କରୋନା ସଂକ୍ରମିତଙ୍କ ସଂପର୍କରେ ଆସିଥିବା ଯାଜପୁର ମୁଖ୍ୟ ଡାକ୍ତରଖାନାର ୨୨ ଷ୍ଟାଫ୍ ଏବେ କ୍ୱାରେଣ୍ଟାଇନରେ

ଯାଜପୁର: କ୍ୱାରେଣ୍ଟାଇନ୍‌ରେ ଯାଜପୁର ମୁଖ୍ୟ ଚିକିତ୍ସାଳୟର ୩ ଡାକ୍ତର । ୧୯ ଷ୍ଟାଫ୍‌ ନର୍ସ ଓ ପାରା ମେଡିକାଲ ଷ୍ଟାଫ ମଧ୍ୟ କ୍ୱାରେଣ୍ଟାଇନ୍‌କୁ ଯାଇଛନ୍ତି। ସେମାନେ ଗତକାଲି ଚିହ୍ନଟ ୫ ସଂକ୍ରମିତଙ୍କ ସଂସ୍ପର୍ଶରେ ଆସି ଚିକିତ୍ସା କରିଥିଲେ। ସେମାନଙ୍କୁ ଆଜି କୋଭିଡ୍‌ ହସପିଟାଲରେ ଭର୍ତ୍ତି କରାଯିବା ସହିତ ପରିବାରକୁ ହୋମ୍‌ କ୍ୱାରେଣ୍ଟାଇନ୍‌ରେ ରଖିବାକୁ ନିର୍ଦ୍ଦେଶ ଦିଆଯାଇଛି। କିଛି ପାରା ମେଡିକାଲ କର୍ମଚାରୀ ମଧ୍ୟ ସଂସ୍ପର୍ଶରେ ଆସିଥିବା ଜଣାପଡିଛି। ଏମାନେ ସମସ୍ତଙ୍କର ସ୍ୱାବ ପରୀକ୍ଷା କରାଯିବ ବୋଲି ଯାଜପୁର ଜିଲ୍ଲାପାଳ କହିଛନ୍ତି।

ଯାଜପୁର ଜିଲ୍ଲାରେ ଚିହ୍ନଟ ୫ ଆକ୍ରାନ୍ତଙ୍କ ମଧ୍ୟରୁ ୩ ଜଣ ଯାଜପୁର ବ୍ଲକର ହୋଇଥିବା ବେଳେ ଜଣେ କୋରେଇ ଓ ଅନ୍ୟ ଜଣେ ଦଶରଥପୁର ବ୍ଲକର । ସମସ୍ତେ କୋଲକାତାରେ ଶ୍ରମିକ ଭାବେ କାମ କରୁଥିଲେ । ସେମାନେ ହାୱଡ଼ା ଓ ବାରାବଜାର ଅଞ୍ଚଳରେ ରହୁଥିଲେ  ।

10 persons of Bhadrak and Jajpur districts with travel history to West Bengal have tested positive for COVID-19 during last 24 hours. All with travel history to WB during last 28 days are requested to inform the local Sarpanch, BDO/Tahasildar and quarantine themselves at home.

— H & FW Dept Odisha (@HFWOdisha) April 20, 2020