୍କଠଆରେ ରୋଗ ପ୍ରତିରୋଧକ ଶକ୍ତି ଭଲ ଥିବାରୁ ହୁଏତ ଏମାନେ ସଂକ୍ରମଣର ଶିକାର ହେଉନାହାଁନ୍ତି । ଯଦିଓ ପିଲାମାନଙ୍କ ଠାରେ ଏହି ମାମଲା ବହୁତ ଡେରିରେ ସାମ୍ନାକୁ ଆସୁଛି ।

ଏକ ରିପୋର୍ଟ ଅନୁସାରେ,ବୟଷ୍କ ଲୋକଙ୍କ ତୁଳନାରେ କମ ସଂଖ୍ୟାରେ  ପିଲାମାନେ ଏହି ସଂକ୍ରମଣର କମ ଶିକାର ହୋଇଥାନ୍ତି ।  ଜଣେ ଡାକ୍ତରଙ୍କ କହିବା କଥା, ଯଦି ପିଲାମାନଙ୍କଠାରେ କିଛି ସାମାନ୍ୟ ଲକ୍ଷଣ ଦେଖା ଦେଉଛି ତେବେ ତାହାକୁ ଅଣଦେଖା କରନ୍ତୁ ନାହିଁ ।

ପିଲାମାନଙ୍କ ଠାରେ କରୋନାର କିଭଳି ଲକ୍ଷଣ ଦେଖାଦିଏ ?

ଅନ୍ୟଏକ ରିପୋର୍ଟ ଅନୁସାରେ କରୋନା ଭାଇରସ୍ ଦ୍ୱାରା ସଂକ୍ରମିତ ପିଲାମାନଙ୍କଠାରେ ମଧ୍ୟ ଅନେକ ଲକ୍ଷଣ ଦେଖାଯାଏ । କୋଭିଡ୍-୧୯ ସଂକ୍ରମିତ ହେବା ପରେ ପିଲାମାଙ୍କଠାରେ ଝାଡ଼ା ବାନ୍ତି, ଡାଏରିଆ ଏବଂ ପେଟରେ ଯନ୍ତ୍ରଣା ହୋଇଥାଏ । ଏହାବ୍ୟତିତ ପିଲାମାନଙ୍କୁ ଭିଷଣ ଜ୍ୱର ହେବା ସହ ମୁଣ୍ଡବିନ୍ଧା ଭଳି ସମସ୍ୟା ମଧ୍ୟ ଦେଖାଦିଏ, ଯାହା କରୋନାର ବିଶେଷ ଲକ୍ଷଣ ହୋଇଥାଏ ।

ସ୍ୱାସ୍ଥ୍ୟ ବିଶେଷଜ୍ଞ ମତ ଅନୁସାରେ, କରୋନାଠୁ ବଞ୍ଚିବା ପାଇଁ ଲକଡାଉନରେ ପିଲାମାନଙ୍କର ଖାଇବା ପିଇବା ଉପରେ ବିଶେଷ ଧ୍ୟାନ ଦିଅନ୍ତୁ । ସେମାନଙ୍କ ଖାଇବାରେ ପ୍ରଚୁର ପନିପରିବା ସହ ଅଣ୍ଡା, କ୍ଷୀର ଆଦି ଦ୍ରବ୍ୟ ଖାଇବାକୁ ଦିଅନ୍ତୁ । ଘରେ ପିଲାମାନଙ୍କର ସଫାସୁତର ଉପରେ ବିଶେଷ ଧ୍ୟାନ ଦିଅନ୍ତୁ ଏବଂ ସେମାନଙ୍କୁ ସାମଜିକ ଦୂରତା, ମାସ୍କ, ଏବଂ ହାତ ଧୋଇବା ଶିଖାନ୍ତୁ ।