କଟକ: ଆସନ୍ତା 20ରୁ ଆରମ୍ଭ ହେବ ମାଟ୍ରିକ ଖାତାଦେଖା। ଅଧିକ ୬ ହଜାର ପରୀକ୍ଷକ ଖାତାଦେଖାରେ ନିୟୋଜିତ ହେବେ। ମୋଟ୍ ୨୨ହଜାର ଶିକ୍ଷକ ଶିକ୍ଷୟିତ୍ରୀ ମାଟ୍ରିକ ମୂଲ୍ୟାୟନରେ ନିୟୋଜିତ ହେବେ। ଅଧିକ ୬ ହଜାର ଶିକ୍ଷକଙ୍କ ତାଲିକା ଓ୍ୱେବସାଇଟ୍ରେ ଉପଲବ୍ଧ ହେଉଛି। ସାମାଜିକ ଦୂରତା ରକ୍ଷା ପାଇଁ ୩ଟି ଫେଜ୍ରେ ହେବ ଖାତାଦେଖା। ସକାଳ ୮ଟାରୁ ୨ଟା ପର୍ଯ୍ୟନ୍ତ ଓଡିଆ ଓ ସାମାଜିକ ବିଜ୍ଞାନ ଖାତା ଦେଖାଯିବ। ସକାଳ ୯ଟାରୁ ୩ଟା ଯାଏଁ ଇଂରାଜୀ ଓ ସାଧାରଣ ବିଜ୍ଞାନ ଖାତା ଦେଖାହେବ। ସେହିପରି ହିନ୍ଦୀ, ସଂସ୍କୃତ ଓ ଗଣିତ ସକାଳ ସାଢେ ୯ରୁ ୪ଟା ଯାଏଁ ଦେଖାଯିବ। ଖାତାଦେଖା କେନ୍ଦ୍ରରେ ସମସ୍ତେ ମାସ୍କ ପିନ୍ଧିବା ବାଧ୍ୟତାମୂଳକ ରହିଛି। ସେହିପରି ସାମାଜିକ ଦୂରତା ଓ ସାନିଟାଇଜର ବ୍ୟବହାର ବାଧ୍ୟତାମୂଳକ। ପୂର୍ବ ନିର୍ଦ୍ଧାରିତ ୬୦ଟି ମୂଲ୍ୟାୟନ କେନ୍ଦ୍ରରେ ଖାତାଦେଖା ହେବ। ଅନ୍ୟ ଜିଲ୍ଲାରେ ରହିଯାଇଥିବା ଶିକ୍ଷକ ଶିକ୍ଷୟିତ୍ରୀ ମୂଲ୍ୟାୟନ କେନ୍ଦ୍ର ପରିବର୍ତ୍ତନ ପାଇଁ ପଂଜୀକରଣ କରିପାରିବେ। ୧୯ ତାରିଖ ସୁଦ୍ଧା ପଞ୍ଜୀକରଣ ହେବା ଜରୁରୀ
