ଶ୍ରୀମନ୍ଦିର ଭିତରେ ହେବ ଚନ୍ଦନଯାତ୍ରା, ତିଆରି ହେବ ଜଳକ୍ରୀଡ଼ା କୁଣ୍ଡ

ପୁରୀ: ଶ୍ରୀମନ୍ଦିର ଭିତରେ ହେବ ବାହାର ଚନ୍ଦନ ଯାତ୍ରା । ଚଳିତବର୍ଷ ଶ୍ରୀମନ୍ଦିର ଭିତରେ ଅନୁଷ୍ଠିତ ହେବ ବାହାର ଚନ୍ଦନ ଯାତ୍ରା ନୀତି । ଜଳକ୍ରୀଡା ପାଇଁ ନିର୍ମାଣ ହେବ ସ୍ୱତନ୍ତ୍ର ଜଳକୁଣ୍ଡ । ଆଜି ଶ୍ରୀମନ୍ଦିର ପରିଚାଳନା କମିଟିର ପ୍ରଥମ ପର୍ଯ୍ୟାୟ ବୈଠକ ଶେଷ ହୋଇଥିବା ବେଳେ ଏଥିରେ ପଞ୍ଚୁପାଣ୍ଡବ ସେବକଙ୍କ ସହିତ ଜିଲ୍ଲାପାଳ ଆଲୋଚନା କରିଛନ୍ତି । ବର୍ତ୍ତମାନ ଅକ୍ଷୟ ତୃତୀୟା ପାଇଁ ବୈଠକରେ ଆଲୋଚନା ହେଉଛି ।

ମହାପ୍ରଭୁଙ୍କ ଅକ୍ଷୟ ତୃତୀୟା ଓ ବାହାର ଚନ୍ଦନ ଯାତ୍ରା ନୀତି ଶ୍ରୀମନ୍ଦିର ଭିତରେ କିଭଳି ହେବ ସେନେଇ ଚାଲିଛି ବୈଠକ । ସେବାୟତ ନିଯୋଗର ପ୍ରତିନିଧିଙ୍କ ସହିତ ପୁରୀ ଜିଲ୍ଲାପାଳ ଓ ଅନ୍ୟମାନେ ଆଲୋଚନା କରୁଛନ୍ତି । ପୁରୀ ଶଙ୍କରାଚାର୍ଯ୍ୟଙ୍କ ପରାମର୍ଶ କ୍ରମେ ଶ୍ରୀଜୀଉଙ୍କ ନୀତିକାନ୍ତି ନେଇ ଚୂଡାନ୍ତ ନିଷ୍ପତ୍ତି ନିଆଯିବ । ଅକ୍ଷୟ ତୃତୀୟା ଓ ଚନ୍ଦନ ଯାତ୍ରା ନେଇ ଶଙ୍କରାଚାର୍ଯ୍ୟଙ୍କ ସହ ଗତକାଲି ଗଜପତି ଓ ଅନ୍ୟମାନେ ଆଲୋଚନା କରିଥିଲେ । ମହାପ୍ରଭୁଙ୍କ ବିଧି ରକ୍ଷା ପାଇଁ ଜଗଦ୍‌ଗୁରୁ ପରାମର୍ଶ ଦେଇଥିଲେ । ଏହା ଉପରେ ଶ୍ରୀମନ୍ଦିର ପରିଚାଳନା କମିଟି ବୈଠକରେ ଆଲୋଚନା ହେଉଛି ।