ନନ୍ଦିଘୋଷ ବ୍ୟୁରୋ : ଜଳେଶ୍ବରରେ ଘର, କିନ୍ତୁ ପୁରା ଓଡିଶାକୁ ସପ୍ଲାଏ । ସୁଦୂର ବାଲେଶ୍ଵରରୁ ଆସି ରାଜଧାନୀରେ ଧଳାଜହର ସିଣ୍ଡିକେଟ ଚଳାଇଥିବା ବେଳେ ମାଡିବସିଲା ସ୍ପେଶାଲ କ୍ରାଇମ ୟୁନିଟ । ଅଭିଯୁକ୍ତ ଜଣକ ହେଲା ଶେଖ ଖେଫାଜୁଦ୍ଦିନ। ତାଠାରୁ ୩ ଶହ ଗ୍ରାମ ବ୍ରାଉନସୁଗାର ଜବତ କରାଯାଇଛି । ଜବତ ନିଶାଦ୍ରବ୍ୟର ମୂଲ୍ୟ ପ୍ରାୟ ୩୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି। ମଞ୍ଚେଶ୍ୱର ଥାନା ଅନ୍ତର୍ଗତ ଭୋଟପଡାରେ ଡିଲ ବେଳେ ଅଭିଯୁକ୍ତକୁ ଧରିଛି ସ୍ପେଶାଲ କ୍ରାଇମ ୟୁନିଟ। ପୂର୍ବରୁ ମଧ୍ୟ ଅଭିଯୁକ୍ତ ନାଁରେ NDPS ମାମଲା ରହିଛି । ନିଶା ଚାଲାଣରେ ଅଭିଯୁକ୍ତକୁ ତାର ଭାଇ ଓ ସ୍ତ୍ରୀ ସାହାଯ୍ୟ କରୁଥିବା ସୂଚନା ଦେଇଛନ୍ତି ପୋଲିସ କମିଶନର । ଆଗାମୀ ଦିନରେ ଆବଶ୍ୟକସ୍ଥଳେ ଅଭିଯୁକ୍ତକୁ ରିମାଣ୍ଡରେ ଅଣାଯାଇପାରେ ବୋଲି ସୂଚନା ଦେଇଛନ୍ତି ପୋଲିସ କମିଶନର ।
