କୋରାପୁଟ କରୋନା ସଂକ୍ରମିତଙ୍କ ଯାତ୍ରାବିବରଣୀ : ଜାଣନ୍ତୁ ୧୦୯ ନମ୍ବର ସଂକ୍ରମିତ କେବେ, କେଉଁଠିକୁ ଯାଇଥିଲେ ?

ଭୁବନେଶ୍ୱର : ୧୦୯ ନମ୍ବର କରୋନା ସଂକ୍ରମିତଙ୍କ ଯାତ୍ରାବିବରଣୀ ସୂଚନା ଓ ଲୋକସମ୍ପର୍କ ବିଭାଗ ତରଫରୁ ଜାରି କରାଯାଇଛି । କୋରାପୁଟ ପୋଡାଗଡର ଏହି ସଂକ୍ରମିତଙ୍କ କୋଲକତା ଲିଙ୍କ୍ ରହିଛି । ସେ ଜଣ ନର୍ସ । ସେ କିଛି ଦିନ ତଳେ କୋଲକତା ଯାଇଥିଲେ । ଏପ୍ରିଲ ୧୩ ଓ ୧୪ ତାରିଖରେ ସେ ଗୋଟିଏ ଟ୍ୟାକ୍ସି ଭଡା କରି କୋଲକତାରୁ ଅନ୍ୟ ଦୁଇଜଣଙ୍କ ସହ ପୋଡାଗଡ ଫେରିଥିଲେ ।

୧୪ ଏପ୍ରିଲରେ ପୋଡାଗଡ ଫେରିବା ପରେ ସେ କ୍ୱାରେଣ୍ଟାଇନରେ ଥିଲେ । ୧୪ ଏପ୍ରିଲରୁ ୧୭ ଏପ୍ରିଲ ପର୍ଯ୍ୟନ୍ତ ସେ କ୍ୱାରେଣ୍ଟାଇନରେ ଥିଲେ । ଏହାପରେ ତାଙ୍କୁ କରୋନା ସଂକ୍ରମିତ ଚିହ୍ନଟ କରାଯାଇଥିଲା । ସଂକ୍ରମିତ ଚିହ୍ନଟ ହେବା ପରେ ତାଙ୍କୁ ଭୁବନେଶ୍ୱର ସ୍ଥିତ କିମ୍ସ କୋଭିଡ୍ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି ।