କଟକ: ବଦଳିଲା ସରକାର । ଧୀମେଇ ଗଲା କାଠଯୋଡ଼ି ରିଙ୍ଗରୋଡ ସେତୁ କାମ । ଧର୍ମକୁ ଆଖିଠାର ଭଳି ଚାଲିଛି କାମ । କଟକ ସହରର ଟ୍ରାଫିକ ସମସ୍ୟା ତଥା ସହରକୁ ସୁନ୍ଦର କରିବା ପାଇଁ ପୂର୍ବ ସରକାର ଖାନନଗର-ମଲାଚଣ୍ଡିଆ ଛକରୁ ପ୍ରେସ ଛକ ଜାତୀୟ ରାଜପଥ ଯାଏ ନୂତନ କାଠଯୋଡି ରିଙ୍ଗରୋଡ ସେତୁ ପ୍ରକଳ୍ପ ଆରମ୍ଭ କରିଥିଲେ । ୨୨୦ କୋଟି ଟଙ୍କା ଅନୁଦାନରେ କାମ ଜୋରସୋରରେ ଚାଲିଥିଲା । କାମ ଅଧାରୁ ଅଧିକ ସରିବା ପରେ ପୁରା ରାସ୍ତାକୁ ଛଅ ଥାକିଆ କରିବାକୁ କାମ ଆରମ୍ଭ ହୋଇଥିଲା । ସରକାର ପରିବର୍ତ୍ତନ ପରେ କାମ ଏକପ୍ରକାର ଠପ ହୋଇଯାଇଛି । ରେଳ ବ୍ରିଜ ପ୍ରତିବନ୍ଧକ ସାଜୁଛି ବୋଲି କହୁଛନ୍ତି ସରକାର ।
ନେତାଜୀ ବସ ଟର୍ମିନାଲରୁ ବସ ବାହାରି ଏହି ରାସ୍ତାରେ ଜାତୀୟ ରାଜପଥକୁ ଯାଇଥାନ୍ତା । ହେଲେ ଏବେ କାମ ଏକପ୍ରକାର ଠପ ହୋଇଯାଇଛି । ମେୟର କାମ ବିଳମ୍ବ ହେଉଥିବା କଥା ସ୍ବୀକାର କରିବା ସହ ସରକାରଙ୍କ ସହ ଆଲୋଚନା ହୋଇଛି ବୋଲି କହିଛନ୍ତି । କାମ ତ୍ବରିତ ହେବ ବୋଲି ସେ ଆଶ୍ଵସନା ଦେଇଛନ୍ତି ।
