କୋଭିଡ୍-୧୯ ପୋର୍ଟାଲରେ ଭଉଣୀଙ୍କ ନାମ ପଞ୍ଜିକରଣ ପାଇଁ ନବୀନଙ୍କୁ ପ୍ରଶଂସା କଲେ ପ୍ରଧାନମନ୍ତ୍ରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ ସୃଷ୍ଟି କଲେ ଉଦାହରଣ । ପ୍ରଶଂସା କଲେ ପ୍ରଧାନମନ୍ତ୍ରୀ । ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଧାନମନ୍ତ୍ରୀ ମୋଦି ଟ୍ୱିଟ୍ କରି ପ୍ରଶଂସା କରିଛନ୍ତି । ଏଥିସହ ଅନ୍ୟମାନେ ନବୀନ ବାବୁଙ୍କୁ ଅନୁକରଣ କରିବେ ବୋଲି ମୋଦି ଆଶା ରଖିଛନ୍ତି । ନବୀନଙ୍କ ଭଳି ପଦକ୍ଷେପ ନେଲେ ଆମେ ସମସ୍ତେ କରୋନା ଭାଇରସକୁ ମାତ୍ ଦେଇ ପାରିବା ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

Setting a great example, Chief Minister!

I hope others also emulate Naveen Babu. We all can do our bit in preventing the spread of COVID-19. @Naveen_Odisha #IndiaFightsCorona https://t.co/N3LeLfxdAC

— Narendra Modi (@narendramodi) March 18, 2020

ବିଦେଶରୁ ଓଡ଼ିଶା ଆସୁଥିବା ବ୍ୟକ୍ତିଙ୍କ ନାମ ପଞ୍ଜିକରଣ ପାଇଁ ଓଡ଼ିଶା ସରକାର https://covid19.odisha.gov.in/ ପୋର୍ଟାଲ କରିଛନ୍ତି । ଯେଉଁଥିରେ ବିଦେଶରୁ ଓଡ଼ିଶା ଆସୁଥିବା ଲୋକଙ୍କୁ ପଞ୍ଜିକରଣ କରିବାକୁ କୁହାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଉଣୀ ଗୀତା ମେହେଟ୍ଟା ଆମେରିକାରୁ ଓଡ଼ିଶା ଆସୁଛନ୍ତି । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ଭଉଣୀଙ୍କ ନାମ ପୋର୍ଟାଲରେ ପଞ୍ଜିକୃତ କରିଥିଲେ ।

କରୋନା ମୁକାବିଲା ଦିଗରେ ସରକାରଙ୍କୁ ସହଯୋଗ ଲାଗି ପୁରୀ ଗଜପତିଙ୍କ ଅପିଲ୍

ଏହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶଂସା କରିଛନ୍ତି । ଟ୍ୱିଟ୍ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲେଖିଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ଉଦାହରଣ ସୃଷ୍ଟି କରିଛନ୍ତି ।