ନନ୍ଦିଘୋଷ ବ୍ୟୁରୋ :ରାସ୍ତା ନଥିବାରୁ ଉଛୁଳା ନଈ ପାରି ହୋଇ ଶବ ସତ୍କାର ପାଇଁ ବିପଦପୂର୍ଣ୍ଣ ଭାବେ ଯାଉଛନ୍ତି ସମ୍ପର୍କୀୟ। କୋରାପୁଟ ଜିଲ୍ଲା ନନ୍ଦପୁର ବ୍ଲକ ରାଇସିଂ ପଞ୍ଚାୟତର ଦେବଷଣ୍ଢଗୁଡା ଗାଁ ଦୃଶ୍ୟ। ଏହି ଗାଁର ପାତେ ଖରା ନାମକ ଜଣେ ବ୍ୟକ୍ତି ଙ୍କ ମୃତ୍ୟୁ ହୋଇ ଥିଲା।ଶ୍ମଶାନ ଯିବାକୁ କୌଣସି ରାସ୍ତା ନଥିବାରୁ ବାଧ୍ୟ ହୋଇ ଲୋକେ ଗାଁ ପାଖ ଦେଇ ଯାଇଥିବା ବାସୁକି ନଦୀ ପାର ହୋଇ ଶବ ସତ୍କାର କରିବାକୁ ଯିବା ପାଇଁ ପଡ଼ିଥିଲା। ନଦୀ ରେ ଉଛୁଳା ପାଣି ସହିତ ପ୍ରଖୋର ସ୍ରୋତ ଥିଲା। ଏଣୁ ନିଜ ସମ୍ପର୍କୀୟ ଓ ଗାଁ ଲୋକେ ଏକ ଦଉଡ଼ି ସାହାଯ୍ୟରେ ବିପଦପୂର୍ଣ୍ଣ ଭାବେ ନଦୀ ଭିତରେ ପଶି ଶବକୁ କାନ୍ଧେଇ ନଦୀ ପାର ହୋଇ ଶବ ସତ୍କାର କରିଥିଲେ ।ଗ୍ରାମବାସୀ ନଦୀରେ ପୋଲ ନିର୍ମାଣ କରିବା ପାଇଁ ବାରମ୍ବାର ଦାବି କରି ଆସୁଥିଲେ ମଧ୍ୟ କୌଣସି ସୁଫଳ ମିଳିନଥିବା ଜଣାପଡ଼ିଛି…।
