ନନ୍ଦିଘୋଷ ବ୍ୟୁରୋ ; ପୁଣି ହର୍ମୁଜକୁ ନେଇ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଦାଦାଗିରି। କହିଛନ୍ତି- ହର୍ମୁଜ ହେଉଛି ଆମେରିକାର। ଯଦି ଇରାନ ଉପରେ ଆମେରିକା ଅଧିକ କାର୍ଯ୍ୟାନୁଷ୍ଠାନ ନିଏ ତେବେ ଏହାର ପରିଣାମ ଭୟଙ୍କର ହେବ ବୋଲି ତେହରାନ କହିବା ପରେ ଏହା କହିଛନ୍ତି ଟ୍ରମ୍ପ। ହର୍ମୁଜକୁ ନେଇ ଇରାନ ଉପରେ ଅଧିକ ଚାପ ପ୍ରୟୋଗ କରିବା ପ୍ରୟାସକୁ ସମାଲୋଚନା କରିଛି ତେହରାନ। ସେପଟେ ଆସନ୍ତା ସୋମବାର ଇରାନ ଉପରେ ସାନି କଟକଣା ଜାରି କରାଯିବ ବୋଲି କହିଛନ୍ତି ଆମେରିକା ଟ୍ରେଜେରୀ ସେକ୍ରେଟାରୀ ସ୍କଟ ବେସେଣ୍ଟ। ବେଳକୁ ବେଳ ଆମେରିକା-ଇରାନ ମଧ୍ୟରେ ତିକ୍ତତା ବୃଦ୍ଧି ପାଉଥିବାବେଳେ ବିବାଦ ଥମିବାର ନାଁ ନେଉନି। ସେପଟେ ଟ୍ରମ୍ପ କହିଛନ୍ତି- ଇରାନ କୌଣସି ପ୍ରକାର ବୁଝାମଣା ଲାଗି ପ୍ରସ୍ତୁତ ନୁହେଁ।
