ଗୁଜୁରାଟରେ ATM ବ୍ୟବହାର କରି ତିନି ଜଣ ଯବାନ କରୋନା ସଂକ୍ରମିତ

ନୂଆଦିଲୀ: ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । କରୋନା ଧିରେ ଧିରେ ସାରା ବିଶ୍ୱରେ ବ୍ୟାପିବାରେ ଲାଗିଛି । ଏବଂ ଏହା ବ୍ୟାପିବାର ବିଭିନ୍ନ ମାଧ୍ୟମ ମଧ୍ୟ ରହିଛି । ଏବେ ଗୁଜୁରାଟ ଏମିତି ଏକ ଘଟଣା ସାମ୍ନାକୁ ଆସିଛି ଯାହାକୁ ଜାଣିଲେ ଆପଣ ଆଶ୍ଟର୍ଯ୍ୟ ହେବେ ନିଶ୍ଚୟ ।  ATM ବ୍ୟବହାର କରି ୩ଜଣ ସଂକ୍ରମଣ ହୋଇଛିନ୍ତି ।

 ଗୁଜୁରାଟରେ ATM ବ୍ୟବହାର କରି ୩ଜଣ ଯବାନ ସଂକ୍ରମିତ ହୋଇଛନ୍ତି । ତେଣୁ ATMରୁ ଟଙ୍କା ବାହର କରୁଥିବା ସମୟରେ କିଛି ସାବଧାନତାକୁ ଅବଲମ୍ବନ କରିବା ଆବଶ୍ୟକ ରହିଛି ।

ଆସନ୍ତୁ ଜାଣିବା କେମିତି ATM ସଂକ୍ରମଣରୁ ବଞ୍ଚିବା 

ଯେତେବେଳେ ବି ଆପଣ ଘରୁ ବାହାରକୁ ଯାଉଛନ୍ତି ସେତେବେଳେ ଆପଣ ପାଖରେ ସାନିଟାଇଜର ରଖନ୍ତୁ । ଯଦି ଆପଣ କୌଣସି ସ୍ଥାନକୁ ସ୍ପର୍ଶ କରିଛନ୍ତି, ତୁରନ୍ତ ସାନିଟାଇଜରରେ ହାତ ସଫା କରନ୍ତୁ । ଯଦି କେହି ଏଟିଏମ୍ ରୁମରେ ଉପସ୍ଥିତ ଅଛନ୍ତି, ତେବେ ଭିତରକୁ ଯାଆନ୍ତୁ ନାହିଁ । ଯେ ପର୍ଯ୍ୟନ୍ତ ସେହି ବ୍ୟକ୍ତି ଟଙ୍କା ନେଇ ବାହାରକୁ ନଆସୁଛନ୍ତି, ତୁମେ ସେଠାରେ ହିଁ ଅପେକ୍ଷା କର ।

ଘରୁ ବାହାରିବା ସମୟରେ ନିଜ ସହିତ ଓଦା ଟିସୁ ନେଇ ଘରୁ ବାହାରକୁ ଯାଆନ୍ତୁ । ଏଟିଏମ୍ ଲାଇନରେ ଠିଆ ହେବାବେଳେ ମୁହଁ, ନାକ ଏବଂ ପାଟି ଛୁଇଁବା ଠାରୁ ଦୂରେଇ ରହିବା ନିହାତି ଆବଶ୍ୟକ । ଏହା ସହ ଲାଇନରେ ଥିବା ଲୋକଙ୍କଠାରୁ ଏକ ମିଟର ଦୂରତା ରଖନ୍ତୁ । କାହିଁକି ନା ଆପଣ ଜାଣି ନାହାନ୍ତି କିଏ କରୋନା ସଂକ୍ରମିତ ।

ଏଟିଏମ୍ ଚାମ୍ବରରେ କୌଣସି ଜିନିଷ ଛୁଇଁବା ଠାରୁ ଦୂରେଇ ରୁହନ୍ତୁ । ଯଦି ଆପଣ ଅଜାଣତରେ କୌଣସି ସ୍ଥାନକୁ ସ୍ପର୍ଶ କରିଛନ୍ତି, ତେବେ ତୁରନ୍ତ ହାତକୁ ସାନିଟାଇଜରରେ ସଫା କରିଦିଅନ୍ତୁ । ଯଦି ଆପଣଙ୍କଯାରେ ଥଣ୍ଡା ଏବଂ କାଶ ଅଛି, ତେବେ ଆଦୌ ବାହାରକୁ ଯାଆନ୍ତୁ ନାହିଁ । ଯଦି ଆପଣ ଏଟିଏମରେ ଠିଆ ହେବା ସମୟରେ ହଠାତ୍ ଛିଙ୍କନ୍ତି, ତେବେ ବାହୁ କିମ୍ବା ଟିସୁରେ ପାଟି ଘୋଡାନ୍ତୁ ।

ବ୍ୟବହୃତ ଟିସୁ ଏବଂ ମାସ୍କକୁ ଏଟିଏମର ଡଷ୍ଟବିନରେ ପକାନ୍ତୁ ନାହିଁ । ଏହା ଅନ୍ୟମାନଙ୍କୁ ସଂକ୍ରମଣ କରିପାରେ । ତେଣୁ ଏଭଳି ବିକଟ ପରିସ୍ଥିତିରେ ସଂପୂର୍ଣ୍ଣ ଡିଜିଟାଲ୍ ହେବା ହିଁ ବୁଦ୍ଧିମାନର କାମ ।