ନନ୍ଦିଘୋଷ ବ୍ୟୁରୋ: ହବିଷ୍ୟାଳିଙ୍କ ମଧ୍ୟରୁ ଅନେକଙ୍କୁ ମିଳିନି ଭତ୍ତା । ମୁଖ୍ୟମନ୍ତ୍ରୀ ପୁରୀ ବୃନ୍ଦାବତୀ ନିବାସ ଠାରେ ବ୍ରତକେନ୍ଦ୍ର ବୁଲି ସମୀକ୍ଷା କରିବାବେଳେ ଏନେଇ ଅଭିଯୋଗ କରିଛନ୍ତି ହବିଷ୍ୟାଳି । ତେବେ ମୁଖ୍ୟମନ୍ତ୍ରୀଙ୍କୁ ଭେଟି ଅଭିଯୋଗ କରିବାକୁ ଇଚ୍ଛା ପ୍ରକଟ କରିଥିଲେ ସୁଦ୍ଧା ତାଙ୍କୁ ଭେଟିବାର ସୁଯୋଗ ଦିଆଯାଇ ନାହିଁ । ପୋଲିସ ବାରଣ କରି ସଭାସ୍ଥଳରୁ ହଟାଇ ନେଇଥିବାରୁ ସେମାନେ କ୍ଷୋଭ ପ୍ରକାଶ କରିଛନ୍ତି । ଏପରିକି ହବିଷ୍ୟାଳି ଯୋଜନାରେ ଚଳିତବର୍ଷ କୋଟି କୋଟି ଟଙ୍କା ଖର୍ଚ୍ଚ ହେଉଥିବା ସତ୍ତ୍ବେ ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇଛନ୍ତି ବ୍ରତଧାରୀ । ଚଳିତ ବର୍ଷ ନରେନ୍ଦ୍ର ପୁଷ୍କରିଣୀକୁ ବ୍ରତଧାରୀଙ୍କୁ ଛଡା ଯାଉ ନଥିବା ଅଭିଯୋଗ ହୋଇଛି । ଗତକାଲି ପୁରୀ ବୃନ୍ଦାବତୀ ନିବାସ ଠାରେ ବ୍ରତକେନ୍ଦ୍ର ବୁଲି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ହବିଷ୍ୟାଳିଙ୍କୁ ଭେଟିବା ସହ ସେମାନଙ୍କ ଆଶୀର୍ବାଦ ଗ୍ରହଣ କରିଛନ୍ତି ।
