TIFFରେ ନାଗାଲ୍ୟାଣ୍ଡର ଫିଲ୍ମ ‘ଅଙ୍ଗ’କୁ ପ୍ଲାଟଫର୍ମ ଆଓ୍ବାର୍ଡ, ଓସ୍କାରରେ ଡାଇରେକ୍ଟ ଏଣ୍ଟ୍ରି
ନନ୍ଦିଘୋଷ ବ୍ୟୁରୋ: ବର୍ତ୍ତମାନ ସାରା ଦୁନିଆରେ ଭାରତୀୟ ସିନେତା ନିଜର ଛାପ ଛାଡିବାରେ ଲାଗିଛି । ଗତ କିଛି ବର୍ଷ ହେବା ଭାରତୀୟ ସିନେମାକୁ ସାରା ବିଶ୍ବରେ ପ୍ରଶଂସା ମିଳୁଛି । କମର୍ସିଆଲ ଫିଲ୍ମ ଦେଶ ବିଦେଶରେ ଧମାଧମ ରୋଜଗାର କରୁଥିବା ବେଳେ ଭାରତର ଭିନ୍ନ ଭିନ୍ନ ଫିଲ୍ମ ଗ୍ରାମୀ ଓ ଓସ୍କାର ଭଳି ପ୍ଲାଟଫର୍ମରେ ନିଜର ଉପସ୍ଥିତି ଜାହିରି କରୁଛନ୍ତି । ଏହି କ୍ରମରେ ଏବେ ଏକ ନୂଆ ଫିଲ୍ମ ଓସ୍କାରର ନୂଆ ଆଶା ଭାରତୀୟ ସିନେ ପ୍ରେମୀଙ୍କ ପାଇଁ ନେଇ ଆସିଛି । ନାଗାଲ୍ୟାଣ୍ଡର ପୃଷ୍ଠଭୂମି ଉପରେ ଆଧାରିତ ଫିଲ୍ମ ‘ଅଙ୍ଗ’ର ପ୍ରତିଷ୍ଠାତା ତେଜା ରିୟୋଙ୍କୁ ଟରୋଣ୍ଟ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲର ୫୧ତମ ସଂସ୍କରଣରେ ସମ୍ମାନିତ କରାଯାଇଛି ।
ସାରା ବିଶ୍ବରେ ଏହି ଫିଲ୍ମକୁ ଭଲ ରେସପନ୍ସ ମିଳିଛି । ଟରୋଣ୍ଟ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ଏହି ଫିଲ୍ମକୁ ପ୍ଲାଟଫର୍ମ ସମ୍ମାନରେ ସମ୍ମାନିତ କରାଯାଇଛି । ଏହାସହ ଭାରତ ତରଫରୁ ଏହା ସିଧାସଳଖ ଓସ୍କାରର ବେଷ୍ଟ ଇଣ୍ଟରନ୍ୟାସନାଲ ଫିଚର ଫିଲ୍ମ କାଟାଗୋରୀରେ ସାମିଲ ହୋଇଛି ।
ଅଙ୍ଗ ଫିଲ୍ମର ନିର୍ଦ୍ଦେଶକ ରିୟୋ ଫିଲ୍ମର ସଫଳତା ଓ ସମ୍ମାନକୁ ନେଇ କହିଛନ୍ତି, ପ୍ଲାଟଫର୍ମ ପ୍ରତିଯୋଗିତା ଜିତିବା ମୋ ପାଇଁ ଏକ ବଡ଼ ସମ୍ମାନ, ମୁଁ ଏହାକୁ ସହଜରେ ଗ୍ରହଣ କରିପାରୁନାହିଁ । ନାଗାଲ୍ୟାଣ୍ଡର ଆଦିବାସୀ ଇଲାକାରେ ହୋଇଥିବା ଏହି ଫିଲ୍ମକୁ ଟରୋଣ୍ଟ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ପୁରସ୍କାର ମିଳିବା ଏକ ବଡ଼ କଥା । ଏହା କେବଳ ମୋ ପାଇଁ ନୁହେଁ, ସେ ସମସ୍ତଙ୍କ ପାଇଁ ଯେଉଁମାନେ ଏହି ଫିଲ୍ମରେ କାମ କରିଛନ୍ତି । ବିଶ୍ବ ସ୍ତରରେ ଆମ ସମ୍ପ୍ରଦାୟକୁ ପ୍ରଶଂସା କରାଯିବା ଦେଖି ବହୁତ ଶନ୍ତି ମିଳୁଛି ।
ଏହା ପୂବର୍ରୁ ମଧ୍ୟ ଟରୋଣ୍ଟ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ଭାରତକୁ ସମ୍ମାନିତ କରାଯାଇଛି । ଅଙ୍ଗ ପୂର୍ବରୁ ୨୦୨୩ରେ ତରସେମ ସିଂ ଧନ୍ଧବରଙ୍କ ଫିଲ୍ମ ‘ଡିୟର ଜସି’କୁ ମଧ୍ୟ ଏଠାରେ ସମ୍ମାନିତ କରାଯାଇଥିଲା । ଭାରତ ପାଇଁ ବର୍ତ୍ତମାନ ୨୦୨୭ ଓସ୍କାର ପାଇଁ ଦୁଇଟି ବଡ଼ ଫିଲ୍ମର ନାଁ ଜୋଡି ହୋଇଯାଇଛି । ନିକଟରେ ଫିଲ୍ମ ‘ଗୋନ୍ଧାଲ’ ଭାରତ ତରଫରୁ ଅଫିସିଆଲ ଏଣ୍ଟ୍ରି ନେଇଥିଲା । ଏବେ ଫିଲ୍ମ ‘ଅଙ୍ଗ’ ଏକାଡେମୀକ ଆଓ୍ବାର୍ଡରେ ବେଷ୍ଟ ଫିଲ୍ମ ସମ୍ମାନ ପାଇଁ ପ୍ରତିନିଧିତ୍ବ କରିବ ।
