ପ୍ରବାସୀଙ୍କୁ ନେଇ କେରଳରୁ ଓଡ଼ିଶାରେ ପହଞ୍ଚିଲା ଟ୍ରେନ୍
ଭୁବନେଶ୍ୱର: ଗଞ୍ଜାମ ଜଗନ୍ନାଥପୁର ଷ୍ଟେସ୍ନରେ ପହଞ୍ଚିଲା କେରଳରୁ ଆସିଥିବା ସ୍ୱତନ୍ତ୍ର ଟ୍ରେନ୍ । ଟ୍ରେନ୍ରେ ପ୍ରାୟ ୧୫୦୦ ପ୍ରବାସୀ ଓଡ଼ିଆ ଫେରିଥିବା ବେଳେ ସେ ମଧ୍ୟରେ ୫୭୦ଜଣ ଗଞ୍ଜାମ ଜିଲ୍ଲାର ଜଗନ୍ନାଥପୁର ଷ୍ଟେସନରେ ଓହ୍ଲାଇଛନ୍ତି । ଅବଶିଷ୍ଟ ପ୍ରବାସୀଙ୍କୁ ଧରି ଖୋର୍ଦ୍ଧା ଅଭିମୁଖେ ବାହାରିଛି ସ୍ୱତନ୍ତ୍ର ଟ୍ରେନ୍ । ଗଞ୍ଜାମ ସମେତ ରାୟଗଡ଼ା, କୋରପୁଟ, ନବରଙ୍ଗପୁର ଓ କନ୍ଧମାଳର ପ୍ରବାସୀ ଓଡ଼ିଆ ମଧ୍ୟ ଟ୍ରେନରେ ଅଛନ୍ତି । ପ୍ରବାସୀ ଓଡ଼ିଆ ଓହ୍ଲାଇବା ପରେ ପ୍ରଥମେ ସ୍ୱାସ୍ଥ୍ୟାବସ୍ଥା ପରୀକ୍ଷା ପାଇଁ ବ୍ୟବସ୍ଥା କରାଯାଇଛି । ପରେ ସେମାନଙ୍କୁ ନିଜ ନିଜ ଅଞ୍ଚଳକୁ ଯିବା ପାଇଁ ସ୍ୱତନ୍ତ୍ର ବସ୍ର ବ୍ୟବସ୍ଥା କରାଯାଇଛି ।
ଖୋର୍ଦ୍ଧା ରୋଡ଼ ଷ୍ଟେସନରେ ପହଞ୍ଚିଛି କେରଳରୁ ଆସିଥିବା ସ୍ୱତନ୍ତ୍ର ଟ୍ରେନ୍ । ଯାହାକୁ ନେଇ ଖୋର୍ଦ୍ଧା ରୋଡ଼ ଷ୍ଟେସନରେ ସ୍ଵତନ୍ତ୍ର ସୁରକ୍ଷା ବ୍ୟବସ୍ଥା କରାଯାଇଛି । ଷ୍ଟେସନରେ ଟ୍ରେନ ପହଞ୍ଚିବା ପରେ କେରଳ ଫେରନ୍ତା ଶ୍ରମିକ ମାନଙ୍କୁ ତାଙ୍କର ଗନ୍ତବ୍ୟ ସ୍ଥାନକୁ ବସରେ ପଠାଯାଉଛି । ଯାଜପୁର, କେନ୍ଦ୍ରପଡା, ନୟାଗଡ, କେନ୍ଦୁଝର, ନୂଆପଡା , ଜିଲ୍ଲାକୁ ବସ ଯୋଗେ କେରଳ ଫେରନ୍ତାଙ୍କୁ ପଠାଯାଉଥିବା ବେଳେ । ରାଜ୍ୟର ବରିଷ୍ଠ ପ୍ରଶାସନିକ ଅଧିକାରୀ, ପୋଲିସ ଅଧିକାରୀ, ରେଳବାଇ ଅଧିକାରୀ ଉପସ୍ଥିତ ରହି ସମସ୍ତ କାର୍ଯ୍ୟ ତଦାରଖ କରୁଛନ୍ତି ।
