ନନ୍ଦିଘୋଷ ବ୍ୟୁରୋ ; ଆସନ୍ତାକାଲିଠାରୁ ବନ୍ଦ ରହିବ ଇରାନର ସମସ୍ତ ଏୟାରଲାଇନ୍ସ। ଇରାନ ବିରୋଧରେ ଅର୍ଥନୈତିକ ଚାପ ସୃଷ୍ଟି ଉଦ୍ଦେଶ୍ୟରେ ବିଶ୍ବବ୍ୟାପୀ ଇରାନ ଏୟାରଲାଇନ୍ସର ସମସ୍ତ ବିମାନର ଚଳାଚଳ ଉପରେ ଆସନ୍ତାକାଲିଠାରୁ କଟକଣା ଜାରି କରିବ ଆମେରିକା। ଇରାନର ବିମାନଗୁଡିକର ଯାତାୟାତ ଲାଗି ଯଦି କୌଣସି ରାଷ୍ଟ୍ର ସହାୟତା କରିବ ତେବେ ସେହି ରାଷ୍ଟ୍ରଗୁଡିକ ବିରୋଧରେ କଟକଣା ଜାରି କରାଯିବ ବୋଲି କହିଛି ଆମେରିକା। ଆମେରିକା ଟ୍ରେଜେରୀ ସଚିବ ସ୍କଟ ବେସେଣ୍ଟ କହିଛନ୍ତି- ସାରା ବିଶ୍ବରେ ଇରାନ ଉପରେ ବିମାନ ସଂକ୍ରାନ୍ତ କଟକଣା ଜାରି କରାଯିବ। ବିଦେଶୀ ବିମାନ ବନ୍ଦର, ଇନ୍ଧନ ଯୋଗାଣକାରୀ, ଟିକେଟ କମ୍ପାନି ଓ ଅନ୍ୟାନ୍ୟ ବ୍ୟାବସାୟିକ ସହଯୋଗୀଙ୍କୁ ଏନେଇ ଚେତାବନୀ ଦିଆଯାଇଛି। ଯଦି ସେମାନେ ଇରାନ ଏୟାରଲାଇନ୍ସକୁ କୌଣସି ସହଯୋଗ କରିବେ ତେବେ ସେମାନଙ୍କ ବିରୋଧରେ କଟକଣା ଲାଗୁ ହେବ। ଇପାନପ ଶକ୍ତି, ଜାହାଜ ଚଳାଚଳ ଓ ପ୍ରଯୁକ୍ତି କ୍ଷେତ୍ର ଉପରେ ଚାପ ସୃଷ୍ଟି କରିବା ଲାଗି ଆମେରିକା ଏହି କଟକଣା ଜାରି କରିଛି। କିଛିଦିନ ଧରି ଆମେରିକାର କଟକଣାର ଶିକାର ହେବା ଯୋଗୁ ଇରାନ ଗଭୀର ଅର୍ଥନୈତିକ କ୍ଷତିର ସମ୍ମୁଖୀନ ହୋଇଛି।
