ଜଗତସିଂହପୁର ଜିଲ୍ଲାରେ ଜାରି ହେଲା କର୍ଫ୍ୟୁ, ଘରୁ ବାହାରିଲେ କାର୍ଯ୍ୟାନୁଷ୍ଠାନ

ଜଗତସିଂହପୁର: କରୋନା ସଂକ୍ରମଣ ରୋକିବାକୁ ଲାଗୁ ହୋଇଛି ଲକଡାଉନ୍ । ଜଗତସିଂହପୁର ଜିଲ୍ଲା ପ୍ରଶାସନ ଆହୁରି କଡ଼ା ପଦକ୍ଷେପ ଗ୍ରହଣ କରିଛି । ଜିଲ୍ଲାରେ ଲାଗୁ ହୋଇଛି କର୍ଫ୍ୟୁ କଟକଣା । ସନ୍ଧ୍ୟା ୭ଟାରୁ ସକାଳ ୭ଟା ପର୍ଯ୍ୟନ୍ତ ସମଗ୍ର ଜିଲ୍ଲାରେ କର୍ଫ୍ୟୁ ଜାରି ହୋଇଛି । ଏନେଇ ଜଗତସିଂହପୁର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ସୂଚନା ଦେଇଛନ୍ତି ।

#Breaking ଜଗତସିଂହପୁର: ଜିଲ୍ଲାରେ ଜାରି ହେଲା କର୍ଫ୍ୟୁ । ସନ୍ଧ୍ୟା ୭ଟାରୁ ସକାଳ ୭ଟା ଯାଏଁ ଜିଲ୍ଲାର କର୍ଫ୍ୟୁ କଟକଣା । ଗାଡ଼ି ଚଳାଚଳ ସମ୍ପୂର୍ଣ୍ଣ ବନ୍ଦ, ଦେଖିଲା ମାତ୍ରେ କାର୍ଯ୍ୟାନୁଷ୍ଠାନ ନିର୍ଦ୍ଦେଶ । ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କ ସୂଚନା । #OdishaFightsCorona #Curfew #Jagatsinghpur #NandighoshaTV pic.twitter.com/gcQ0RSNoOf

— NandighoshaTV (@NandighoshaTV) May 4, 2020

ଯଦି ଏହି ସମୟରେ କେହି ବି ଘରୁ ବାହାରନ୍ତି ତାକୁ ବରଦାସ୍ତ କରାଯିବ ନାହିଁ । ଦେଖିଲା ମାତ୍ରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲା ପ୍ରଶାସନ କହିଛି । ଜିଲ୍ଲାରେ ଗାଡ଼ି ଚଳାଚଳ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଯାଇଛି । କଇଜଙ୍ଗା ଓ ତାରପୁର ଠାରେ ଚେକ୍ ପୋଷ୍ଟ କରାଯାଇ ଚେକିଂକୁ କଡ଼ାକଡ଼ି କରାଯାଇଛି ।