ନନ୍ଦିଘୋଷ ବ୍ୟୁରୋ:ଏବିଭିପି ରାଜ୍ୟସ୍ତରୀୟ ଛାତ୍ରନେତା ସମ୍ମିଳନୀରେ ବି ମୁଖ୍ୟମନ୍ତ୍ରୀ ମୋହନ ମାଝୀଙ୍କ ବୟାନ ପ୍ରସଙ୍ଗ । ଉଚ୍ଚଶିକ୍ଷା ବିଭାଗ ଓ ମୁଖ୍ୟମନ୍ତ୍ରୀ କାର୍ଯ୍ୟାଳୟ ଏବିଭିପି ଦ୍ୱାରା ଚାଲେ ବୋଲି ମୁଖ୍ୟମନ୍ତ୍ରୀ ସ୍ପଷ୍ଟ କରି ଦେଲେ ବୋଲି କହିଛି କଂଗ୍ରେସ । ଏବିଭିପି କହୁଛି, ସେମାନେ ବିଜେପିର ନୁହନ୍ତି । ଅନ୍ୟପଟେ ମୁଖ୍ୟମନ୍ତ୍ରୀ କହୁଛନ୍ତି ଯେ, ଏବିଭିପି କଥାରେ ଛାତ୍ର ସଂସଦ ନିର୍ବାଚନ ହେଲା । ଯେଉଁଠି ଏବିଭିପିକୁ ସୁହାଇଲା, ସେଠି ନିର୍ବାଚନ ହେଲା । ବାକି ୨୦୯ କଲେଜ ଓ ୩ ବିଶ୍ୱବିଦ୍ୟାଳୟରେ ନିର୍ବାଚନ ବନ୍ଦ ରହିଲା । ଆସନ୍ତା ବର୍ଷ ଯଦି ଏବିଭିପି ଭଲ କରିବ ନାହିଁ, ତାହେଲେ ମୁଖ୍ୟମନ୍ତ୍ରୀ ନିର୍ବାଚନ ବନ୍ଦ କରି ପାରିବେ ନାହିଁ । ଏହା କଣ ମୁଖ୍ୟମନ୍ତ୍ରୀ ଓ ଏବିଭିପିର ସଫଳତାର ଚାବିକାଠି ? ଛାତ୍ର ସମାଜ ଏହାକୁ କେତେ ଦୂର ଗ୍ରହଣ କରିବ ? ଲୋକଙ୍କ ମୁଖ୍ୟମନ୍ତ୍ରୀ ନା ବିଜେପି ଓ ଏବିଭିପିର ମୁଖ୍ୟମନ୍ତ୍ରୀ ? ଏହାର ଜବାବ ଦିଆଯିବ ବୋଲି କହିଛି ଛାତ୍ର କଂଗ୍ରେସ । ସେପଟେ ଏହାକୁ ନେଇ ପ୍ରତିକ୍ରିୟା ରଖିଛି ଏବିଭିପି । ଏମିତି ପ୍ରସଙ୍ଗକୁ ନେଇ ରାଜନୀତି କରିବା କଥା ନୁହେଁ । ବିଜେପି ସରକାର ବିଭିନ୍ନ କଲେଜ ଆଗରେ ନିର୍ବାଚନ ଦାବିରେ ଆନ୍ଦୋଳନ କରିଥିଲା । କଂଗ୍ରେସ ତ ଜିତି ପାରିଲା ନାହିଁ । ଆଜି ଗଣତନ୍ତ୍ରିକ ଅଧିକାର ପାଇଛନ୍ତି ଛାତ୍ରଛାତ୍ରୀ । ଜେନ ଜି ବୁଝି ଯାଇଛନ୍ତି, କେବଳ ମିଡ଼ିଆରେ ରହିବାକୁ ବିରୋଧୀ ଏପରି କରୁଛନ୍ତି ବୋଲି କହିଛନ୍ତି ଏବିଭିବି ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ।
