ନନ୍ଦିଘୋଷ ବ୍ୟୁରୋ : ପଦାରେ ପଡ଼ିଛି ସ୍କୁଲ କର୍ତ୍ତୃପକ୍ଷଙ୍କ ଗୁରୁତର ତ୍ରୁଟି । ଦୋଛକିରେ ଦଶମ ଶ୍ରେଣୀ ଛାତ୍ର । ଚିତ୍ରକୋଣ୍ଡା ଓଡିଶା ଆଦର୍ଶ ବିଦ୍ୟାଳୟରୁ ଆସିଛି ଗୁରୁତର ଅଭିଯୋଗ । ସ୍ୱାଭିମାନ ଅଞ୍ଚଳ ବଡପୋଡ଼ା ଗ୍ରାମର ସୋମନାଥ ବଡନାୟକଙ୍କ ସାନ ପୁଅ ଲିଙ୍ଗରାଜ ଏଠାରେ ଏକ୍ସ ରେଗୁଲାର ଭାବେ ଦଶମ ଶ୍ରେଣୀ ପରୀକ୍ଷା ଦେଇଥିଲେ । ସେ ପାସ୍ କରିଥିବା କହି ପ୍ରିନ୍ସପାଲ ସ୍କୁଲ ଲିଭିିଂ ସାର୍ଟିଫିକେଟ ମଧ୍ୟ ଦେଲେ । ସାର୍ଟିଫିକେଟ ନେଇ ବଡପୋଡ଼ା କଲେଜରେ ନାମ ଲେଖାଇ ଥିଲେ ଲିଙ୍ଗରାଜ ।
ହେଲେ କଲେଜରେ ଦେଢମାସ ପଢ଼ିବା ପରେ ଏବେ ପ୍ରିନ୍ସପାଲ ସେ ଫେଲ ହୋଇଥିବା କହି ସ୍କୁଲ ଲିଭିଙ୍ଗ ସାର୍ଟିଫିକେଟ ଫେରାଇବାକୁ କହୁଛନ୍ତି । ଯାହାକୁ ନେଇ ଦ୍ବନ୍ଦ୍ବରେ ଅଛନ୍ତି ଛାତ୍ର ଓ ତାଙ୍କ ପରିବାର । ଦେଢମାସ ଧରି କଲେଜରେ ପଢ଼ିବା ପରେ ଏବେ ସାର୍ଟିଫିକେଟ୍ କିପରି ଫେରାଇବେ ତାକୁ ନେଇ ସେ ପ୍ରଶ୍ନ କରିଛନ୍ତି । ସେପଟେ ଯଦି ତାଙ୍କ ପୁଅ ପାସ ହୋଇ ନଥିଲା, ତେବେ କିଭଳି ପ୍ରିନ୍ସିପାଲ ସାର୍ଟିଫିକେଟ ଦେଇଥିଲେ ବୋଲି ପ୍ରଶ୍ନ କରିବା ସହ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ପ୍ରଶାସନ ନିକଟରେ ଗୁହାରି କରିଛନ୍ତି ପରିବାର
