ନନ୍ଦିଘୋଷ ବ୍ୟୁରୋ : ନେପାଳରେ ପ୍ରଳୟଙ୍କରୀ ବିପତ୍ତି ଯୋଗୁ ଭାରତ-ନେପାଳ ମୈତ୍ରୀ ବସ୍ ସେବା ବାତିଲ କରାଯାଇଛି। ଗତକାଲି ବସ୍ ସେବା ବାତିଲ ରହିଥିବାବେଳେ ଆଜି ମଧ୍ୟ ଏହି ସେବା ବାତିଲ ରହିବ।
ଦିଲ୍ଲୀ-କାଠମାଣ୍ଡୁ ଜାତୀୟ ରାଜପଥ ଧ୍ୱସ୍ତବିଧ୍ୱସ୍ତ ହୋଇଯାଇଥିବାରୁ ଦିଲ୍ଲୀ ପରିବହନ ବିଭାଗ ପକ୍ଷରୁ ବସ୍ ସେବା ବାତିଲ କରାଯାଇଛି। ଏନେଇ ସୂଚନା ଦେଇଛି ଦିଲ୍ଲୀ ପରିବହନ ନିଗମ (ଡିଟିସି)। ୨୦୧୪ରେ ଦିଲ୍ଲୀ ସରକାରଙ୍କ ପକ୍ଷରୁ ଦିଲ୍ଲୀ-କାଠମାଣ୍ଡୁ ଅନ୍ତର୍ଜାତୀୟ ବସ୍ ସେବା ଆରମ୍ଭ ହୋଇଥିଲା। ଦିଲ୍ଲୀରୁ ବାହାରିବା ପରେ ବସ୍ ଉତ୍ତରପ୍ରଦେଶର ଗୋରଖପୁର ଦେଇ ନେପାଳରେ ପହଞ୍ଚିଥାଏ। ହେଲେ ପ୍ରଳୟଙ୍କରୀ ବିପତ୍ତିରେ ଏହି ରାସ୍ତା ଏତେ ନଷ୍ଟ ହୋଇଯାଇଛି ଯେ ସାଧାରଣ ଛୋଟ ଯାନ ଚଳାଚଳ ମଧ୍ୟ ସମ୍ଭବ ହେଉନାହିଁ। ବସ୍ ସେବା ବନ୍ଦ ହେବାରୁ ଶତାଧିକ ଯାତ୍ରୀ ପ୍ରଭାବିତ ହେବେ।
