ନନ୍ଦିଘୋଷ ବ୍ୟୁରୋ: ଦିଲ୍ଲୀରେ ପୁଣି ଅଘଟଣ। ଭୁଶୁଡ଼ିଲା କୋଠାର ଛାତ। ଦିଲ୍ଲୀର କସ୍ତୁରବା ନଗରେ ଭୁଶୁଡ଼ିଲା ଛାତ। ଘଟଣାରେ ଜଣେ ୩ ବର୍ଷର ଶିଶୁ ସମେତ ୨ ଜଣ ପ୍ରାଣ ହରାଇଛନ୍ତି। ଏହି ଘଟଣାର ୬ ଜଣ ପୋତି ହୋଇ ରହିଥିବା ସୂଚନା ମିଳିଛି। ଉଦ୍ଧାର ପ୍ରକ୍ରିୟାରେ ସାମିଲ ହୋଇଛନ୍ତି ବିଭିନ୍ନ ବାହିନୀ। ପ୍ରାଣ ହରାଇଥିବା ଯୁବକ ହେଉଛନ୍ତି ୩୫ ବର୍ଷ ବୟସ୍କ ପିଣ୍ଟୁ। ସମସ୍ତ ୮ ଜଣ ସେହି ଘରେ ଭଡ଼ା ରହୁଥିବା ସୂଚନା ମିଳିଛି। ଶାହାଦରା ଜିଲ୍ଲାର ବିବେକପୁରୀ ପୋଲିସ ଥାନା ଅନ୍ତର୍ଗତ ଜ୍ବାଳା ନଗରରେ ଘଟିଛି ଘଟଣା। ଅଗ୍ନିଶମ ବାହିନୀ ଓ ପୋଲିସ ପକ୍ଷରୁ ରେସ୍କ୍ୟୁ ଅପରେସନ ଜାରିରହିଛି। ଏହି କୋଠାଟି ପ୍ରାୟ ୫୦ ବର୍ଷ ପୁରାତନ ବୋଲି କହିଛନ୍ତି ଉତ୍ତର ଏମସିଜି ଅଧ୍ୟକ୍ଷ ପଙ୍କଜ ଲୁଥ୍ରା । ୨ ଦିନ ତଳେ ଦିଲ୍ଲୀର ପାହାଡଗଞ୍ଜ ଇଲାକାରେ ଏକ ହୋଟେଲ ନିର୍ମାଣ ବେଳେ ଏକ କୋଠା ଆଂଶିକ ଧସିଯାଇଥିଲା। ଏଥିରେ ୮ ଜଣ ଲୋକ ଆହତ ହୋଇଥିଲେ।

