ନନ୍ଦିଘୋଷ ବ୍ୟୁରୋ; ବନ୍ୟା ବିପନ୍ନଙ୍କ ପାଇଁ ରିଲିଫ୍ ସାମଗ୍ରୀ ନେଇ ଯାଉଥିବା ସମୟରେ ଅଧା ବାଟରେ ଓଲଟିଲା ଅଗ୍ନିଶମ ବିଭାଗର ବୋଟ । ଅଳ୍ପକେ ବର୍ତିଲେ ବୋଟରେ ଥିବା ସମସ୍ତ କର୍ମଚାରୀ । ବୋଟରେ ଥିଲେ ୧୫ ଜଣ କର୍ମଚାରୀ । ବୁଢ଼ା ଘାଟ ନିକଟରେ ଘଟିଛି ଏହି ଦୁର୍ଘଟଣା । ଯାଜପୁର ସୀମିଲିଆ ପଞ୍ଚାୟତ ଓଲେଇପଡ଼ା ଗାଁକୁ ଯାଉଥିଲା ରିଲିଫ୍ ସାମଗ୍ରୀ । ସେପଟରେ ଏବେ ବି ପାଣି ଭିତରେ ବୁଡ଼ି ରହିଛି ଅଗ୍ନିଶମ ବିଭାଗର ବୋଟ । ଉଦ୍ଧାର କାର୍ଯ୍ୟରେ ଲାଗିଛନ୍ତି ଓଡ୍ରାଫ୍ ଟିମ୍ ସହ ଅଗ୍ନିଶମ ବିଭାଗର ଟିମ । ଘଟଣା ସ୍ଥଳରେ ବିଡିଓ ,ତହସିଲ ଦାର୍ ସହ ପୋଲିସ କର୍ମଚାରୀ ପହଞ୍ଚିଛନ୍ତି ।
