ଜମ୍ମୁ-କଶ୍ମୀରରରେ ଜଣେ ଆତଙ୍କବାଦୀ ନିହତ…
1 min read
ଅଓ୍ବନ୍ତୀପୁରା: ଜମ୍ମୁ-କଶ୍ମୀରର ଅଓ୍ବନ୍ତୀପୁରାରେ ସେନାର ଅପରେସନ୍ ବେଳେ ଜଣେ ଆତଙ୍କବାଦୀ ନିହତ ହୋଇଛି । ଗତକାଲି ରାତିରୁ ଅଓ୍ବନ୍ତୀପୁରା ସେକ୍ଟରରେ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଛି । ସେପଟେ ଗତ ରବିବାର କଶ୍ମୀର ହିନ୍ଦଓ୍ବାଡାରେ ହୋଇଥିବା ଗୁଳିବିନିମୟରେ କର୍ଣ୍ଣେଲ ଆଶୁତୋଷ ଏବଂ ମେଜର ଅନୁଜ ସୁଦ୍ ଓ ଜଣେ ପୋଲିସ ଅଫିସରଙ୍କ ସହିତ ୫ଜଣ ଯବାନ ସହିଦ ହୋଇଥିଲେ । ସେହିଭଳି ସୋମବାର ଦିନ ହିନ୍ଦଓ୍ବାଡାରେ ହୋଇଥିବା ଆଉ ଏକ ଘଟଣାରେ ୩ଜଣ ଯବାନ ସହିଦ ହୋଇଥିଲେ ।
କରୋନା ନେଇ ସମଗ୍ର ବିଶ୍ୱ ଆତଙ୍କ ଭିତରେ ରହିଥିବା ବେଳେ ଜମ୍ମୁ-କଶ୍ମୀର ଉପତ୍ୟକାରେ ଆତଙ୍କବାଦୀମାନେ ସକ୍ରୀୟ ହେବା ଚିନ୍ତାର କାରଣ ହୋଇଛି । କରୋନାର ପ୍ରକୋପ ଭିତରେ ଆତଙ୍କବାଦୀମାନେ ପାକିସ୍ତାନ ପଟୁ ଭାରତ ଭିତରକୁ ପଶିଆସିବାକୁ ଉଦ୍ୟମ ଜାରି ରଖିଛନ୍ତି । ଉପତ୍ୟକାକୁ ପଶି ଆସିଥିବା ଆତଙ୍କଦୀ ମାନଙ୍କୁ ଠାବ କରି ସେମାନଙ୍କୁ ନିପାତ କରିବା ଲାଗି ସେନା ବାହିନୀ ମଧ୍ୟ ଅପରେସନ୍ ଆରମ୍ଭ କରିଛି । ଇତି ମଧ୍ୟରେ ୩ ଜଣ ଆତଙ୍କବାଦୀଙ୍କୁ ମଧ୍ୟ ସେନା ନିପାତ କରିଥିବା ସୂଚନା ମିଳିଛି ।
