ନନ୍ଦିଘୋଷ ବ୍ୟୁରୋ:ସ୍ପେନରେ ମହଙ୍ଗା ଘର, ବର୍ଦ୍ଧିତ ଭଡା ଏବଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ଦରଦାମ୍ ବୃଦ୍ଧି ବିରୋଧରେ ପ୍ରତିବାଦ ହିଂସାତ୍ମକ ରୂପ ନେଇଛି । ୪୦ ଲକ୍ଷ ସରକାରୀ କର୍ମଚାରୀ ସରକାରଙ୍କ ନୀତି ବିରୋଧରେ ରାସ୍ତାକୁ ଓହ୍ଲାଇଛନ୍ତି । ବାର୍ସିଲୋନାରେ ପ୍ରତିବାଦକାରୀମାନେ ରାସ୍ତାରେ ନିଆଁ ଲଗାଇ ଅବରୋଧ କରିବା ସହ ବହୁ ଦୋକାନରେ ଭଙ୍ଗାରୁଜା କରିଛନ୍ତି । ଭିଡ଼କୁ ନିୟନ୍ତ୍ରଣ କରିବା ପାଇଁ ପୋଲିସ ପକ୍ଷରୁ ବଳ ପ୍ରୟୋଗ କରାଯାଇଛି । ୧୪ ବର୍ଷ ମଧ୍ୟରେ ଦେଶର ପ୍ରଥମ ଦେଶବ୍ୟାପୀ ଧର୍ମଘଟ ସମୟରେ ଏହି ପ୍ରତିବାଦ ଘଟିଛି। ସ୍ପେନର ଦୁଇଟି ବୃହତ୍ତମ ଶ୍ରମିକ ସଂଗଠନ ୟୁଜିଟି ଏବଂ ସିସିଓଓ ଧର୍ମଘଟକୁ ସମର୍ଥନ କରିଛନ୍ତି। ୟୁନିଅନଗୁଡ଼ିକ ଅନୁଯାୟୀ, ୪୦ ଲକ୍ଷରୁ ଅଧିକ କର୍ମଚାରୀ କାମ ବନ୍ଦ କରିଛନ୍ତି। ମାଦ୍ରିଦ ଏବଂ ବାର୍ସିଲୋନା ସମେତ ଅନେକ ସହରରେ ବହୁ ସଂଖ୍ୟକ ଲୋକ ରାସ୍ତାକୁ ଓହ୍ଲାଇଛନ୍ତି । ଦେଶରେ ପ୍ରାୟ ସାଢ଼େ ୭ ଲକ୍ଷ ଘରର ଅଭାବ ରହିଛି । ଆକଳନ କରାଯାଉଛି ୨୦୨୮ ସୁଦ୍ଧା ଏହି ଅଭାବ ୧୦ ଲକ୍ଷରୁ ଅତିକ୍ରମ କରିପାରେ । ସ୍ପେନରେ ଘର ପାଇଁ ହାରାହାରି ମାସିକ ଭଡା ୧,୧୭୬ ୟୁରୋ ରହିଛି ଯାହାର ମୂଲ୍ୟ ଭାରତୀୟ ମୁଦ୍ରାରେ ଲକ୍ଷେ ୨୦ ହଜାରରୁ ଅଧିକ ହେବ । ଏହା ଯୁବପିଢ଼ିଙ୍କ ହାରାହାରି ମାସିକ ଆୟର ପ୍ରାୟ ୯୮.୭ ପ୍ରତିଶତ ରହିଛି ।…
