ନନ୍ଦିଘୋଷ ବ୍ୟୁରୋ : ବ୍ରହ୍ମପୁର ଗେଟ୍ ବଜାର ଓଭର ବ୍ରିଜ ଯାଞ୍ଚ କଲା OBCC ଟିମ୍। ବ୍ରିଜ୍ କାମରେ ଅନିୟମିତତା, ନିମ୍ନମାନର ସିମେଣ୍ଟ, ବାଲି ବ୍ୟବହାର ନେଇ ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହୀ ଅଭିଯୋଗ କରିଥିଲେ। ଏହା ପରେ ରାଜ୍ୟ ସରକାରଙ୍କ ପକ୍ଷରୁ ୯ ଜଣିଆ ଟିମ୍ ର ଆଜି କରିଛନ୍ତି କ୍ୱାଲିଟି ଯାଞ୍ଚ। ଏହି ଟିମ୍ ସମସ୍ତ ପିଲର ସହ ବ୍ରିଜ୍ କାମରେ ତଦନ୍ତ କରିବେ । ପ୍ରତି ପିଲର ପରିସୀମା, ଦୈର୍ଘ୍ୟ , ପରିଧି ଓ କ୍ୱାଲିଟୀ ଯାଞ୍ଚ କରୁଛି ଟିମ୍ । ପରେ ଏହାର ରିପୋର୍ଟ ଓଡ଼ିଶା ସରକାର ଙ୍କୁ ପ୍ରଦାନ କରାଯିବ। ଗତ ଜୁଲାଇ ୨୫ ତାରିଖରେ ବ୍ରହ୍ମପୁର ସାଂସଦ ପ୍ରଦୀପ କୁମାର ପାଣିଗ୍ରାହୀ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଗେଟ୍ ବଜାର ଓଭରବ୍ରିଜକୁ ନେଇ ଚିଠି ଲେଖିଥିଲେ । ଓଭରବ୍ରିଜ କାମରେ ଲାଗୁଥିବା ସାମଗ୍ରୀ ଗୁଡ଼ିକ ନିମ୍ନମାନର ହୋଇଥିବା ନେଇ ଅଭିଯୋଗ କରି ବ୍ରହ୍ମପୁର ସାଂସଦ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖିଥିଲେ । ଓଭରବ୍ରିଜ ନିର୍ମାଣରେ ବହୁ ବିଳମ୍ବ ହେବା ସହ ପରିଚାଳନାରେ ତ୍ରୁଟି ରହୁଛି । ଓଭରବ୍ରିଜ କାମରେ ଅହେତୁକ ବିଳମ୍ବ ଦ୍ବାରା ପରିବେଶ ନଷ୍ଟ ହେଉଛି ବୋଲି ଅଭିଯୋଗ କରିଥିଲେ ସାଂସଦ।.. ସ୍ଥାନୀୟ ବ୍ୟବସାୟୀମାନଙ୍କ ବ୍ୟବସାୟ ନଷ୍ଟ ହେଉଛି ବୋଲି ଚିଠିରେ ଲେଖିଥିଲେ ସାଂସଦ ।
ସ୍ଥାନୀୟ ବ୍ୟବସାୟୀମାନଙ୍କ ବ୍ୟବସାୟ ନଷ୍ଟ ହେଉଛି ବୋଲି ଚିଠିରେ ଲେଖିଥିଲେ ସାଂସଦ । ଗେଟ୍ ବଜାର ଓଭରବ୍ରିଜ ନିର୍ମାଣରେ ନିମ୍ନମାନର କାମ ଯୋଗୁଁ ବୋମିଖାଲ ଓଭରବ୍ରିଜ ଭଳି ସ୍ଥିତି ଉପୁଜିବାର ସମ୍ଭାବନାକୁ ନେଇ ସହରବାସୀ ଭୟଭୀତ ଥିବା ନେଇ ଦର୍ଶାଇଥିଲେ । ଖୁବଶୀଘ୍ର ନିର୍ମାଣ ବିଭାଗ ପକ୍ଷରୁ ଟେକ୍ନିକାଲ ଅଡିଟ୍ କରାଯାଉ ଓ ନିମ୍ନମାନର ସାମଗ୍ରୀ ଓଭରବ୍ରିଜ ନିର୍ମାଣରେ ବ୍ୟବହୃତରୁ ରୋକାଯାଉ ବୋଲି ଦାବି କରିଥିଲେ ସାଂସଦ ପ୍ରଦୀପ।
