ଆମେରିକା ବୈଜ୍ଞାନିକ ଖୋଜିଲେ ଏମିିତି ଏକ ସ୍ଥାନ, ଯେଉଁଠି ଟିକା ଦେଲେ ମରିଯିବ ଭାଇରସ୍

ଆମେରିକା: ଆମେରିକୀୟ ବୈଜ୍ଞାନିକ କରୋନା ଭାଇରସ ପାଇଁ ଏମିତି ଏକ ସ୍ଥାନକୁ ଖୋଜିଛନ୍ତି, ଯେଉଁଠାରେ ଆଣ୍ଟିଭାଇରସ୍ ଟିକା ଦେଲେ ପ୍ରଭାବିତ କରିବ । ଏବଂ ଏହା କରୋନା ରୋଗୀଙ୍କ ଚିକିତ୍ସା କ୍ଷେତ୍ରରେ ଏକ ବଡ଼ ସଫଳତା ହେବ । ଏହା ସାହାଯ୍ୟରେ ଶରୀର ଯେଉଁ ସ୍ଥାନରେ ଭାଇରସଟି ଲାଗି ରହିଥିବ ସେହି ସ୍ଥାନରେ ହିଁ ଟିକା ତାର ପ୍ରଭାବ ପକାଇବ ।

ଏହି ଆବିଷ୍କାର ଆମେରିକାର କର୍ଣ୍ଣେଲ ବିଶ୍ୱବିଦ୍ୟାଳୟର ବୈଜ୍ଞାନିକମାନେ କରିଛନ୍ତି । ବିଶ୍ୱବିଦ୍ୟାଳୟର ବୈଜ୍ଞାନିକମାନେ ପ୍ରଥମେ କରୋନା ଭାଇରସ୍ କୋଭିଡ-୧୯ର ଗଠନ ଏବଂ ପ୍ରକୃତି ସହିତ SARS ଏବଂ MERS (MERS)ର ଗଠନ ଏବଂ ପ୍ରକୃତି ସହିତ ମିଶାଇଥିଲେ । ପ୍ରଥମେ ବୈଜ୍ଞାନିକମାନେ କରୋନା ଭାଇରସର ବାହ୍ୟ କଣ୍ଟାଯୁକ୍ତ ସ୍ତର ଅର୍ଥାତ୍ ସ୍ପାଇକ୍ ପ୍ରୋଟିନ୍ ଉପରେ ଫୋକସ୍ କରିଥିଲେ । ଯାହା ଆପଣଙ୍କ ଶରୀରର କୋଷଗୁଡ଼ିକ ଉପରେ ଲାଗିଯାଇଥାଏ । ଏବଂ ଏହା ପରେ କୋଷକୁ ସଂକ୍ରମିତ କରି ଅଧିକ ଭାଇରସ୍ ସୃଷ୍ଟି କରେ ।

ବୈଜ୍ଞାନିକମାନେ ଏହା ଜାଣି ଆଶ୍ଚର୍ଯ୍ୟ ହୋଇଗଲେ ଯେ, କରୋନା ଭୂତାଣୁ କୋଭିଡ, ଅର୍ଥାତ୍ SARS-COV2, SARS ମହାମାରୀର ୨୦୦୨ରେ ବ୍ୟାପିଥିବା ଭୂତାଣୁ ସହ ୯୩ ପ୍ରତିଶତ ମେଳ ଖାଉଛି । କୋଭିଡ-୧୯ର ଜିନୋମ କ୍ରମ SARS ଭାଇରସର ଜିନୋମ କ୍ରମ ସହିତ ପ୍ରାୟତଃ ସମାନ ରହୁଛି ।

ବିଶ୍ୱବିଦ୍ୟାଳୟର ସୁଜାନେ ଡାନିଏଲ୍ ଲାବ୍ରୋଟୋରୀରେ କରୋନା ଭାଇରସର ବାହ୍ୟ ସ୍ତର ଅର୍ଥାତ୍ କଣ୍ଟାଯୁକ୍ତ ପ୍ରୋଟିନ୍ ଉପରେ ପରୀକ୍ଷଣ ଚାଲାଇଛନ୍ତି । ଏଠାରେ ଗ୍ୟାରି ହ୍ୱିଟକରଙ୍କ ଟିମ୍, ଇନ୍‌ଫ୍ଲୁଏଞ୍ଜା ଭାଇରସ ଏବଂ କରୋନା ଭାଇରସ, ଶରୀରର କୋଷ ମଧ୍ୟରେ କିପରି ପ୍ରବେଶ କରୁଛି ତାହା ଉପରେ ନଜର ରଖିଛନ୍ତି ।

ଭାଇରସଟି ଆପଣଙ୍କ ଶରୀରରେ ଉପସ୍ଥିତ କୋଷଗୁଡ଼ିକରେ ଲାଗିବା ଏକ ବହୁତ ଲମ୍ବା ପ୍ରକ୍ରିୟା । ଏଥିରେ ଭାଇରସ୍ ପ୍ରଥମେ ଦେଖେ ଯେ ସଠିକ୍ କୋଷକୁ ଚିହ୍ନଟ କରିଛି କି ନାହିଁ । ଏଥିପାଇଁ, କୋଷର ଚାରିପାଖରେ ଥିବା ରାସାୟନିକ ପଦାର୍ଥ ଭାଇରସଙ୍କୁ ଜଣାଏ ଯେ ଏହି ଚିହ୍ନଟ କରାଯାଇଥିବା କୋଷଟି ସଠିକ୍ କି ନାହିଁ ।

ଚିହ୍ନଟ କରାଯାଇଥିବା କୋଷଟି ସଠିକ୍ କି ନୁହେଁ, ଏହା ପ୍ରଥମେ କରୋନା ଭାଇରସର ବାହର ଆସ୍ତରଣକୁ ଜଣାପଡିଥାଏ । ତାପରେ ଏହି କଣ୍ଟାଯୁକ୍ତ ସ୍ତର କୋଷ ଉପରେ ଲାଗିଯାଏ ।

ତା’ପରେ କଣ୍ଟାଯୁକ୍ତ ସ୍ତର, ଯାହାକୁ ଫ୍ୟୁଜନ୍ ପେପ୍ଟାଇଡ୍ କୁହାଯାଏ, ସେ କୋଷଗୁଡ଼ିକୁ ଭାଙ୍ଗିବା ଆରମ୍ଭ କରେ, ଏଥିପାଇଁ ଏହା ପ୍ରଥମେ ଆପଣଙ୍କ ଶରୀରର ଚିହ୍ନଟ କରାଯାଇଥିବା କୋଷର ବାହ୍ୟ ସ୍ତରକୁ କଣା କରିବା ଆରମ୍ଭ କରେ । ଏହା ପରେ, ଭାଇରସ୍ ନିଜର ଜିନୋମ କ୍ରମକୁ କୋଷ ମଧ୍ୟକୁ ପଠାଇ ନୂତନ ଭାଇରସ ଉତ୍ପନ୍ନ କରିଥାଏ ।

ଗ୍ୟାରି ହ୍ୱିଟକରଙ୍କ ଟିମ୍ ଜାଣିବାକୁ ପାଇଲେ ଯେ, କ୍ୟାଲସିୟମ ଆୟନ ଭାଇରସର କଣ୍ଟାଯୁକ୍ତ ସ୍ତର ସହିତ ଯୋଗାଯୋଗ କରିବାରେ ସାହାଯ୍ୟ କରିଥାଏ । ଏହାସହ କ୍ୟାଲସିୟମ୍ ଆୟନ କଣ୍ଟାଯୁକ୍ତ ସ୍ତରର ଗଠନକୁ ମଧ୍ୟ ପରିବର୍ତ୍ତନ କରିଥାଏ । ଏହି ଜିନିଷ MARS ଏବଂ SARSର ସଂକ୍ରମଣ ଦେଖିବାକୁ ମିଳିଥିଲା । ତେବେ ଗ୍ୟାରି ହ୍ୱିଟକରଙ୍କ ଟିମ୍ କରୋନା ଭାଇରସ କୋଭିଡ-୧୯ର କଣ୍ଟାଯୁକ୍ତ ସ୍ତର ବିଷୟରେ ଆହୁରି ନିରୀକ୍ଷଣ କରୁଛି ।

ଆଶା କରାଯାଉଛି ଯେ, ଏହି ଟିମ୍ ଖୁବ୍ ଶୀଘ୍ର କରୋନା ଭାଇରସ ବାହ୍ୟ କଣ୍ଟାଯୁକ୍ତ ସ୍ତରର ରାସାୟନିକ ପ୍ରକ୍ରିୟାକୁ ନେଇ ସକରାତ୍ମକ ସୂଚନା ଦେବ । ଯଦି ବୈଜ୍ଞାନିକମାନେ ଏହି ରାସାୟନିକ ପ୍ରକ୍ରିୟା ବନ୍ଦ କରନ୍ତି, ତେବେ ଭାଇରସର କୋଷଗୁଡିକ ସହିତ ଯୋଗାଯୋଗ କରିବାରେ ଅସମର୍ଥ ହେବ ଏବଂ କିଛିଦିନ ପରେ ଟିକା ପ୍ରଭାବରେ ମରିଯିବ ।