ବଜ୍ରପାତ ନେଲା ୨ ଭାଇଙ୍କ ଜୀବନ

ଜଳେଶ୍ୱର: କାଳବୈଶାଖୀ ବର୍ଷା, ଘଡ଼ଘଡ଼ି ଓ ବଜ୍ରପାତ ନେଇଛି ୨ ଜୀବନ । ଚିଙ୍ଗୁଡ଼ି ଘେରି କାମ ସାରି ଫେରିବା ବେଳେ ବଜ୍ରାଘାତରେ ଟଳି ପଡ଼ିଛନ୍ତି ୨ ଭାଇ । ଏ ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ସିଂଲା ଥାନା ଆଳୁମେଦା ଗାଁରେ ।

ସନ୍ଧ୍ୟାରେ ହଠାତ୍ ଘଡ଼ିଘଡ଼ି ସହ ବର୍ଷା ଓ ପବନ ହୋଇଥିଲା । ୨ ଭାଇ ଚିଙ୍ଗୁଡ଼ି ଘେରି କାମ ସାରି ଘରମୁହାଁ ହୋଇଥିଲେ । ଅଧାବାଟରେ ଆକାଶରୁ ଖସିଥିଲା ମୃତ୍ୟୁ । ସେହିଠାରେ ହିଁ ଟଳି ପଡ଼ିଥିଲେ ୨ ଭାଇ । ମୃତ ୨ ଭାଇ ଆଳୁମେଦା ଗାଁର ଜଗନ୍ନାଥ ପ୍ରଧାନ ଓ କାଳୀଚରଣ ପ୍ରଧାନ ।