ପୁନର୍ଗଠିତ ହୋଇଛି ବିଜେଡି ମିଡିଆ ସେଲ୍ । ଏହାକୁ ପୁନର୍ଗଠନ କରିଛନ୍ତି ଦଳ ସୁପ୍ରିମୋ ନବୀନ ପଟ୍ଟନାୟକ । ଦଳର ବୈଦ୍ୟୁତିକ ଗଣମାଧ୍ୟମ ମୁଖ୍ୟ ସଂଯୋଜକ ଭାବେ ବିଧାୟକ ଅରୁଣ ସାହୁଙ୍କୁ ଦାୟିତ୍ବ ପ୍ରଦାନ କରାଯାଇଛି । ବରିଷ୍ଠ ସଂଯୋଜକ ଭାବେ ଦେବେଶ ଆଚାର୍ଯ୍ୟ ଏବଂ ଲେନିନ ମହାନ୍ତି ସଂଯୋଜକ ଭାବେ ଦାୟିତ୍ୱ ତୁଲାଇବେ । ସେହିପରି ସଂଜୟ ଦାସବର୍ମାଙ୍କୁ ମୁଦ୍ରିତ ଗଣମାଧ୍ୟମ ମୁଖ୍ୟ ସଂଯୋଜକ ଦାୟିତ୍ବ ଦିଆଯାଇଛି । ବିଧାୟକ ଗୌତମବୁଦ୍ଧ ଦାସଙ୍କୁ ବରିଷ୍ଠ ସଂଯୋଜକ ଏବଂ ପ୍ରିୟବ୍ରତ ମାଝୀଙ୍କୁ ସଂଯୋଜକ ଦାୟିତ୍ୱ ପ୍ରଦାନ କରାଯାଇଛି । ବିଜେଡିର ସୋସିଆଲ ମିଡିଆ ଓ IT ସେଲ୍ ମୁଖ୍ୟ ସଂଯୋଜକ ଦାୟିତ୍ବରେ ରହିବେ ପ୍ରତାପ ଜେନା । ବରିଷ୍ଠ ସଂଯୋଜକ ଦାୟିତ୍ବରେ ରହିବେ ପ୍ରଣବ ବଳବନ୍ତରାୟ । ସ୍ୱୟଂ ପ୍ରକାଶ ମହାପାତ୍ରଙ୍କୁ ସୋସିଆଲ ମିଡିଆ ସଂଯୋଜକ ଓ ଅମରେଶ ପତ୍ରୀଙ୍କୁ IT ସଂଯୋଜକ ଦାୟିତ୍ବ ଦିଆଯାଇଛି ।
